Éxodo 6:2 - Bible in Tzeltal de Oxchuc y Tenejapa

² Te Dios la sc'opon te Moisés, jich la yal: —JO'ON AJWALILON.

Bible in Tzeltal Bachajón

² Te Dios hich la yalbe xan te Moisés: HO'ON JEHOVAHON.

Éxodo 6:2 Iomraidhean Croise

Génesis 15:7

Soc jich la yalbey xan yaiy: —Jo'on Awajwalon te la quic'at loq'uel tel ta Ur te ay ta sq'uinal caldeoetique, swenta yu'un ya cac'bat aq'uinalin in q'uinal to —xi' sc'oplal yu'un.

Éxodo 12:12

Te ajc'ubal ya cale ya me xc'axon ta spamal Egipto ta yejch'entesel ta lajel sba-nich'aniletic ta juju-jchajp sna te egipcioetic, soc te sba yalatac te xchamsbalamique. Castigo ya xc'ot ta stojolic spisil te diosetic yu'un Egipto. Jo'on Ajwalilon jtuquel te la cale.

Éxodo 14:18

C'alal la cac'beyix yil cu'el a te faraón soc te soldadoetic yu'une te ay ta scarretaic soc scaballoic, jich me ya sna'ic te jo'on Ajwalilone —xi' te Cajwaltique.

Éxodo 15:3

Te Cajwale mero ju'em yu'un guerra. Ajwalil te sbiile.

Éxodo 17:1

Spisil te israeletic loq'uic bael ta jochol taquin q'uinal te Sin sbiile, c'unc'un beenic bael jich bit'il mandal yu'un te Cajwaltique. C'o spas scampamentoic ta Refidim. Pero ma'yuc ja' la sta yuch'ic tey a te israeletique.

Éxodo 20:2

—Jo'on Ajwalilon, te Dioson awu'une, te la jloq'uesat ta Egipto ta banti ayat ta mozoile.

Éxodo 3:14

La sjac' te Diose: —Albeya: “JO'ON TE JTALEL AYONE”, xi' te sbiile, uta me. Soc albeya te alumale: “TE STALEL AY, xi' te sbiile, ja' la sticunon tel ta atojolic”, uta me —xi'.

Éxodo 3:15

Te Dios la yalbey xan te Moisés: —Albeya xan te alumale: “Te Cajwaltic te Dios yu'un te antiguo jme'-jtatique, ja' te Dios yu'un Abraham, Isaac soc te Jacob, ja' la sticunon tel ta atojolic”, uta me. Ja' me te jbiile. Sbajt'el q'uinal ay, ma ba ya xch'ay sbajt'el q'uinal te jbiile.

Éxodo 6:29

jich la yal: —Jo'on te Ajwalilon. Albeya te faraón te ajwalil yu'un Egipto ta spisil te bila ya calbate —xi'.

Éxodo 6:6

Jich yu'un baan albeya te alumal te Jo'on Ajwalilone. Ya xba jcoltayex loq'uel ta mozoil soc spisil te at'el te tenbilex ta spasel yu'un te egipcioetique. Ya me cac' ta ilel cu'el. Ya me jcoltayex loq'uel a ta swenta te bila muc' ya yich' pasel ta stojolique.

Éxodo 6:8

Tey ya quiq'uex bael a ta q'uinal te la calbey Abraham, Isaac soc Jacob te ya cac'beye. Jich yu'un ja' me ya xc'ot ta awentaic cu'un. Jo'on te Ajwalilone —xi' te Diose.

Isaías 42:8

Jo'on Ajwalilon, ja' me jbiil abi, soc ma me xju' te ya cac' yutsilalin yan te cutsilale; jo'on nax me jtuquel ya x'ich'oton ta muc', ma me ja'uc te loc'ombaetique.

Isaías 43:11

Jo'on nax jtuquel te Ajwalilone; ma'yuc yan mach'a ya xju' ya xcoltaywan, jo'on nax jtuquel —xi'.

Isaías 43:15

Jo'on Ajwalilon, te la jchicnantesex te Israelex; jo'on te Ch'ul Dioson soc muc' ajwalilon awu'unic —xi'.

Isaías 44:6

Te Cajwaltic, ja' te muc' ajwalil soc J'ac'wanej ta libre yu'un Israel. Te Cajwaltic te Spisil ya xju' yu'une, ya yal: —Jo'on ayon ta sbabial soc ta slajibal; ma me ayuc yan dios jich te bit'ilone.

Jeremías 9:24

Teme ay mach'a toyol nax q'uinal ya yaiye, ja'uc me toyemuc nax q'uinal ya yaiy yu'un te ya sna'bon jbae, te ya sna' te jo'on Ajwalilon, te ya x'at'ejon ta balumilal soc xc'uxul co'tan, te toj ya caiy chajbanwaneje. Ja' me ya smulan co'tan. Jo'on Ajwalilon jich ya cal —xi'.

Ezequiel 20:5

Albeya: “Jich ya yal te Cajwaltique: ‘Te c'alal la jtsa Israel, ay bila jc'axel la cal ta jamal ta stojol patil alnich'anetic yu'un, soc la cac' jba ta na'el ta swenta cat'el ta stojolic ta Egipto. Jc'axel la cal ta jamal ta stojolic: “Jo'on Ajwalilon, Dioson awu'unic”, xoon.

Malaquías 3:6

“Jo'on Ajwalilon, ma'yuc bay yanajem co'tan. Jich ma ba jtup'ex ta q'uinal te sts'umbalex Jacob.