Filemón 1:1 - Bible in Tzeltal de Oxchuc y Tenejapa

¹ Jo'on Pabloon te ayon ta chuquel ta swenta te Cristo Jesuse soc te quermanotic Timoteo, ya jpatbat awo'tan ja'at, Filemón, te bayal c'uxat ta co'tan, te joy jbajtic ta at'el ta swenta te Cristo Jesuse.

Nuevo Testamento Tzeltal de Amatenango

¹ Joꞌon jPabloon, te ayon ta prexo ta skaj te Cristo Jesuse, jun nax sok te hermano jTimoteoe, ya jtsꞌibabeyat te karta to, jaꞌat Filemon, te kꞌuxat ta koꞌtan sok te joy jbajtik ta aꞌtele,

Bible in Tzeltal Bachajón

¹ Pablo, te ayon ta chuquel ta scuenta Jesucristo, soc te quermanotic Timoteo, ta stojol Filemón, te c'uxat ta co'tan soc te jmohlol jbahtic ta a'tel,

Filemón 1:1 Iomraidhean Croise

Hechos 16:1

Jich te Pablo soc te Silas c'otic ta lum Derbe soc lum Listra te banti la staic jtul jnopojel te Timoteo sbiil te yal jtul judia-ants te xch'uunej te Jesuse. Yan te state griego-winic stuquel.

1 Corintios 3:9

Melel te jo'otique, yaj-at'elotic te Diose. Te ja'exe, c'aljibalex yu'un te Diose. Soc pasbil naex yu'un te Diose.

2 Corintios 1:1

Jo'on Pabloon. Ayon ta jpuc-c'op yu'un Jesucristo ta swenta sc'anjel yo'tan te Diose. Jo'on soc te quermanotic Timoteoe, ya jpatbeyex awo'tanic ja'ex te jch'uunjelex yu'un Dios te ayex ta lum Corinto soc spisil te mach'atic ch'ul lum yu'un Dios ta sq'uinal Acaya.

Gálatas 3:26

Jich yu'un apisilic yal-snich'anexix te Diose, ta swenta te xch'uunjel awo'tanic ta stojol te Cristo Jesuse.

Efesios 3:1

Ja' swentail jo'on, te Pabloon, ayon ta chuquel ta swenta Cristo Jesús ta acajic ja'ex te jyanlumexe.

Efesios 4:1

Jo'on ayon ta chuquel ta swenta te Cajwaltique, ya calbeyex bayal wocol te lec me xcuxinex ta q'uinal te bit'il ic'bilex yu'un te Diose.

Efesios 6:20

Dios sticunejon ta c'op ta stojol te ants-winiquetique. Ja' swentail te ayon ta chuquel ta cadena ta ora to. C'oponbonic Dios te ma ba xiw co'tan ta xcholele.

Filipenses 1:1

Jo'on Pabloon soc te Timoteo te abatotic yu'un te Jesucristoe, ya jpatbeyex awo'tanic ja'ex te ch'ul lumex yu'un te Diose soc te jun ayex soc te Cristo Jesús, te ayex ta lum Filipos soc te jwentainwanejetic awu'unic soc te diaconoetique.

Filipenses 2:25

Soc la jnop te puersa la jticunbeyex tel te quermanotic Epafrodito, te joy ta at'el soc ta tsalwaneje, te ja' la aticunic tel yu'un te ya yac'bon te bila ya xtuun cu'une.

Filipenses 4:3

Ja' nix jich te ja'ate, te jun awo'tan joinej jbatic ta at'ele, ya calbat wocol te yacuc acoltaybon in cheb quermanotactic antsetic to. Melel pajal woclajon soc ta yalel te lec yach'il c'ope, soc uuc te Clemente soc te yantic jo'tactic ta at'ele, te nacal sbiilic ta jun yu'un Dios swenta cuxinel.

Colosenses 1:1

Jo'on Pabloon, ayon ta jpuc-c'op yu'un Jesucristo ta swenta sc'anjel yo'tan te Diose, sjoinejon uuc te quermanotic Timoteo.

Colosenses 4:11

Soc ya sticunbeyex spatjibal awo'tanic uuc te Jesuse te Justo yan sbiile. Ja'ic nax stuquelic in to te judio-ch'uunjeletic te la sjoinonic ta at'el ta yalel te bit'il ay ta ajwalinel te Diose. Soc bayal la smuc'tesbonic co'tan.

1 Tesalonicenses 3:2

Jich la jticuntic tel ta yilbelex te quermanotic Timoteo te ay ta abatinel yu'un te Diose, te sjoinejotic ta at'el ta xcholel te lec yach'il c'op yu'un te Cristoe. La jticuntic ta atojolic swenta yu'un ya stulantesbeyex awo'tanic, soc ya yac'bey xan yip te xch'uunjel awo'tanique.

2 Tesalonicenses 1:1

Jo'on Pabloon soc te Silvanoe, soc te Timoteo, ya jpatbeyex awo'tanic ja'ex te jch'uunjelex ta lum Tesalónica te jun ayex soc te Jtatic Dios soc te Cajwaltic Jesucristoe.

2 Timoteo 1:8

Jich yu'un ma me xq'uexawat yu'un te ya awalbey sc'oplal te Cajwaltique; soc ma me xq'uexawat cu'un uuc te bit'il ayon ta chuquel ta swenta. Ts'ica awocol uuc te melel pajal ya jta jwocoltic ta swenta te lec yach'il c'op te ya caltique. Ja'uc me to, ya scoltayotic ta swenta yu'el te Diose.

Filemón 1:23

Ya sticunbat spatjibal awo'tan te Epafras, te pajal chuculon soc ta swenta te Cristo Jesuse.

Filemón 1:24

Soc uuc te Marcose, te Aristarcoe, te Demase, soc te Lucas te sjoinejon ta at'el ta spisilique.

Filemón 1:9

ja'uc me to, ja' lec te ja' ya calbat wocol ta swenta xc'uxul co'tan. Te jo'on Pabloon, te mamalonixe soc te ayon ta chuquel ta swenta te Cristo Jesuse,