Éxodo 6:3 - Bible in Tzeltal de Oxchuc y Tenejapa

³ Cac'oj jba ta ilel ta stojol Abraham, Isaac soc Jacob. Soc la cac'bey sna' te jbiile: “Dios te Spisil ya xju' yu'une”, xi' te jbiile. Ja'uc me to, ma ja'uc la cac' ta na'el te mero jbiile: “Jo'on Ajwalilon”, te xie.

Bible in Tzeltal Bachajón

³ Hich la jcac' jba ta ilel ta stojol Abraham, Isaac soc Jacob te bin ut'il Dioson te spisil ya xhu' cu'un, pero ma ba la jca'be sna'ic te Jehová te jbihile.

Éxodo 6:3 Iomraidhean Croise

Génesis 13:18

Jich te Abram la syantesbey yawil te scampamento, c'o ainuc ta jijte'eltic yu'un Mamre, te ay ta nopol lum Hebrón. Tey la spasbey scajtijib ta chiq'uel smajt'an Cajwaltic a te la yac'bey milbil smajt'an ta yalel wocol.

Génesis 17:1

Te c'alal balunlajuneb yo'winic (99) ya'wilal a te Abram, te Cajwaltic la yac' sba ta ilel ta stojol, jich la yalbey: —Jo'on Dioson te Spisil ya xju' cu'une, toj me xawac' aba ta jtojol, ma me xapas te bila ma lecuque.

Génesis 22:14

Te Abraham la slebey sbiil te ch'in q'uinale: “Ya slebotic spisil te bila ya xtuun cu'untic te Cajwaltique”, xi' sbiil c'ot yu'un. Jich yu'un ta ora to jich ay ta alel: “Ta wits ya yac' Cajwaltic te bila ya xtuune”, xi' sc'oplal.

Génesis 28:3

Ac'a yac'bat bendición te Dios te Spisil ya xju' yu'une, soc ac'a yac esmajucat, bayaluc me ta jmil ac'a c'otuc ats'umbal, swenta yu'un ay me bayal ta jchajp lum ya xc'ot ta awenta.

Génesis 35:11

Dios la yalbey xan: —Jo'on Dioson te Spisil ya xju' cu'une; esmajan, ayuc me bayal ats'umbal. Muc'ul nación ya xc'oat, bayal me ta jpam lum ya xc'oat ta loq'uel a, bayal ta jtul ajwaliletic ya xloc' a te ats'umbale.

Génesis 48:3

la sc'opon xan te José: —Te Dios te Spisil ya xju' yu'une, la yac' sba ta ilel ta jtojol ta lum te Luz sbiile te ay ta Canaán, soc la yac'bon bendición:

Salmos 68:4

C'ajintayaic te Diose, albeyaic sbiil ta c'ayojetic; albeyaic yutsil sc'oplal te mach'a cajal ta tocal te yac ta beele. ¡Binuc nax me awo'tanic yu'un te Cajwaltique! ¡Binuc nax me awo'tanic ta stojol!

Salmos 83:18

Ac'a sna'ic te ja'at nax Ajwalilat, te ja'at nax te mero Toyolat, te atuquel ay ta awenta spamal te q'uinale.

Éxodo 15:3

Te Cajwale mero ju'em yu'un guerra. Ajwalil te sbiile.

Éxodo 23:21

Ma me q'uejeluc xawac' aba ta stojol. Ch'uunbeya sc'op, ma me toybaucat ta stojol, melel ja' me ya x'at'ej ta jwenta, soc ma xju' ya spasbeyex perdón yu'un te amulique.

Éxodo 3:14

La sjac' te Diose: —Albeya: “JO'ON TE JTALEL AYONE”, xi' te sbiile, uta me. Soc albeya te alumale: “TE STALEL AY, xi' te sbiile, ja' la sticunon tel ta atojolic”, uta me —xi'.

Isaías 42:8

Jo'on Ajwalilon, ja' me jbiil abi, soc ma me xju' te ya cac' yutsilalin yan te cutsilale; jo'on nax me jtuquel ya x'ich'oton ta muc', ma me ja'uc te loc'ombaetique.

Isaías 44:6

Te Cajwaltic, ja' te muc' ajwalil soc J'ac'wanej ta libre yu'un Israel. Te Cajwaltic te Spisil ya xju' yu'une, ya yal: —Jo'on ayon ta sbabial soc ta slajibal; ma me ayuc yan dios jich te bit'ilone.

Jeremías 16:21

Te Cajwaltic la sjac': —Jich yu'un, ta jc'axel nax ta spisil ya cac' ta ilel te cu'ele; jich me ya ana'ic te ja' jbiil te Ajwalile —xi' te Cajwaltique.

Jeremías 33:2

—Jo'on Ajwalilon te la jpas balumilal, la jchajban soc tulan la jwolan ta bay yawil, jo'on ya calbat:

Ezequiel 20:5

Albeya: “Jich ya yal te Cajwaltique: ‘Te c'alal la jtsa Israel, ay bila jc'axel la cal ta jamal ta stojol patil alnich'anetic yu'un, soc la cac' jba ta na'el ta swenta cat'el ta stojolic ta Egipto. Jc'axel la cal ta jamal ta stojolic: “Jo'on Ajwalilon, Dioson awu'unic”, xoon.

Ezequiel 37:13

Te c'alal ya jambeyex te amuquenalique, soc c'alal ya quiq'uex loq'uel tel tey a, lum cu'un, ya me ana'ic te jo'on Ajwalilon.

Ezequiel 37:6

Ya me cac'beyex xan stulanil achialic, ya me jnojesex xan ta baq'uet, ya me cac' spotsex xan ta nujc'ul, ya me cac'beyex xan awich'ic ic', jich me ya xcuxinex xan. Jich me ya ana'ic a te jo'on Ajwalilon’, xi' me”, uta me —xi'.

San Juan 8:58

La yal te Jesuse: —Jamal ya calbeyex, te c'alal ma to xchicnaj a te Abrahame, jtalel nanix ayon jtuquel a —xi'.

Apocalipsis 1:4

Jo'on Juanon te ya jpatbeyex awo'tanic ja'ex te jucchajp jch'uunjelex te ayex ta sq'uinal Asia. Ac'a yac'beyex bayal yutsil yo'tan, soc lamaluc me q'uinal ya awaiyic yu'un te mach'a stalel aye, te ay ta namey tele, soc te mach'a talelixe, soc uuc te juqueb espirituetic te ayic ta yelaw te muc'ul nactijibale,

Rut 1:20

Te Noemí la sjac': —Ma xawalboniquix Noemí, yu'un ma t'ujbiluquix q'uinal ya caiy. Ja' lec ac'boniquix jbiilin Mara, melel te Dios te Spisil ya xju' yu'une, la yac'bon ch'aubuc co'tan sujt'el tel yu'un mel-o'tan.