Jeremías 26:2 - Bible in Tzeltal de Oxchuc y Tenejapa

² jich la yal: —Tec'lan ta bay yutil yamac'ul templo, albeya spisil te bitic la calbat te ya awalbey te ants-winiquetic te ya xtalic ta bay lumetic yu'un Judá, te ya xtal squejan sbaic ta templo. Ma me ayuc bila ya xjil ta alel awu'un.

Bible in Tzeltal Bachajón

² hich la yal: Hich yaloj te Jehová: Tehc'ana aba ta yamaq'uil te sna Jehová, c'opona spisil te mach'atic talemic ta pueblohetic yu'un Judá yu'un ya sch'uhuntayic ta sna Jehová, halbeya spisil te c'opetic la jcalbat ta mandar te yac awalbe; ma me ayuc jp'ahluc te ma xawale.

Jeremías 26:2 Iomraidhean Croise

Jeremías 1:17

Te ja'ate, chajbana aba, ich'a smuc'ul awo'tan; baan soc albeya spisil te bila ya calbate. Ma me x'axi', melel teme jich ya apase, jo'on ya cac' te ya xnijc'at ta stojolic abi.

Jeremías 1:7

Ja'uc me to, te Cajwaltic la yalbon: —Ma me xawal te mero alalqueremate. Tey me ya xbaat a te bay ya calbat bael mandale, soc ja' me ya awal te bila mandal ya calbate.

Jeremías 19:14

Ta patil sujt' loq'uel ta Tófet te Jeremías, ta bay ticunot tel yu'un Cajwaltic te tal c'opojuc ta swentae. Ba stejc'an sba ta yamac'ul templo, soc la yalbey spisil te lume:

Jeremías 23:28

Teme ay jtul j'alwanej ay swaich, ac'a yal te ay swaiche; teme yu'unix yaiyojbon te jc'ope, jich toj ta alel yu'un. Ma pajaluc soc taquin ac te trigoe. Te jc'ope jich bit'il c'ajc', soc jich bit'il martillo te ya swuy te tone. Jo'on Ajwalilon, jich ya cal.

Jeremías 25:2

Te j'alwanej Jeremías la sc'asesbey sc'op Cajwaltic spisil te lum Judá soc te yajwal Jerusalén. La yal:

Jeremías 28:5

Te j'alwanej Jeremías la sjac'bey sc'op te j'alwanej Hananías, ta stojol te sacerdoteetic soc spisil te lum te ayic ta templo:

Jeremías 36:10

Te Baruc bajt' ta cajal yamac'ul templo ta bay te Yach'il Yochibale. C'alal ta scuarto Gemarías, te snich'an Safán, te ay yat'el ta cronista, la yalbey yaiy spisil lum te bila ts'ibubil ta balbil jun te tey ay sc'op a te Jeremiase.

Jeremías 42:4

Te Jeremías la sjac': —Lec ay. Ya calbey wocol te Cajwaltic Dios te bit'il la ac'anique, soc ya me cac'beyex ana'ic stojol spisil te bila ya yac'bon jna' stojole, ma ba ya jmucbat ta co'tan ni jtebuc —xi'.

Jeremías 7:2

—Ac'a aba ta yochibal templo cu'un, jo'on te Awajwalone, ac'a ta na'el stojol tey a in c'op to: “Spisil ants-winiquetic ta Judá te ya x'ochex ta yochibal templo te ya aquejan abaic ta jtojol te Awajwalonique, aiya awaiyic stojol te jc'ope.

Jeremías 7:27

Soc la yalbon te Cajwaltique: —Ja'at, Jeremías, albeya spisil in c'op to, manchuc teme ma xyich'at ta muq'ue; awtaya, manchuc teme ma sjaq'uique.

Ezequiel 3:10

Patil jich la yalbon: —Aiya me awaiy ta lec spisil te bila ya calbate, soc ac'a me ta awo'tan.

