Éxodo 4:5 - Bible in Tzeltal de Oxchuc y Tenejapa

⁵ La yal te Diose: —Ja' me tey ya xch'uunic a te yac'ojix sba ta ilel te Ajwalil ta atojole, ja' te Dios yu'un te antiguo ame'-atatique, te Dios yu'un Abraham, Isaac soc Jacob.

Bible in Tzeltal Bachajón

⁵ Hich la yal te Jehová: Tey me ya sch'uhunic a te yac'ojix sba ta ilel ta atojol te Jehová te Dios yu'un te ame'atatic, te Dios yu'un Abraham, te Dios yu'un Isaac, soc te Dios yu'un Jacob, xchi.

Éxodo 4:5 Iomraidhean Croise

Génesis 12:7

Te Cajwaltic la yac' sba ta ilel ta stojol Abram, jich la yalbey: —Ya me cac'bey sq'uinalin ats'umbal te q'uinale —xi' sc'oplal yu'un te Cajwaltique. Jich te Abram la spasbey scajtijib ta chiq'uel smajt'an tey a te Cajwaltic te bit'il tey la yac' sba ta ilel ta stojol a.

Génesis 17:1

Te c'alal balunlajuneb yo'winic (99) ya'wilal a te Abram, te Cajwaltic la yac' sba ta ilel ta stojol, jich la yalbey: —Jo'on Dioson te Spisil ya xju' cu'une, toj me xawac' aba ta jtojol, ma me xapas te bila ma lecuque.

Génesis 18:1

Te Cajwaltic la yac' sba ta ilel ta stojol Abraham ta jijte'eltic yu'un Mamre, te bit'il nacal ta sti' snailpac' ta yaiyel axinal yu'un xc'uxul c'aal.

Génesis 26:2

Te Cajwaltic la yac' sba ta ilel ta stojol Isaac, jich la yalbey: —Ma me xcoat bael ta Egipto, nainan te banti ya calbate.

Génesis 28:13

Soc la yil te Dios teq'uel ta sts'eel, c'oponot yu'un: —Jo'on Dioson, Dioson yu'un te amam Abraham, Dioson yu'un te atat Isaac. Te lumq'uinal te bay metselate ya me cac'bat aq'uinalin soc ats'umbal.

Génesis 48:15

Jich te mamal Israel la sc'anbey bendición ta stojol José: —Te Dios te jun yo'tan la xch'uunic te jmam Abraham soc te jtat Isaac, ja' te Dios te scanantayejon c'alal ora yo'tic,

Génesis 48:3

la sc'opon xan te José: —Te Dios te Spisil ya xju' yu'une, la yac' sba ta ilel ta jtojol ta lum te Luz sbiile te ay ta Canaán, soc la yac'bon bendición:

1 Reyes 18:36

C'alal la sta yorail te ya yich' aq'uel te chic'bil majt'anile, te j'alwanej Elías noptsaj bael, jich la yal: —Cajwal, Dios yu'un Abraham, Isaac soc Israel, ac'a ta na'el yo'tic te ja'at Diosat atuquel soc te jo'on awabaton, soc ac'a ta na'el te ja'at nix aticunejon ta spasel te bitic yacalon ta spasele.

2 Crónicas 20:20

Ta yan c'aalil buen sab jajch'ic, swenta yu'un ya xjajch'ic ta beel ta stojol jochol taquin q'uinal Tecoa. Te c'alal yacalic ta beel a, te Josafat la stejc'an sba ta yalel bael: —Aiybon awaiyic stojol jc'op, yajwalex Jerusalén soc ta spamal Judá: Ac'a smuc'ulin awo'tanic te Cajwaltic, te Dios cu'untique, jich me ma xtal xiwel ta awo'tanic. Ac'a me smuc'ulin awo'tanic te bi la yal te j'alwanejetic yu'une, jich me lec ya xc'oex ta loq'uel ta spisil a —xi' te Josafat.

Éxodo 19:9

Te Cajwaltic la yal: —Ya xtalon ta atojol ta pimil tocal. Jich me ya yaiyic stojol te lum te ya xc'opojotic, jich me ya yich'at ta muc' a —xi' te Diose. Te Moisés la yalbey te Cajwaltic te sc'op te lume.

Éxodo 3:15

Te Dios la yalbey xan te Moisés: —Albeya xan te alumale: “Te Cajwaltic te Dios yu'un te antiguo jme'-jtatique, ja' te Dios yu'un Abraham, Isaac soc te Jacob, ja' la sticunon tel ta atojolic”, uta me. Ja' me te jbiile. Sbajt'el q'uinal ay, ma ba ya xch'ay sbajt'el q'uinal te jbiile.

