Éxodo 8:9 - Bible in Tzeltal de Oxchuc y Tenejapa

⁹ Te Moisés la sjac': —Albon te bi ora ya sc'an awo'tan te ya yich' bael q'uejel te xch'uch'etic ta atojol soc te ajo'taque, soc te alumale. Yu'un jich me ya jc'anbey te Cajwale. Te xch'uch'etique ya me sq'uej sbaic bael ta atojol soc ta muc'ul palacio awu'un. Ja' nax me ya x'ainic ta ja' —xi' te Moisés.

Bible in Tzeltal Bachajón

⁹ Te Moisés la yalbe te faraón: Halbon ca'iy te bin ora ya sc'an te ya jc'opombeyex Dios soc te a'batetic soc te pueblo awu'un scuenta yu'un ya xloq'uic bahel te xch'uch'etic ta atojol soc ta anahic, te ha nax ya xhilic ta ha', xchi.

Éxodo 8:9 Iomraidhean Croise

1 Reyes 18:25

Te Elías jich la yalbey te j'alwanejetic yu'un Baal: —Tsaaic jcojt'uc toro, ja' sbabial xapasic, melel ja' tsobolex. Patil ya me ac'oponic te dios awu'unic, pero ma me xatsumbeyic sc'aal —xi' te Elías.

Éxodo 7:25

Te bit'il sjuquebalix c'aal smajbel ja' a te Cajwaltique,

Éxodo 8:10

—Pajel nax me —xi' te faraón. Te Moisés la sjac': —Lec ay, ya xc'ot ta pasel, swenta yu'un tey me ya ana' a te bit'il ma'yuc yan a te bit'il te Cajwaltic te Dios cu'untique.

Éxodo 8:11

Ya me sq'uej sbaic bael te xch'uch'etic ta muc'ul palacio awu'un. Stuquel nax me ta ja' ya x'ainic. Ma ba ya yuts'inatix soc te ajo'tac ta ajwalile, soc te alumale —xi'.

Éxodo 8:8

Te faraón la sticun ta iq'uel te Moisés soc Aarón, jich la yalbey: —C'opona te Awajwalique, ac'a sq'uejbon bael ta jtojol te xch'uch'etique, soc ta stojol te jlumale. Ya cac' loq'uel te alumale, ac'a ba yac'beyic smajt'an te Awajwalique —xi'.

Isaías 10:15

Ja'uc me to, ¿ya bal stoy sba te echej ta stojol te mach'a ya xtuuntesot yu'une? ¿Cajal bal ya yac' sba te sierra ta stojol te mach'a ya xtuuntesot yu'une? Te nabate'ele, tojol te' nax, ma ja'uc ya spas ta mandal te mach'a ya x'ich'ot bael yu'une.

Números 14:20

Te Cajwaltic la sjac': —Lec ay, ya jpasbey perdón, jich te bit'il la ac'anbone.

Jueces 7:2

Te Cajwaltic la yalbey te Gedeón: —Mero bayal ta jyalel te israel-winiquetic te awic'oj tele. Te yacuc cac'bey stsal te madianetic, repente ya yalic ta swenta stoybailic te ju' yu'unic scoltayel sbaic ta stuquelique.