Éxodo 39:5 - Bible in Tzeltal de Oxchuc y Tenejapa

⁵ Te xchujq'uil xch'ujt' ya smey bael ta chuquel a te efod, jich nix la yich' jalel soc ta oro soc stsotsil chij te bonbil ta morada, púrpura soc tsaj, soc ta ts'otbil lino, jich bit'il la yal mandal Cajwaltic ta stojol Moisés.

Bible in Tzeltal Bachajón

⁵ Te schuhquil sch'uht te efod hich nix pasbil ta oro, ta yax, chi'in-yax soc tsajal estambre, soc ta ts'otbil lino, hich te bin ut'il halbot yu'un Jehová te Moisés.

Éxodo 39:5 Iomraidhean Croise

Éxodo 25:4

naubil stsotsil chij bonbil ta morada, ta púrpura soc ta tsaj; t'ujbil lino; stsotsil tentsun;

Éxodo 28:8

Te xchujq'uil xch'ujt' ya smey bael ta chuquel a te efod, jun nax me ya xc'ot ta pasel soc. Ya me yich' pasel ta hilera pasbil ta oro, ta stsotsil chij bonbil ta morada, púrpura soc tsaj, soc ta ts'otbil lino.

Éxodo 29:5

Tsaca me te c'u'iletic yu'un sacerdoteil, ac'beya slap te Aarón te snajt'il c'u' ta yutil, soc te xcha'lamal snajt'il c'u' yu'un te efod soc te bolsa ya xc'ot ta stane. Te efod soc te bolsa meybeya bael ta chuquel soc a te xchujq'uil xch'ujt'e.

Éxodo 39:4

La yac'bey cha'jis pac' ta snejq'uelul te efod, la yac'bey sta sba xcha'jejch'el te sbae.

Éxodo 39:6

Te tonetic te cornalina sbiilic, la spasbey xch'in yawilic ta oro. Te tonetic och sbiilic tey a te israeletic, jich la yich' ch'ojtilayel ta bojel te bit'il ya yich' pasel sello.

Isaías 11:5

Spisil ora sc'u'inej te bila stojil soc te smelelile.

Levítico 8:7

Patil te Aarón la yac'bey slap te najt'il c'u'ile, la yac'bey xchujq'uil xch'ujt' soc la yac'bey slap te xchebal snajt'il c'u'e; ta sba la yac'bey te efod, soc ja' nix la xchucbey ta lec a te xchujq'uil efod.

San Mateo 28:20

P'ijubtesaic te ya yat'elinic spasel spisil te jmandal calojbeyexe. Ma me xch'ay ta awo'tanic te joinejex spisil ora ja' to c'alal ta slajibal te balumilale —xi' te Jesuse. Jichuc.

1 Corintios 11:23

Yu'un te jo'one, la cac'beyex anopic te bila la yalbon te Cajwaltique. Ja' bi, ja'ix ta ajc'ubal a te ya x'ac'ot ta c'abal te Cajwaltic Jesuse, la stsac ta sc'ab te waje.

Apocalipsis 1:13

Soc la quil ta yolil te jucch'ix xtuchtijib c'ajc' te ja' pajal yilel soc te Nich'anile. C'alal ta lum te snajt'il c'u' slapoje. Te xchujq'uil xch'ujt'e pasbil ta oro soc chucul c'alal ta yo'tan.