Éxodo 39:1 - Bible in Tzeltal de Oxchuc y Tenejapa

¹ Te c'u'il ta swenta abatinel ta Nailpac' Templo, la yich' jalel ta naubil stsotsil chij bonbil ta morada, púrpura soc tsaj. Ja' nix jich la yich' pasel te t'ujbil c'u'il yu'un Aarón, jich bit'il la yal mandal te Cajwaltic ta stojol Moisés.

Bible in Tzeltal Bachajón

¹ La sjalic ta yax, chi'in-yax soc tsajal estambre te c'u'uletic yu'un te a'tel ta ch'ul awilal; soc la spasic te ch'ul c'u'uletic yu'un Aarón, hich te bin ut'il halbot yu'un Jehová te Moisés.

Éxodo 39:1 Iomraidhean Croise

Salmos 93:5

Cajwal, te mandaliletic awu'un mero ma xch'ay stuquelic; te ach'ul-utsilal ja' xch'alil sbajt'el q'uinal te templo awu'une.

Éxodo 25:4

naubil stsotsil chij bonbil ta morada, ta púrpura soc ta tsaj; t'ujbil lino; stsotsil tentsun;

Éxodo 26:1

“Pasa Nailpac' Templo ta lajunlijc' lino-pac' te lec ts'otbile, jalbil me ta stsotsil chij bonbil ta morada, púrpura soc tsaj. T'ujbil me xch'alil ta ts'isel sloc'ombail tey a te querubinetique.

Éxodo 28:5

Te mach'atic ya spas te c'u'iletic, ya me spas ta hilera pasbil ta oro, ta stsotsil chij bonbil ta morada, púrpura soc tsaj, soc ta ts'otbil lino.

Éxodo 31:10

te t'ujbil jalbil pac' yu'un te sc'u' sacerdote Aarón soc sc'u' te snich'nab te ya slap c'alal ya spasic yat'elic ta sacerdoteile,

Éxodo 35:19

te jalbil pac' te ya slap ta spasel yat'el a te sacerdoteetic ta ch'ul awilal, ja' te ch'ul sc'u'-spac' te sacerdote Aarón soc te sc'u'-spaq'uic ta sacerdoteil te snich'nabe —xi' te Moisese.

Éxodo 35:23

Te mach'a ay yu'unic te naubil stsotsil chij te bonbil ta morada, púrpura soc tsaj; te ts'otbil lino; te stsotsil tentsun; te snujc'ulel chij te bonbil ta tsaj; soc te t'ujbil nujc'uletic, la yich'ic tel ta spisilic.

Éxodo 38:31

te yiptajibic te scorralil te Nailpac' Templo, te estacaetic yu'un, soc te yiptajibic ta sti'il te scorralile.

Éxodo 39:41

soc te jalbil pac' swenta at'el ta sacerdoteil ta ch'ul awilal yu'un Dios, ja' nix te t'ujbil c'u'il yu'un sacerdote Aarón soc te sc'u'ic ta sacerdoteil te snich'nabe.

Ezequiel 42:14

Teme ochic bael te sacerdoteetic tey ta yutil te mero templo, ma me xju' ya xloq'uiquix bael ta amac' ta spat, ja' to me teme la yijq'uitayic jilel tey a te c'u'il slapojic ta spasel te yat'elic ta abatinele, melel te c'u'ile ch'ultesbil me. Teme ya xloq'uic baele, teme ya xbajt'ic tey ta banti ayic te yajwal te lume, ya me sc'an ya slapic bael yan c'u'il —xi'.

Ezequiel 43:12

Ja' te mandalil yu'un templo: Ta spisil te q'uinal ay ta sjoyobal templo te ay ta ba witse, mero ch'ul awilal stuquel —xi' la caiy.

Hebreos 9:12

Tey ochemix stuquel a te Cristo ta banti te Mero Ch'ul Awilale. Soc ma ja'uc xch'ich'el tat tentsun soc xch'ich'el alal wacax te c'o yac' ta ilel ta stojol te Diose. Ja' c'o yac' stuquel te xch'ich'ele. Jc'axel ochemix tey a ta bay te Mero Ch'ul Awilale. Jich la swejt'esbotiquix jcoleltic yu'un jmultic sbajt'el q'uinal.

Hebreos 9:25

Yan te muc' sacerdote te ay ta balumilale jujun to ja'wil ya x'och bael ta bay Mero Ch'ul Awilal te ya xc'o stsijts'an ta stojol Dios te ch'ich' te ma ja'uc xch'ich'el stuquele. Yan te Cristoe ma ba ya yac'ulay sba ta lajel bayal buelta stuquel.