Éxodo 32:4 - Bible in Tzeltal de Oxchuc y Tenejapa

⁴ Jich la stsac jilel ta sc'ab. La yultes ta c'ajc' te oro, la yac' ta smoldeil, la spas xan ta cincel. Jich la spasbey sloc'ombail jcojt' alal toro a. Jich la yalic ta spisilic te israeletique: —¡Jlumal, ilawil, ja' dios cu'untic te la sloq'uesotic tel ta Egipto! —xiic.

Bible in Tzeltal Bachajón

⁴ La yich'ticlan te bin a'bot yu'unic, la spas ta cincel ta sloc'omba jcolel toro ta uhltesbil oro. Ha yu'un la yalic: ¡Israel, ha te diosetic awu'unic ini te la sloq'uesex tal ta sq'uinal Egipto! xchihic.

Éxodo 32:4 Iomraidhean Croise

Nehemías 9:18

Asta la spasic ch'in alal wacax pasbil ta ultesbil taq'uin. La yalic te ja' te dios ic'otic loq'uel tel ta Egipto yu'une. Jich la staic tulan smulic ta atojol.

Deuteronomio 9:16

La quil te la ataix amulic ta stojol te Cajwaltique, te apasojiquix sloc'omba ch'in toro te ultesbil ta c'ajc' te taq'uine, te jich la awijq'uitayic jilel te be la yac'beyex at'unic te Cajwaltique.

Hechos 7:41

Jich la spasbeyic sloc'omba cojt' alal wacax. La smilbeyic chambalametic smajt'anin te loc'omba te la spasique. Bin nax sbujts' yo'tanic yu'un te bila la spas ta sc'abique.

Éxodo 32:8

Ora nax la yijq'uitayic jilel te be c'oem te la calbey mandal te ya st'unique. La spasbeyic sloc'ombail jcojt' alal toro ta oro ultesbil ta c'ajc'. Yacaliquix ta xch'uunel soc la yac'beyiquix smajt'an. Jich yacalic ta yalel: “¡Jlumal, ilawil, ja' dios cu'untic te la sloq'uesotic tel ta Egipto!” xiic me —la yut.

1 Reyes 12:28

C'alal la yaiybey sc'op yantic te muc' ajwalil, la snop te ya spas cheb alal toroetic ta oro. Jich la yalbey te yajwal lum: —Ja'ex israeletic, bayal buelta c'oemex ta Jerusalén. Yo'tic li' ayix te adiosic te la sloq'uesex tel ta Egipto —xi' te Jeroboam.

Oseas 13:2

Ja' nix jich yacalic ta spasel mulil. Ya yultesic ta c'ajc' te splataique, ya spas yajcananic a, chican bi yilel ya smulan spasel te mach'a ya sna'ic spasele. Ora ya yalic: —Ac'beyaic milbil smajt'an —xiic. Te ants-winiquetic ya sbujts'iyic te yajcananique, ja' te sloc'omba alal toro.

Hechos 17:29

Jich yu'un teme yal-snich'anotic te Diose, ma me jcuytic ta Dios te bila loc'taybil te pasbil ta oro o ta plata o ton te la spas te ants-winiquetique, chican te bi yilel la sc'an te la snop ta yo'tanique.

Oseas 10:5

Ya xnijq'uic yu'un xiwel te yajwal Samaria; ya x'oq'uic yu'un te ya xch'ay bael te sloc'omba alal toro ta Bet-avén. Ja' ta swenta te ay ta mel-o'tan te lum soc te sacerdoteetique, melel te yutsilal, ya xch'ay ta jc'axel.

Isaías 46:6

Ay mach'a ya sloq'ues bayal oro ta sbolsaic, soc ya slicbeyic yalal te plata; ya spas trato soc te jten-taq'uine, te yacuc pasbotuc junuc dios yu'un a, swenta yu'un ya squejan sba ta stojol soc ya xch'uun.

2 Crónicas 13:8

Ta ora yo'tic awo'tanuc ya acontroinic te ajwalil yac'oj Cajwaltic, te ay ta at'el ta swenta sts'umbal David. Ja' nax yu'un te mero c'ax bayalex ta jyalel, soc ay ta awentaic sloc'omba te alal toroetic pasbilic ta oro yu'un Jeroboam, te ja' diosetic awu'unic ta sc'ope.

2 Crónicas 11:15

Te Jeroboam sleojix sacerdoteetic yu'un stuquel te ya x'at'ejic ta toyol ch'uunjibaletic, ja' tey ya yich' ch'uunel a te pucujetic soc te sloc'omba alal toroetic te spasoje.

Éxodo 20:23

Jich yu'un ma me xapasic loc'ombaetic ta oro soc ta plata te ya ach'uunique.

2 Reyes 10:29

Pero ma ba la yilay te muliletic la yac' yaluc israeletic a te Jeroboam te snich'an Nabat, yu'un la to xch'uun te alal toroetic pasbil ta oro te ayic ta Dan soc ta Betel.

