Filemón 1:10 - Bible in Tzeltal de Oxchuc y Tenejapa

¹⁰ ya calbat wocol yu'un te Onésimo, te jnich'an ta stojol Dios, te joinej li'to ta banti ayon ta chuquele.

Nuevo Testamento Tzeltal de Amatenango

¹⁰ ya jkꞌanbeyat pawor yuꞌun te jꞌOnésimoe, te jnichꞌan kꞌoem ta skuenta Dios te liꞌ ayon sok ta prexoe.

Bible in Tzeltal Bachajón

¹⁰ Ya jc'oponat yu'un te jnich'an Onésimo, te ha jnich'an c'oht te c'alal ayon ta chuquele.

Filemón 1:10 Iomraidhean Croise

2 Samuel 18:5

Te muc' ajwalil la to spas xan ta mandal te Joab, te Abisai, soc te Itai. Jich la yalbey: —Ta swenta te c'uxon ta awo'tanique, lec nax me xac'oponic te jquerem Absalón —xi'. Spisil soldadoetic la yaiyic te bi la yal te muc' ajwalil ta stojolic te capitanetic ta scaj Absalón.

San Marcos 9:17

La yal te jtule: —Maestro, la quic' tel ta atojol te jnich'ane, yu'un ay pucuj ta yo'tan.

Romanos 12:1

Jich yu'un, quermanotac, ya calbeyex wocol ta swenta bit'il bayal c'uxtaybilex yu'un te Diose, ac'a me abaic ta sc'ab Dios soc te abaq'uetalique. Ja'uc me cuxul smajt'an Dios ya xc'oex ta stojol, te ch'ultesbilex soc te lec yo'tan yu'un te Diose. Yu'un jich ya sc'an ch'uunel awu'unic te Diose.

1 Corintios 4:14

Te bit'il jich la jts'ibubeyexe, ma yu'unuc ya jq'uexlaltesex. Yu'un ya jtac'uyex te jichex ta co'tan te bit'il cal-jnich'an te bayal c'ux ta co'tane.

1 Corintios 4:15

Manchuc teme ay lajunmil (10,000) jp'ijubteswanejetic awu'unic ta swenta te Cristoe, ja'uc me to, ma tsoboluc te atatique. Ja' nax atatonic c'oem ta swenta xch'uunjel awo'tanic ta stojol Cristo Jesús, te bit'il jajch' ach'uunic te lec yach'il c'op ta jwenta.

Gálatas 4:19

Cal-jnich'nab, yan buelta ayon ta woclajel ta awentaic. Jichon te bit'il jtul ants te ayinelix te yale. Ma xquejch'aj jwocol ja' to teme ain ta awo'tanic te Cristoe.

Colosenses 4:9

Sjoinej tel uuc te quermanotic Onésimo, te jun yo'tan ta stojol te Cajwaltique soc te bayal c'ux ta co'tantique, ja' nix te loq'uem tel ta awolilique. Ja'ic me te ya xcholbeyex awaiyic spisil te bila yac ta c'oel ta pasel li'to ta banti ayone.

1 Timoteo 1:2

Ya jpatbat awo'tan, Timoteo, ja'at te mero jnich'anat ta swenta xch'uunjel co'tantic. Ac'a me yac'bat bayal yutsil yo'tan te Jtatic Diose soc te Cajwaltic Cristo Jesuse. Ac'a me xc'uxtayat, soc lamaluc me q'uinal ya awaiy yu'un spisil ora.

Tito 1:4

Ja'at Tito, te jich c'oemat ta co'tan te bit'il mero jnich'anat ta swenta bit'il pajal ay xch'uunjel co'tantique, ac'a me yac'bat yutsil yo'tan te Jtatic Diose soc te Cajwaltic Cristo Jesuse te Jcoltaywanej cu'untique. Ac'a me xc'uxtayat, soc lamaluc me q'uinal ya awaiy yu'un spisil ora.

Filemón 1:11

Ta neelal to c'alal ay ta mosoil awu'un te Onesimoe, ma ba tuun awu'un. Yan ta ora to ya xtuunix awu'un te ja'ate soc uuc te jo'one.

Filemón 1:13

La sc'an co'tan te yacuc quic' join li'to te jichuque, swenta yu'un ja' ajelol ta abatinel cu'un ya xc'ot te bit'il ayon ta chuquel ta swenta te lec yach'il c'ope.

3 Juan 1:4

Ma'yuc yan te bila ya xbujts'naj co'tan ta lec yu'une, ja' nax te c'alal ya caiy stojol te jun yo'tanic ta spasel te bi ya yal te smelelil c'op te mach'atic cal-jnich'nabe.