Éxodo 8:6 - Bible in Tzeltal de Oxchuc y Tenejapa

⁶ Jich yu'un te Aarón la stoy bael te sbastone ta stojol te ja'etique. Jich loq'uic tel te xch'uch'etique. Noj yu'unic ta spamal Egipto.

Bible in Tzeltal Bachajón

⁶ Ha yu'un te Aarón la shach sc'ab ta stojol te ha'etic ta Egipto, hich mohic tal xch'uch'etic te la snojesic te sq'uinal Egipto.

Éxodo 8:6 Iomraidhean Croise

2 Samuel 7:22

Ja' yu'un, Cajwal cu'un, mero muc'at, ma'yuc mach'a yan jich. Ma'yuc yan Dios ay, ja'at nax Diosat atuquel, jich nix te bit'il caiyojtique.

2 Crónicas 6:14

jich la yal: —Cajwal, Dios yu'un Israel, ma'yuc yan Dios jich te bit'ilat, ni ta ch'ulchan, ni ta balumilal. Ya ac'otes ta pasel te trato awu'un, soc ya awac' ta ilel te yutsil awo'tan ta stojol te mach'atic ya yac' sbaic ta abatinel awu'un soc spisil yo'tanic.

Salmos 105:30

La yac' esmajuc xch'uch'etic ta spamal sq'uinal Egipto, asta och xch'uch'etic ta swayib te muc' ajwalile.

Salmos 78:45

La sticunbey ta stojolic jaetic soc xch'uch'etic, spisilic ti'otic yu'un soc ac'bot bayal swocolic;

Salmos 86:8

Cajwal, ma'yuc yan dios jich te bit'il ja'ate; ma'yuc bi yan ya spaj te awat'ele.

Salmos 90:2

Te c'alal ma to ayuc a te witstiquil, te c'alal ma to ayuc a te lumq'uinal soc spisil bitic ay, c'alal to ta mero namey soc ja' to c'alal ta patil bael, ja'at atalel Diosat atuquel.

Éxodo 10:2

swenta yu'un jich me ya awalbey te anich'nabic soc te amamataque. Melel ma la cac' slabanon te egipcioetic te la jpas muc' jchajp señailetic ta stojolic. Jich me ya ana'ic te jo'on Ajwalilon —xi'.

Éxodo 15:11

Ja'at Cajwal, ma'yuc yan diosetic ya spajat. Ma'yuc yan mach'a ya spajbat awutsilal soc amuc'ul te ja'ate. ¡Jchajp nax bitic ya apas soc xiweltic sba! ¡Awu'un c'ajintayel!

Éxodo 7:19

Te Cajwaltic la yalbey xan te Moisese: —Albeya te Aarón ac'a stoy bael sbastón ta stojol te ja'etique: te bebeja'etic, pamal ja'etic, estanqueetic ta spamal sq'uinal Egipto te ay ja'etic tey a. Spisil me ya xc'atp'ujic ta ch'ich'. Soc ya me xc'atp'ujic ta ch'ich' spisil te ja'etic te pasbilic yawil ta te' soc te ay pasbilic ta ton —xi' te Cajwaltique.

Éxodo 9:14

Ya me jticun tel spisil castigo ta atojol soc ta stojol te ajo'tac ta ajwalile soc te alumale. Tey me ya ana' a te ma'yuc yan jich te bit'ilon jtuquel.

Éxodo 9:29

Te Moisés la sjac': —Ja' nax teme loc'on bael a ta lume, ya me jtoy jc'ab ta sc'oponel te Cajwale. Jich me ya xcom te bat soc te chawuque. Pero tey me ya ana' a te spamal q'uinal ja' yu'un te Cajwale.

Isaías 43:10

Te Cajwaltic ya yal: —Ja'ex testigoex cu'un, te abatetic te la jtsa jtuquele, swenta yu'un ya me sna'bonic jba soc ya me smuc'ulinon yo'tanic, soc te ya xc'ot ta yo'tanic te mach'aon a. Ma'yuc bay yan dios te neel chicnajem cu'un a; ma'yuc bay ya xchicnaj xan tel yan ta patil te bit'ilone.

Levítico 11:12

Spisil chambalametic ta ja' te ma'yuc xch'in xiq'uic soc te ma'yuc sulilique, ilaybiluc me awu'unic.

Deuteronomio 32:31

Mero sna'ojic te jcontrotactic te ma pajaluc soc te Jcanantaywanej cu'untic te jcanantaywanej yu'unic stuquelique.

Deuteronomio 33:26

La yal xan te Moisés: —Ma'yuc bila pajal soc te Dios yu'un Jesurún, te yac ta beel soc smuc'ul yu'el cajal ta stocalil ta ch'ulchan, te ya xtalat ta coltayel yu'une.

Deuteronomio 4:35

La yich' aq'uel awilic spisil, swenta yu'un jich me ya ana'ic a te ja' mero Dios stuquel te Cajwaltic, soc te ma'yuc yan te pajal soque.

Apocalipsis 16:13

La quil chicnaj oxeb pucujetic te jich yilelic te bit'il xch'uch' te loc' tel ta ye te muc'ul chan te xi'bantic sba ta ilele soc ta ye te muc'ul chambalam te xi'bantic sbae, soc ta ye te lotil j'alwaneje.