Éxodo 32:1

Ja'uc me to, c'alal la yil te israeletic te ma ba coj tel ta wits ta ora te Moisés, la stsob sbaic tel ta stojol Aarón, jich la yalbeyic: —Jajch'an, pasbotic diosetic cu'untic te ya xneelaj bael cu'untic, melel te Moisés te la sloq'uesotic tel ta Egipto ma jna'tic bila la spas —xiic.

1 Reyes 12:32

La yal mandal ta pasel q'uin swenta xch'uunel lotil dios ta yo'lajunebal c'aal sjajch'el te swaxaquebal u, jich te bit'il q'uin ya yich' pasel ta sq'uinal Judá. Ja' nix te Jeroboam te la xchic'bey milbil smajt'an ta scajtijib te sdiosique. Jich la spas ta Betel, la xchic'bey milbil smajt'an te sloc'omba alal toroetic te ja' nix la spase, soc la stsa ochel sacerdoteetic yu'un te toyol ch'uunjibaletic spasoje.

Éxodo 28:11

Te bit'il ya x'och biililetic ta tonetic, ja' me ya spas te mach'atic yat'elinej xchajbanel te t'ujbil tonetique. Jich me ay ta pasel te bit'il ya yich' pasel sello te ch'ojtilaybil ta bojele. Pasbeya ch'in yawil pasbil ta oro te juju-jp'ij tone.

Éxodo 28:9

“Ya me atsac cheb cornalina, najc'anbeya sbiilic tey a te israeletique.

Éxodo 20:2

—Jo'on Ajwalilon, te Dioson awu'une, te la jloq'uesat ta Egipto ta banti ayat ta mozoile.

1 Corintios 10:7

Ma me xach'uunic te loc'ombaetique, jich te bit'il ay la xch'uunique, jich bit'il te ts'ibubil jilele: “Te lume la snajc'an sbaic ta we'el-uch'ajel soc jajch' spasic q'uin”, te xie.

Éxodo 32:3

Spisilic la sloq'uesic te staq'uinal xchiquinic te pasbil ta oro, la yich'ic bael ta stojol te Aarón.

Éxodo 32:5

C'alal la yil te Aarón, la spasbey scajtijib ta chiq'uel milbil smajt'an te sloc'ombail alal toro. Jich la yal ta aw te Aarón: —¡Pajel ya jpasbeytic sq'uin swenta yich'jibal ta muc' te Cajwaltique! —xi'.

Éxodo 32:7

Jich yu'un te Cajwaltic la yalbey te Moisese: —Baan, coan bael, melel te lum la aloq'ues tel ta Egipto, la sboltes sbaiquix.

Éxodo 32:24

Jich yu'un la jsujt'esbey te sc'opique: “Te mach'a ay oro yu'une, ac'a me yac'bon”, la cut. Jich la yich'bonic tel te oro, la jch'oj ochel ta c'ajc', jich loc' tel sloc'ombail jcojt' alal toro —xi'.

Éxodo 32:35

Te Cajwaltic la sticun tel tulan chamel ta stojol te lume, ta scaj te la xch'uunic te sloc'omba alal toro te la spasbey Aarón.

2 Reyes 10:20

Ja' yu'un la yal te ya yich' puquel ta alel te ya yich' pasel buen q'uin yu'un Baal. Jich la yich' pasel yu'unic.

Isaías 30:22

Soc ya me awilay te loc'ombaetic te apasoj ta plata, soc te apotsoj ta oro, jichuc me ya xc'ot ta asitic te bila mero c'ax bolobene. Ya me ach'oj bael, bolobuc sc'oplal awu'un, jich me ya xc'ot ta awo'tan te bila amene.

Ezequiel 23:8

Te c'alal ay ta Egipto ta neelal toe, tey och ta jmulawil ants a, ma ba la yijq'uitayix spasel. Te c'alal ach'ix to a tsobol mach'atic way soc, jich la slajinbeyic yach'ixal, och ta antsinel yu'unic ta jc'axel.

Éxodo 20:4

“Ma me xapas awajcanan. Ma me xapasbey sloc'ombail bitic ayic ta stoyolil ch'ulchan, soc bitic ayic ta lumq'uinal, soc bitic ayic ta mar ta yet'al te lumq'uinale.

Jueces 8:24

Te bi ya jc'anbeyex, ja' te ya awac'bonic te staq'uinal chiquiniletic la apojic, teme jich awo'tanique —xi'. (Ja' scostumbre te madianetic te ay staq'uinal xchiquinic pasbilic ta oro, jich bit'il yantic ismaeletic.)

Jueces 8:27

Te Gedeón la spas jun efod a te oro. La yac' ta lum Ofra, ja' te slumale. Spisil te israeletic chebaj yo'tanic ta stojol Cajwaltic ta scaj te efod. Ja' nax syacjibal c'ot a te Gedeón soc spisil te mach'atic ay yu'une.