Jeremías 26:3 - Bible in Tzeltal de Oxchuc y Tenejapa

³ Te ayuc bit'il ya yich'bat ta muc', te ya yijq'uitayic te bila amen ya spasique, te toj ya yac' sbaique, jich me ya jnop te ma ba ya cac'bey castigo yu'un sbolil te yat'elique, te jnopojix ya cac'beye.

Bible in Tzeltal Bachajón

³ Ya wan ya'iyic, hich jujutuhl ya yihquitayic hilel te chopol be yu'unique; hich ya jsut jc'op yu'un te bin chopol jnopoj te ya jpasbe yu'un te schopol a'telique.

Jeremías 26:3 Iomraidhean Croise

1 Reyes 21:27

C'alal te Acab la yaiy spisil, la xch'i' sc'u', la slap ch'ixal pac' soc la scom swe'el. La slap ta wayel te ch'ixal paq'uetic, soc bayal la smel yo'tan spisil ora yu'un.

1 Reyes 21:29

—¿La bal awilix te Acab te la spejc'anix sba ta jtojole? Ta scaj te bit'il bic'tajix ta jtojol, ma ba ya cac' xc'ot te wocol ta stojol te mach'atic ay yu'un te jayeb xan ora cuxule, ja' to me ya xc'ot ta swenta te snich'ane —xi'.

Jeremías 26:13

Tojtesa te awo'tanic soc te awat'elique, ch'uunbeyaic sc'op te Cajwaltic Diose, swenta jich ma sticunbeyex tel te woclajel te yalojbeyix sc'oplale.

Jeremías 26:19

“¿Te muc' ajwalil Ezequías soc spisil te lum Judá, la bal smilic te Miqueas? Ma jichuc la spas. Te muc' ajwalil la xi' te Cajwaltique. Och ta sc'anel te yacuc xna'bot yo'bolil sba yu'une. Jich yu'un, te Cajwaltic ma la sticun tel ta stojolic te woclajel te yalojbeyix sc'oplale. ¿Ja' bal ya xc'ot ta jwentatic xcuchel yuts'inel ta milel te mach'a muc' sc'oplale? —xiic.

Jeremías 36:3

Te ayuc bit'il ya xc'ot ta yo'tanic te mach'atic ayic ta Judá spisil te woclajel te jnopoj ya jticunbey tele, te yacuc yijq'uitay te bila amen ya spasique, jich ya jpasbey perdón yu'un —xi'.

Jeremías 36:7

Te ayuc bit'il ya yalbeyic wocol te Cajwaltique, soc te ya yijq'uitayic jilel te amen yat'elique, swenta manchuc ya xjul ta stojol te lum te yilimba soc te sc'ajc'al yo'tan te Cajwaltic te muc' ta jyalele —xi' te Jeremiase.

Ezequiel 12:3

Ja' yu'un, chajbana abiluc, jich yilel te bit'il ya xbaatix, yu'un ya x'ic'otat bael ta mosoile. Ta c'aaleltic me ya apas, jich me ya yilic spisilic. Ya me xloc'at jajch'el ta ana, ya me xbaat ta yan q'uinal. Jich wan ya sna'ic te ja'ic te lum te tulan yo'tanique.

Ezequiel 18:21

“Teme ya yijq'uitay jilel spisil te mulil yacal ta spasel te mach'a amen yo'tane, teme ja' ya xch'uun spasel ta spisil te bila ya yal te mandaliletic cu'une, teme ja' ya spas te bila yich'oj swentaile, soc te bila stojil ta pasele, ya me xcuxin ta mero melel, ma ba ya xlaj.

Oseas 11:9

Ma jichuc ya x'at'ejon te bit'il ay sc'ajc'al te quilimbae; ma ba ya jcha'jin xan te Efraín. Melel jo'on Dioson, ma winicucon. Jo'on Ch'ul Dioson te ayon ta awolile, soc ma'yuc talem jinbelat —xi' te Cajwaltique.

Joel 2:14

Ma wan ya yac'beyex castigo, ya wan sticunbeyex bendición: sit trigo soc vino yu'un smajt'an te Awajwalic, te Dios awu'unique.

Jonás 4:2

La sc'opon te Cajwaltic, jich la yal ta sc'oponel: —Cajwal, la nix jna' te c'alal ayon to ta jlumal a te bila ya xc'ot ta pasele. Ja' swentail te c'an anucon bael ta Tarsis. Melel jna'oj te ja'at Diosat te mero bayal yutsil awo'tan, te bayal ya ana' yo'bolil jbajtique, soc te ma orauc ya x'ilinate. Mero bayal te xc'uxul awo'tan. Manchuc me ya awal ya awac' castigo, pero patil ma ba ya awac' c'otuc ta pasel.