Éxodo 7:10 - Bible in Tzeltal de Oxchuc y Tenejapa

¹⁰ Te Moisés soc te Aarón ba sc'oponic te faraone. Jich la spasic te bit'il la yal mandal te Cajwaltique. Te Aarón la xch'oj coel ta lum te sbastón ta stojol faraón soc te sjo'tac ta at'ele, te bastón c'atp'uj ta chan.

Bible in Tzeltal Bachajón

¹⁰ Ha yu'un te Moisés soc Aarón bahtic ta stojol faraón, hich la spasic te bin ut'il pasotic ta mandar yu'un te Jehová. Te Aarón la sch'oj cohel te snahbate' ta stojol faraón soc ta stojol te a'batetic yu'un, hich c'atp'uj ta chan.

Éxodo 7:10 Iomraidhean Croise

Salmos 135:9

Ta mero yolil Egipto la spas jchajp señailetic ta swenta scontroinel faraón soc te abatetic yu'une.

Éxodo 12:28

Jich bajt'ic ta spasel spisil te bila yaloj te Cajwaltique, jich bit'il albilix mandal ta stojol te Moisés soc te Aarone.

Éxodo 4:3

—Ch'oja ta lum —xi' sc'oplal. Te Moisés la xch'oj ta lum te sbastone. C'alal la xch'oj ta lum te sbastón, c'atp'uj ta chan. Te Moisés loc' ta anel ta stojol te chane.

Éxodo 7:15

Ja'uc me to, ya me xba awil ta buen sab te pajele. Ya xcoj tel ta ja', maliya ta ti'ja'. Ich'a bael te abastón te c'atp'uj ta chane.

Éxodo 7:20

Te Moisés soc te Aarón jich la spasic te bit'il albotic mandal yu'un te Cajwaltique. Te Aarón la stoy te sbastón, la smaj a te ja' ta sit te faraón soc te sjo'tac ta ajwalile. Spisil te ja'etic c'atp'ujic ta ch'ich'.

Éxodo 7:6

Jich yu'un te Moisés soc te Aarón jich la spasic spisil te bit'il nix la yal mandal te Cajwaltique.

Éxodo 7:9

—Teme ya sc'anbat jchajp señail te faraón, albeya te Aarón ac'a xch'oj coel ta lum te sbastón ta stojol te faraón, ya me xc'atp'uj ta chan —xi' te Diose.

Amós 9:3

Teme ya snac' sba ta bay stoylejal switsul Carmelo, tey ya xba jle a; teme ya snac' sba ta jtojol ta bay sc'ubulil mar, tey ya jticun bael a te smuc'ul xchanul mar, yu'un ya xba sti'.

San Marcos 16:18

soc ya me stsac ta sc'abic jti'awal chanetic, soc ya me yuch'ic te bila miljibale, ja'uc me to, ma ba ya xlajic yu'un, soc ya me scajanbey sc'abic ta sjol te jchameletic, jich me ya xcolic —xi' te Jesuse.

San Lucas 10:19

Jo'on la cac'beyex tulan awat'elic ta xpech'el ta teq'uel te chanetique soc te tsequetique, soc cac'ojbeyex te ya xju' awu'unic stsalel spisil yu'el te cajcontrotique. Jich ma'yuc bila ya yuts'inex xan xujt'uc.