Éxodo 9:3 - Bible in Tzeltal de Oxchuc y Tenejapa

³ ya me cac' tel spisil yip te cu'ele. Ya me xjul ta stojol te chambalametic awu'unic te ay ta aquiltique, ya me stsacotic ta chamel, mero muc' me te chamel ya xjul ta stojol te chambalametique. Ya me xlajic te caballoetic, burroetic, camelloetic, wacaxetic soc te chijetique.

Bible in Tzeltal Bachajón

³ te sc'ab Jehová ya yac' tulan jmilawal-chamel ta stojol te chambahlametic awu'unic te ay ta aquiltic: ha te cawuhetic, burrohetic, camellohetic, wacaxetic, tuminchijetic soc tentsunetic.

Éxodo 9:3 Iomraidhean Croise

Génesis 47:17

Jich la yiq'uic tel xchamsbalamic, la yac'beyic te José. Te José, ja' la yac'bey sjel swe'elic a te scaballoic, te xchijic, te swacaxic, te sburroic, puro xchamsbalamic la yac'bey sjel swe'elic a ta sjunal ja'wil.

Salmos 39:10

Ma me xamajonix, Cajwal, comaix te ac'abe, ayonix ta lajel yu'un.

Éxodo 5:3

La sjaq'uic: —Ja' te Dios cu'untic te jo'otic hebreootic, tal staotiquix bael. Jich yu'un ya me xbootic ta muc'ul jochol taquin q'uinal, te ay oxeb c'aal ya xbeenotic ochele. Ya xba cac'bey milbil smajt'an te Cajwal te Dios cu'un, soc te jlumale. Teme repente ya yac'on ta lajel li'to soc te jlumale, ta swenta tulan chamel o milel ya caiytic li'to —xiic.

Éxodo 7:4

Te faraón ma me xyaiybat stojol ac'opic. Ja'uc me to, ya me xtal te yip cu'el ta stojol te Egipto, soc muc'ul jchajp señail ta swenta castigo. Jich me ya xloc' bael te lum cu'une, ja' te israeletique.

Éxodo 8:19

Jich yu'un te p'ijil winiquetic la yalbeyic te faraón: —Ja' in to ja' ta swenta yu'el sc'ab te Diose —la yutic. Te faraón cha'tulanaj te yo'tane, mero ma la yich'bey ta muc' sc'opic, jich bit'il yalojbey sc'oplal te Cajwaltique.

Amós 4:10

—La jticunbeyex tel te bila la yac'beyex awocolic, jich bit'il la jticunbey tel ta stojol te egipcioetic. La cac' te ya xlajic ta guerra te queremetic awu'unic; soc la cac'bey yu'uninbeyex acaballoic te acontroique. La cac'beyex awaiybeyic stuil te mach'atic lajem awu'unique. Ja'uc me to, ma ba la asujt'es awo'tanic ta jtojol yu'un —xi' ta tulan te Cajwaltique.

Hechos 13:11

Ta ora to ya me yac'bat castigo te Cajwaltique. Ma'sit ya xc'oat soc bayal c'aal ma ba ya awilbey xojobil te c'aale —la yut. Ta ora nax ijc'al ajc'ubal bajt' te q'uinal la yile. Caj sle te mach'a ya xnitot ta sc'ab yu'une.

1 Samuel 6:9

Pero ac'a asitic ta yilel. Teme toj ya xbajt' ta ch'in lum Bet-semes te wacaxetic soc te carreta, te banti slumal te cajone, yu'un ni me ja' a te Dios yu'un Israel te yac yac'bel bayal jwocoltique. Yan teme ma teyuc ya xbajt'ic a, yu'un ma ja'uc te yac yac'bel tulan castigo ta jtojoltic, yu'unix jich nax talem a te wocol julem ta jtojoltique —xiic.