Éxodo 7:5 - Bible in Tzeltal de Oxchuc y Tenejapa

⁵ Te bit'il ya cac' ta ilel cu'el ta Egipto, soc te bit'il ya xloc' bael cu'un te israeletique, te egipcioetic jich me ya sna'ic te jo'on Ajwalilone —xi' te Diose.

Bible in Tzeltal Bachajón

⁵ Ya me sna'ic te egipciohetic te ho'on Jehovahon, te c'alal ya hach jc'ab ta stojol Egipto soc ya jloq'ues bahel ta yohlilic te snich'nab Israel, xchi.

Éxodo 7:5 Iomraidhean Croise

Salmos 138:7

Te c'alal juju-jteb xanix ma ba ya xlajon a, ja'at ya awac' cuxinucon; ya alich' bael te awu'el, ya acoltayon, jich ma xc'ot ta jtojol te yilimba te jcontrotaque.

Salmos 9:16

Te Cajwaltic la yac' sba ta na'el te bit'il yaiyojix chajbanwanej ta stojolic. Te mach'a amen, chucul ya xjil, ja' nix te syac xchajbanej stuquele.

Éxodo 10:2

swenta yu'un jich me ya awalbey te anich'nabic soc te amamataque. Melel ma la cac' slabanon te egipcioetic te la jpas muc' jchajp señailetic ta stojolic. Jich me ya ana'ic te jo'on Ajwalilon —xi'.

Éxodo 10:7

Ja'uc me to, c'opojic te sjo'tac te faraón, jich la yalic: —¿Bi to ora ya yijq'uitayotic ta woclajel te winique? Ac'aix loq'uel te ants-winiquetic, ac'a ba yich'ic ta muc' te Yajwalique. ¿Yu'un bal ma'yuc ta awo'tan te ayic to ta woclajel te yajwal Egipto? —xiic.

Éxodo 14:18

C'alal la cac'beyix yil cu'el a te faraón soc te soldadoetic yu'une te ay ta scarretaic soc scaballoic, jich me ya sna'ic te jo'on Ajwalilone —xi' te Cajwaltique.

Éxodo 14:4

Ja'uc me to, ya jtulantesbey yo'tan te faraón swenta yu'un ya me snutsex. Jich me ya cac'bey xan yil cu'el, soc spisil te soldadoetic yu'une. Tey me ya sna'ic a te egipcioetic te jo'on Ajwalilone —xi' te Cajwaltique. Te israeletic jich la spasic te bit'il albotique.

Éxodo 18:8

Te Moisés la xcholbey yaiy snialmamal ta spisil te bitic la spas Cajwaltic ta stojol te faraón, soc ta stojol te egipcioetic, ta xc'uxtayel te lum Israel. La yalbey xan spisil te swocolic te c'ot ta pasel ta be, soc spisil te bila la spasix Cajwaltic ta swenta scoltayelic.

Éxodo 3:20

Ja'uc me to, ya me cac' ta ilel cu'el ta stojolic, ya me quejch'entes yu'un lajel te egipcioetic ta spisil ta jchajp at'eliletic ya cac'bey yil ta slumalic, jich to me ya yaq'uex loq'uel te faraón.

Éxodo 6:1

Te Cajwaltic la sjac': —Ta ora to ya me awil te bila ya jpasbey te faraón. Melel ja' nax me ya yaq'uex loq'uel a teme ay bila tulan ya xtal ta stojole. Stuquel me ya yal te ya yaq'uex loq'uel —xi' te Diose.

Éxodo 6:6

Jich yu'un baan albeya te alumal te Jo'on Ajwalilone. Ya xba jcoltayex loq'uel ta mozoil soc spisil te at'el te tenbilex ta spasel yu'un te egipcioetique. Ya me cac' ta ilel cu'el. Ya me jcoltayex loq'uel a ta swenta te bila muc' ya yich' pasel ta stojolique.

Éxodo 7:17

Jich yu'un tey me ya ana' yo'tic a te ja' mero Ajwalil stuquele: Te ya jmaj ta muc'ja' soc te jbastón jtsacoj ta jc'abe, ya me xc'atp'uj ta ch'ich' te ja'e.

Éxodo 8:10

—Pajel nax me —xi' te faraón. Te Moisés la sjac': —Lec ay, ya xc'ot ta pasel, swenta yu'un tey me ya ana' a te bit'il ma'yuc yan a te bit'il te Cajwaltic te Dios cu'untique.

Éxodo 8:19

Jich yu'un te p'ijil winiquetic la yalbeyic te faraón: —Ja' in to ja' ta swenta yu'el sc'ab te Diose —la yutic. Te faraón cha'tulanaj te yo'tane, mero ma la yich'bey ta muc' sc'opic, jich bit'il yalojbey sc'oplal te Cajwaltique.

Éxodo 8:22

Te c'alal ya xc'ot ta pasel, ma ba ya cac' xc'ot ta Gosén, te banti ay te lum cu'une. Ma'yuc jcojt'uc ja ya xc'ot tey a. Jich me ya ana' a te ja' Ajwalilon jtuquel te joinej te lume.

Ezequiel 25:17

Xiweltic me sba te bila ya jpasbey ta stojolic ta swenta sujt'esbeyel spacol, ya me cac'bey castigo ta swenta quilimba. Te c'alal ya jpase, ya me sna'ic te jo'on Ajwalilon —xi' te Cajwaltique.

Ezequiel 28:22

jich xawalbey: “Jich ya yal te Cajwaltique: ‘Ya calbat ta jamal Sidón, jo'on me acontroon; ta awolil me ya xchicnaj te xojobil cutsilale. Te c'alal ya cac'bat ta atojol te castigo, te jich ya xchicnaj a te ch'ul Diosone, spisil ants-winiquetic ya me sna'ic te jo'on Ajwalilone.

Ezequiel 32:15

Te c'alal ya jc'atp'un ta jochol taquin q'uinal te Egipto, soc te ya cac' jojch'ajuc te lumq'uinale, te c'alal ma'yuquix mach'a nainem tey a, ya me sna'ic te jo'on Ajwalilone”, xaat me ta c'ayoj.

Ezequiel 36:23

Ya me cac' ta ilel ta nacionetic te smuc'ul te jch'ul-biile, te la aboltesbeyic sc'oplal ta stojolic te nacionetique. Te c'alal ya jpase, ya me sna'ic te jo'on Ajwalilone. Jo'on Ajwalilon te jich caloje.

Ezequiel 39:22

Te Israel, jich ora ya xjajch' sna'ix a te jo'on Ajwalilon te Dioson yu'une.

Ezequiel 39:7

Jo'on me ya cac' ta na'el yu'un te lum Israel cu'un te jch'ul-biile, ma me ayuquix bi ora ya cac' sboltesbon xan. Te jyanlum nacionetic ya me sna'ic te jo'on Ajwalilon te ya cac' ta ilel te bit'il ch'ul Dioson yu'un Israel.