Éxodo 3:16

Baan, tsoba te mamaletic ich'bilic ta muc' yu'un te alumal, albeya yaiyic: “Te Cajwaltic Dios yu'un te antiguo jme'-jtatique, te Dios yu'un Abraham, Isaac soc Jacob, la yac' sba ta ilel ta jtojol. La yalbon te stsacojbeyexix te ac'opique. Yiloj lajix te bila ya spasbeyex te egipcioetique.

Éxodo 3:18

Jich te mamaletic ya me yich'bat ta muc' te ac'ope. Ya me awalbey te ya xba ac'oponic soc te muc' ajwalil yu'un Egipto, jich me ya xc'o awalbey: “Te Cajwaltic te Dios cu'untic jo'otic te hebreootic tal sc'oponotiquix. Jich yu'un ya me awac'otic loq'uel te ya xbootic ta muc'ul jochol taquin q'uinal. Ya me xbeenotic ochel oxeb c'aal tey a. Yu'un ya xba cac'beytic smajt'an te Cajwaltic te Dios cu'untique”, ya me awut.

Éxodo 3:4

Te Cajwaltic la yil te ya xtalix te Moisés. C'opoj Cajwaltic ta yolil te ch'ix te yac ta tilele, jich la yal: —¡Moisés! ¡Moisés! —xi' te Cajwaltique. —Li' ayon to —xi' te Moisés.

Éxodo 3:6

Soc la yal xan te Diose: —Jo'on Dioson yu'un te antiguo ame'-atate, Dioson yu'un Abraham, Isaac soc Jacob —xi'. Te Moisés la smac yelaw, yu'un la xi' sc'abuyel te Diose.

Éxodo 4:1

La yal te Moisese: —Ma xch'uunbonic jc'op soc ma xyich'onic ta muc'. Ya niwan yalbonic: “Te Cajwaltic ma ba yac'oj sba ta ilel ta atojol”, ya me yutonic —xi' te Moisés.

Éxodo 4:31

La xch'uun yo'tanic te lume. C'ot ta yo'tanic te yorailix te ya yich'ic coltayele, te na'botix yo'bolil sbaic yu'un te Cajwaltique. La stinan sbaic coel c'alal ta lum, caj yalbeyic bayal wocol te Diose.

Éxodo 4:4

Ja'uc me to, te Cajwaltic la yal: —Ac'a bael te ac'abe, tsacbeya sne —xi'. Te Moisés la yac' bael sc'ab, la stsacbey sne te chane, c'atp'uj ta bastón ta yan buelta.

Jeremías 31:3

ta c'ubul tal cac' jba ta ilel yu'unic. Jo'on c'uxbajemat ta co'tan sbajt'el q'uinal; ja' yu'un jich nix yutsil co'tan ta atojol ta ora to.

San Juan 11:15

ja'uc me to, ay sbujts' co'tan yu'un te ma'yucon tey a, yu'un jich me ya ach'uunonic a te ja'exe. Ya xba quiltic —xi'.

San Juan 11:42

Jna'oj stojol te spisil ora ya awaiybon stojol te jc'ope. Ja'uc me to, ya cal ta scaj te bayal mach'atic sepoj sbaic li'to, yu'un jich me ya xch'uunic te ja'at la aticunon tele —xi'.

San Juan 20:27

Soc la yalbey te Tomase: —La' me, ac'a tel te sbic'tal ac'abe. Ilbon awil te jc'abe. Soc ac'a tel ac'ab, ac'a ochel ta bay jmoch. Ma me chebuc awo'tan. Ch'uuna me —xi'.

San Juan 20:31

Ja' nax la yich' sts'ibuyel sc'oplal in yipal señaetic to, swenta yu'un jich me ya xch'uun awo'tanic te ja' Cristo soc Snich'an Dios te Jesuse, swenta yu'un, teme ya xch'uun awo'tanique, jich me ya xcuxinex ta swenta te Jesuse.

San Juan 5:36

Ja'uc me to, ay testigo cu'un te cajal ay sc'oplal yu'un te Juane. Ja' testigo cu'un te at'eliletic yac'ojbon jpas te Jtate. Te at'eliletic te yacon ta spasele, ja' chican ta na'el a te ja' nix la sticunon tel te Jtate.

Hechos 7:2

Te Esteban jajch' ta c'op: —Lec ay, jme'-jtat, quermanotac, ya calbeyex awaiyic. Te Dios te ay xojobil yutsilale, la yac' sba ta ilel ta stojol te jtatic Abraham te c'alal ay to ta Mesopotamia, te c'alal ma to xba ainuc ta lum Harán.

Hebreos 11:16

Ja'uc me to, ja' yantayejic te slumalic te c'axem to xan ay yutsilal stuquele, ja' bi ja' te ch'ulchane. Ja' swentail te ma xq'uexaw Dios yu'un te ja' Dios yu'unique, melel xchajbanejbey muc'ul lum te ya yac'bey slumalinique.