Éxodo 5:3 - Bible in Tzeltal de Oxchuc y Tenejapa

³ La sjaq'uic: —Ja' te Dios cu'untic te jo'otic hebreootic, tal staotiquix bael. Jich yu'un ya me xbootic ta muc'ul jochol taquin q'uinal, te ay oxeb c'aal ya xbeenotic ochele. Ya xba cac'bey milbil smajt'an te Cajwal te Dios cu'un, soc te jlumale. Teme repente ya yac'on ta lajel li'to soc te jlumale, ta swenta tulan chamel o milel ya caiytic li'to —xiic.

Bible in Tzeltal Bachajón

³ Hich la sjaq'uic: Te Dios yu'un te hebreohetic tal stahotcotic; ha yu'un ac'awotcotic bahel te oxeb c'ahc'al ya xbehenotcotic ta jochol taquin q'uinal, ya ca'becotic milbil smahtan te Jehová te Dios cu'uncotic, scuenta yu'un ma ba ya xtal ta jtojolcotic soc jmilawal-chamel o espada, xchihic.

Éxodo 5:3 Iomraidhean Croise

2 Reyes 17:25

Pero ma ba la xch'uunic te Cajwaltic te ants-winiquetic te ochic ta nainele, ja' yu'un te Cajwaltic ticunbotic tel león-chojetic, ay milotic yu'un.

2 Crónicas 30:8

Ma me tulanuc ya awac' abaic soc te awo'tanic, jich bit'il tulanaj yo'tanic te antiguo ame'-atatique. Toya ac'abic ta stojol Cajwaltic swenta yu'un ya x'ach'ub xan te trato, soc la'ic ta ch'ul templo yu'un, te xch'ultesej sbajt'el q'uinale. Ac'a abaic ta abatinel ta stojol te Cajwaltic Dios awu'unique, jich me ya xquejch'aj yilimba ta atojolic te ja'exe.

Esdras 7:23

“Spisil te bitic ya sc'an te Dios ta ch'ulchan yu'un te templo yu'une, ya me xju' ya yich' aq'uel ta ora, swenta yu'un jich ma'yuc ya xtal castigo ta stojol a te snich'nab muc' ajwalile soc nix ta stojol te bay c'alal yu'unineje.

Éxodo 3:18

Jich te mamaletic ya me yich'bat ta muc' te ac'ope. Ya me awalbey te ya xba ac'oponic soc te muc' ajwalil yu'un Egipto, jich me ya xc'o awalbey: “Te Cajwaltic te Dios cu'untic jo'otic te hebreootic tal sc'oponotiquix. Jich yu'un ya me awac'otic loq'uel te ya xbootic ta muc'ul jochol taquin q'uinal. Ya me xbeenotic ochel oxeb c'aal tey a. Yu'un ya xba cac'beytic smajt'an te Cajwaltic te Dios cu'untique”, ya me awut.

Éxodo 7:16

Albeya jajch'el: “Te Cajwaltic te Dios cu'untic jo'otic te israelotique, la sticunon tel yu'un ya calbat te bila ya sc'an yo'tan stuquele. Jich la yal: ‘Ya me awac' loq'uel te lum cu'une, swenta me yu'un ya xba yich'onic ta muc' ta muc'ul jochol taquin q'uinal’, xi' te Diose. Ja'uc me to, ma x'ac'an awich'bey ta muc' te sc'ope.

Éxodo 8:1

jich la yalbey te Moisés: —Baan c'opona te faraón, jich me xawalbey: “Jich la yal te Cajwale: ‘Ac'a loq'uel te lum cu'une, yu'un me ya xba yich'onic ta muc'.

Éxodo 8:20

Te Cajwaltic, jich la yalbey xan te Moisés: —Te faraón ya me xbajt' ta sab pajel ta muc'ja'. Jich yu'un sab me ya xjajch'at, baan albeya: “Jich la yal te Cajwale: ‘Ac'a loq'uel te lum cu'une, ya me xba yich'onic ta muc'.

Éxodo 8:27

Ja'uc me to, ya sc'an xbootic ta muc'ul jochol taquin q'uinal te ay oxeb c'aal ya xbeenotic ochele. Tey ya xba jmilbeytic smajt'an a te Cajwaltic te Dios cu'untique, jich bit'il la yalbotic stuquele —xi'.

Ezequiel 6:11

Te Cajwaltic jich la yalbon: —Pac'ulaya ac'ab, soc pumilaya awacan swenta seña mel-o'tan. Awunan ta tulan, jich me xawal: “¡Ya me yil swocol te lum Israel yu'un te yat'el te mero ilaybil sbae!” uta me. Melel ya me xlajic yu'un guerra, ya me xlajic yu'un wi'nal soc chamel.

Levítico 26:25

Ya me cac' taluc ta atojolic puñal, swenta yu'un ja' me spacol te trato cu'une. Te ja'ex ya me xba ale awanjibic ta lumetic awu'unic, pero jo'on me ya jticunbeyex ta atojolic chameletic, soc ya me x'ochex ta sc'ab te acontroique.

Deuteronomio 28:21

Te Cajwaltic ya sticunbat tel ta atojol c'ajc'al chamel, te ya slajinat tey ta lumq'uinal ya awich'e.