Ezequiel 33:7

“Te ja'at winic, cac'ojbat awat'el ta j'il-q'uinal ta stojol te lum Israel. Ja'at me ya xc'ot ta awenta te jc'ope, soc ya me ajultesbey stsaic neeluc.

Ezequiel 40:4

Te winique jich la yalbon: —Ila me awil ta lec, soc aiya me awaiy ta lec, ac'a me ta awo'tan ta spisil te bitic ya cac'bat awile. Melel Dios me la yic'at tel li'to, swenta yu'un ya cac'bat awil. Jich me ya awalbey yaiy spisil te bitic ya awil ta lum Israele —xi'.

San Mateo 28:20

P'ijubtesaic te ya yat'elinic spasel spisil te jmandal calojbeyexe. Ma me xch'ay ta awo'tanic te joinejex spisil ora ja' to c'alal ta slajibal te balumilale —xi' te Jesuse. Jichuc.

San Lucas 19:47

Jujun c'aal la yaiy p'ijubteswanej ta templo te Jesuse. Te jwolwanej-sacerdoteetic soc te jts'ibojometique soc uuc te mach'atic ich'bilic ta muc' yu'un te lume caj sleic bi ya yut ya smilic te Jesuse.

San Juan 18:20

Jesús la yalbey: —Jamal c'opojon ta comonsitil ta stojol spisil te ants-winiquetique, melel la caiy p'ijubteswanej ta sinagogaetic soc ta templo te banti ya stsobilay sbaic spisil te judioetique. Ma'yuc bila muquen la cal.

San Juan 8:2

Ta yan c'aal ta sab cha'tal xan ta templo. Spisil lum noptsajic tel ta stojol. Jich la snajc'an sba. Jajch' ta p'ijubteswanej.

Hechos 20:20

Xujt' ma la jcom jba ta yalel ta atojolic te bila ya xlecubex yu'une. La jp'ijubtesex ta comon ta bay atsoboj abaic soc uuc ta bay anaic juju-jtul.

Hechos 20:27

melel spisil la calbeyex ta jamal te bila chapal yu'un te Diose. Ma'yuc bila la jmuc ta co'tan xujt'uc.

Hechos 5:25

Ja'uc me to, ay mach'a tal yalbey yaiyic: —Te winiquetic te la awaq'uic ta chucjibale, ayiquix ta templo ta sp'ijubtesel te lume —xi'.

Hechos 5:42

Jujun c'aal ma la scom sbaic ta p'ijubteswanej soc ta yalel sc'oplal te Jesucristo ta bay templo soc ta bay naetic.

Deuteronomio 12:32

“Pasaic me bael spisil ora ta spisil te bitic la calbeyex apasique. Ma me xawac'beyic xan sjoy, soc ma me xach'ayic ni junuc.

Deuteronomio 12:5

Tey nix ta yolil te chajbalchajp ats'umbalique, te Cajwaltic ya me stsa te banti ya xnain te sbiile. Tey me ya xju' ya xba ach'uunic a.

Deuteronomio 4:2

Ma me xach'ayic soc ma me xawac'beyic sjoy jxujt'uc te bila mandalil ya calbeyexe. Pasaic me te mandaliletic yu'un te Cajwaltic te Dios cu'untic, te yacon ta yalel ta atojolique.

Josué 8:35

Te Josué ma'yuc bay jil ta alel jp'aluc yu'un ta spisil te mandal yaloj Moisés ta stojol stsojbol te lum Israel, soc te antsetic, alaletic, soc te jyanlum winiquetic te jun ayic soque.

Apocalipsis 22:19

Soc teme ay mach'a ya yac' ch'ayuc jtebuc te bila ts'ibubil li' ta bay in jun to, Dios me ya xtup'bot sbiil yu'un ta bay lista yu'un te cuxinele, soc ma x'ac'ot ainuc tey a ta bay te ch'ul muc'ul lume te ts'ibubilix sc'oplal ta bay in jun to.