Éxodo 7:3 - Bible in Tzeltal de Oxchuc y Tenejapa

³ Ja'uc me to, ya me cac' xtulanajuc yo'tan ta lec te faraón, yu'un ya me jpasbey bayal ta jchajp señailetic ta stojol.

Bible in Tzeltal Bachajón

³ Pero ya jtulantesbe yo'tan te faraón, soc ya cac' p'ohluc señahetic soc jchahp a'teliletic cu'un ta sq'uinal Egipto.

Éxodo 7:3 Iomraidhean Croise

Nehemías 9:10

Mero muc' señail soc jchajp at'eliletic la apasbey swenta scontroinel faraón, ta stojolic te abatetic yu'une, soc ta spisilic te yajwal te slum-sq'uinale, melel la ana' te peq'uel ta sitic te israeletic soc stoyoj sbaic ta stojol. Jich chicnaj te yutsil smuc'ul ac'oplal te ay ta ora in to.

Salmos 135:9

Ta mero yolil Egipto la spas jchajp señailetic ta swenta scontroinel faraón soc te abatetic yu'une.

Salmos 78:12

Dios la spas jchajp at'eliletic ta stojol sme'-static ta sq'uinal Zoán te ay ta Egipto:

Éxodo 11:10

Te Moisés soc Aarón la spasic spisil te jayebix tel jchajp señail ta stojol te faraón. Ja'uc me to, te Cajwaltic la stulantesbey xan yo'tan te faraone. Jich stalel nax ay te yo'tane, ma la yac' loq'uel te israeletic ta Egipto.

Éxodo 11:9

Jich yu'un te Cajwaltic la yalbey te Moisés: —Te faraón ma nix bay ya yich'beyex ta muc' ac'opic a, swenta yu'un jich ya spastaj a te jchajp señailetic cu'un ta lum Egipto —xi' te Diose.

Éxodo 14:4

Ja'uc me to, ya jtulantesbey yo'tan te faraón swenta yu'un ya me snutsex. Jich me ya cac'bey xan yil cu'el, soc spisil te soldadoetic yu'une. Tey me ya sna'ic a te egipcioetic te jo'on Ajwalilone —xi' te Cajwaltique. Te israeletic jich la spasic te bit'il albotique.

Éxodo 3:20

Ja'uc me to, ya me cac' ta ilel cu'el ta stojolic, ya me quejch'entes yu'un lajel te egipcioetic ta spisil ta jchajp at'eliletic ya cac'bey yil ta slumalic, jich to me ya yaq'uex loq'uel te faraón.

Éxodo 4:21

Te Cajwaltic la yalbey te Moisés: —Te c'alal ya xc'oat ta Egipto, p'ijan me ta spasel te jchajp at'eliletic te la cac'batix awu'el ta spasele. Ja'uc me to, ya jtulantesbey yo'tan te faraón te ma xyac' loq'uel te israeletique.

Éxodo 4:29

Jich bajt' ta xchebalic. Ba stsobic te mamaletic ich'bilic ta muc' yu'un te israeletique.

Éxodo 4:7

La yal xan te Diose: —Ac'a ochel xan yan buelta ac'ab ta yutil ac'u' —xi'. Te Moisés jich la spas. Te c'alal la sloq'ues tel, buen lequix a, jich nix bit'il spisil te sbaq'uetale.

Éxodo 7:13

Ja'uc me to, manchuc me la yil te faraón, la stulantes te yo'tane. Ma la sc'an la yaiy stojol te c'ope, jich nix bit'il la yal te Cajwaltique.

Éxodo 9:16

Ja'uc me to, la cac' xcuxinat xan, swenta yu'un ya me awilbon te cu'ele, soc swenta yu'un ya me yich' alel jc'oplal ta spamal te q'uinale.

Proverbios 21:1

Ay ta sc'ab Cajwaltic te yo'tan te muc' ajwalile, jich me toj ya xbeen te bit'il muc'ja', jich te bit'il ya sc'an yo'tan te Cajwaltique.

Isaías 51:9

Wic'a asit, wic'a asit, yu'el Cajwaltic, chajbana aba soc awip; wic'a asit jich bit'il la apas ta namey, ja' te mero namey q'uinale. Ja'at la asesan te Rahab, te muc'ul xi'bil chambalam ta mar.

Miqueas 7:15

Pasbeya yilic jchajp at'elil, jich bit'il te bi c'aalil la aloq'ues tel ta Egipto.

San Juan 4:48

Te Jesús jich la yalbey: —Te manchuc ya awil te señailetic soc te jchajp at'eliletique ma ba ya ach'uunon te jichuque —la yut.

Hechos 2:22

“Te ja'exe, jlumal israeletic, aiya me awaiyic stojol te bila ya calbeyexe. Te Jesús te Nazarete, chican la awilic te lec sc'oplal yu'un te Diose, melel ja' ta swenta te la spas jchajp at'eliletic soc señailetic ta awolilic te Diose, jich bit'il te ana'ojic stojol ta mero melele.

Hechos 7:36

Te Moisés ja' nix la sloq'ues bael ta Egipto te antiguo jme'-jtatique. Soc la spas jchajp at'eliletic soc señailetic ta sq'uinal Egipto, soc ta bay Tsajal Mar, soc cha'winic (40) ja'wil ta bay muc'ul jochol taquin q'uinal.

Romanos 15:19

soc ta swenta yip te señailetic soc te jchajp at'eliletique, soc ta swenta yu'el te Ch'ul Espiritue. Jich ta bayuc nax ta spamal te q'uinale, ja' to c'alal ta Jerusalén soc c'alal to ta sq'uinal Ilírico, nojix cu'un ta alel te lec yach'il c'op yu'un te Cristoe.

Romanos 9:18

Jich yu'un ja' chican yo'tan stuquel te Dios te mach'a ya xc'uxtaye, soc ja' chican yo'tan te mach'a ya yac' tulanubuc yo'tane.

Deuteronomio 4:34

¿Ay bal dios te ba sloq'ues jchajp lum ta yolil yantic lumetic ta swenta bayal pruebaetic, señailetic, jchajp señailetic soc guerraetic, te tey la yac' ta ilel spisil yu'el a, te mero xiweltic sba te bila la spase, jich bit'il la spas ta atojolic soc ta stojol te acontroic ta Egipto te Cajwaltic te Dios cu'untique?

Deuteronomio 7:19

Na'aic me te bitic pruebaetic muq'uic sc'oplal c'oemic ta pasel te ja'ex nix testigoex yu'une, soc te muc' señailetic soc te jchajp señailetic, soc te smuc'ul yip yu'el la yac' ta ilel te Cajwaltic Dios cu'untic te c'alal la sloq'uesex tel ta Egipto. Ja' me jich ya spasbey ta atojolic ta spisil te lumetic ya axi'ique.