Éxodo 8:8 - Bible in Tzeltal de Oxchuc y Tenejapa

⁸ Te faraón la sticun ta iq'uel te Moisés soc Aarón, jich la yalbey: —C'opona te Awajwalique, ac'a sq'uejbon bael ta jtojol te xch'uch'etique, soc ta stojol te jlumale. Ya cac' loq'uel te alumale, ac'a ba yac'beyic smajt'an te Awajwalique —xi'.

Bible in Tzeltal Bachajón

⁸ Ha yu'un te faraón la sticon ta iq'uel te Moisés soc Aarón, hich la yalbe: C'opona te Jehová te yacuc sloq'ues bahel te xch'uch'etic ta jtojol soc ta stojol te pueblo cu'un, ya cac' loc'uc bahel te pueblo awu'un yu'un ya ya'beyic milbil smahtan te Jehová, xchi.

Éxodo 8:8 Iomraidhean Croise

1 Reyes 13:6

Ja' yu'un te muc' ajwalil la sc'opon te j'alwanej yu'un Dios, jich la yalbey: —Wocoluc c'oponbon te Dios awu'une, swenta yu'un ya me xlecub a te jc'abe —xi'. Te j'alwanej yu'un Dios la sc'oponbey te Diose. Te sc'ab te muc' ajwalil lecub, jich nix c'ot te bit'il ay ta neelal toe.

Salmos 66:3

Jich xawalbeyic te Diose: “Spisil te bitic apasoj mero jchajp yutsilal. Ta swenta te smuc'ul awu'el ya me xyalic ta lum ta atojol te acontrotaque;

Éxodo 10:16

Te faraón ora la sticun ta iq'uel te Moisés soc Aarón, jich la yalbey: —La jta jmul ta stojol te Awajwalic te Dios awu'unique, soc ta atojolic.

Éxodo 10:17

Jich yu'un ya me calbeyex wocol, pasbonic perdón yu'un te jmule, ma ba ya jpasix. C'oponbonic a te Ajwalil te Dios awu'unic te ya sq'uejbon bael te lajel ta jtojole —xi'.

Éxodo 10:18

Te c'alal loc' bael Moisés ta smuc'ul palacio te faraón, la sc'opon te Cajwaltique.

Éxodo 14:5

Te ajwalil ta Egipto tal ta albeyel te loq'uix bael te israeletique. Ora yanaj sit-yelaw yu'un soc uuc te sjo'tac ta ajwalile, jich la yalic: —¿Bistuc la cac'tic loq'uel te israeletique, te la yijq'uitaybotic jilel te cat'eltique? —xiic.

Éxodo 32:11

Te Moisés ja' la sc'opon te Cajwaltic, jich la yalbey: —Cajwal, ¿bi yu'un te ya x'ilinat ta stojol te lum awu'un, te ja'at nix la aloq'ues tel ta Egipto ta smuc'ul awu'el soc yu'el te ac'abe?

Éxodo 5:2

Te faraón la yalbey: —¿Mach'a a te Awajwal te ya jch'uunbey sc'op te ya cac' bael te israeletique? Ma jna'bey sba te Awajwal ya awale. Ma xju' caq'uex bael —xi'.

Éxodo 8:15

Ja'uc me to, te faraón c'alal la yil te ma'yuquix bi chicane, cha'tulanaj te yo'tane. Jich ma la yich'bey ta muc' sc'opic te Moisés soc te Aarón, jich bit'il yalojbey nix sc'oplal a te Cajwaltique.

Éxodo 8:29

Moisés la sjac': —Ya na'ax, ja' nax teme loc'on baele, ya jc'anbey te Cajwaltique, swenta yu'un pajel me ya xbajt'ic te jaetique. Jich me ya yijq'uitayat jilel soc spisil te ajo'tac ta ajwalil soc ta spisil te alumale. Teme ma ja'uc nax yu'un ya alo'layotic ta c'ope, te ya xboon soc te jlumal ta yaq'uel milbil smajt'an te Cajwale —xi' te Moisese.

Éxodo 8:32

Ja'uc me to, te faraón cha'tulanaj xan te yo'tane, ma la yac' bael te israeletique.

Éxodo 8:9

Te Moisés la sjac': —Albon te bi ora ya sc'an awo'tan te ya yich' bael q'uejel te xch'uch'etic ta atojol soc te ajo'taque, soc te alumale. Yu'un jich me ya jc'anbey te Cajwale. Te xch'uch'etique ya me sq'uej sbaic bael ta atojol soc ta muc'ul palacio awu'un. Ja' nax me ya x'ainic ta ja' —xi' te Moisés.

Éxodo 9:27

Jich te faraón la sticun ta iq'uel te Moisés soc Aarón. Jich la yalbey: —La jna'ix te jo'on ta jmule. Ja' jmul soc te jlumale, ma yolojuc te Ajwalil ya awale.

Éxodo 9:28

Mero c'axem to xan te chawuc soc te bat te ay ta jtojoltique. Ja' yu'un c'anbotic a te Awajwale, ya me caq'uexix bael —xi'.

Éxodo 9:33

C'alal loc' bael Moisés ta lum, te loc' bael ta stojol te faraón, la stoy sc'ab ta sc'oponel te Cajwaltique. Jich ora nax a com te bat soc te ja'ale. Jich ch'ay c'axel te chawuque.

Números 21:7

Jich yu'un bajt'ic ta stojol Moisés, la yalbeyic: —La jta jmultic ta sbolc'optayel Cajwaltic soc ta atojol te ja'ate. C'anbeya te Cajwaltic te ya sq'uejbotic bael te chanetique —xiic. Te Moisés la sc'anbey Cajwaltic te yacuc spasbey perdón te israeletique.

Hechos 8:24

La yal te Simone: —C'oponbonic me Cajwaltic ta jtojol te ja'exe, swenta yu'un ma me xc'ot ta jwenta te bila la awalique —xi'.

1 Samuel 12:19

Ja' yu'un, jich la yalbeyic te Samuel: —Albeya wocol te Cajwaltic te Dios awu'un, te manchuc ya xlajotic jo'otic te abatotic awu'un, melel bayal jmultic ta jpisiltic, soc ja' jmultic xan te la jc'antic muc' ajwalil cu'untique —xiic.