Éxodo 3:8 - Bible in Tzeltal de Oxchuc y Tenejapa

⁸ Jich yu'un coon tel ta scoltayel ta sc'ab te egipcioetique. Ya me jloq'ues bael, ya quic' bael ta bay jamal q'uinal ta leque, te banti ya staic te ya x'oquin leche soc chab c'oeme. Ja' te slumalinejic te cananeoetic, hititaetic, amorreoetic, ferezeoetic, heveoetic soc te jebuseoetique.

Bible in Tzeltal Bachajón

⁸ Ha yu'un cohonix tal ta scoltayel loq'uel ta sc'ab te egipciohetic soc ta sloq'uesel bahel tey ta q'uinal; ya quic' bahel ta q'uinal te buen lec soc buen jamal, te q'uinal te banti ya x'oquin leche soc chab, ta banti ay te cananeo, heteo, amorreo, ferezeo, heveo soc te jebuseo.

Éxodo 3:8 Iomraidhean Croise

Génesis 11:5

Te Cajwaltic coj tel yil te muc'ul lum soc te muc'ul toyol ts'ajc' te yacalic ta spasel te winiquetique.

Génesis 11:7

Jich yu'un ja' lec coucotic bael, ya jc'atp'unbeytic sc'opic, swenta yu'un jich ma xyaiybey sbaic sc'opic juju-jtul”, xi' te Cajwaltique.

Génesis 15:13

Jich te Cajwaltic la yalbey: —Na'a me stojol te bit'il ya xc'ax bael ats'umbal ta bay ma slumaluc, soc ya me x'och ta mozoil, soc ya me x'och ta woclajel jbajc' (400) ja'wil.

Génesis 15:14

Ja'uc me to, jo'on me ya cac'bey castigo te mach'atic ya smozoinwanique. Patil te ats'umbale ya me xloq'uic tel soc bayal sc'ulejalic.

Génesis 18:21

Jich yu'un ya xcoon bael, ya quil teme jich spasojic te bit'il ay sc'oplalic caiyoj stojole. Teme ma jichuque, ya me jna' stojol —xi'.

Génesis 43:11

La sjac' te statique: —Lec ay jiche, ic'aic bael. Soc ich'beyaic bael jtebuc smajt'anin te bila ay ta jq'uinaltique, ya me xc'o awac'beyic te ajwalile, ja' te bálsamo, chab, soc te bila bujts'an yic', mirra, soc sit te', nuez soc almendra.

Génesis 46:4

Ya me joinat bael te ya xcoat bael ta Egipto, soc ya me joinat sujt'el ta patil. Ja' me ya smucat te José te c'alal ya xway abaq'uetale —xi' sc'oplal yu'un.

Génesis 50:24

Ta patil te José la yalbey yaiy te yermanotaque: —Ya me xlajonix. Ja'uc me to, te Diose puersa me ya scoltayex xan ta patil. Ya me yiq'uex loq'uel li'to ta Egipto, ya me yiq'uex bael ta ba ay te q'uinal yaloj te ya yac'beyex aq'uinalinic ja'ex te sts'umbalex te Abraham, te Isaac, soc te Jacob —xi'.

1 Crónicas 1:15

te heveoetic, te araceoetic, te sineoetic,

Nehemías 9:8

La awil te ja'at smuc'ulinejat yo'tane, la achap ac'op soc, la awalbey te ya awac'bey sq'uinalin te sts'umbal te slum-sq'uinal cananeoetic, hititaetic, amorreoetic, ferezeoetic, jebuseoetic, soc te gergeseoetique. La awac' c'otuc ta pasel te bila la awale, melel puersa ya awac' c'otuc ta pasel te bila ya awale.

Salmos 12:5

Yan te Cajwaltic jich ya yal: “Te mach'atic me'baetic ta q'uinal soc te peq'uel ayique, yacalic ta uts'inel soc yacalic ta ac'beyel swocolic. Jich yu'un ya me xjajch'on yo'tic, ya me cac'bey te coltayel te bayal sc'anojique”, xi'.

Salmos 12:6

Te bitic yaloj te Cajwaltic, ma'yuc bi scapoj ta alel; jich yutsil c'oem te bit'il mero lequil plata, te juqueb buelta lecubtesbil ta horno.

Salmos 34:8

Pasaic prueba te Cajwaltic, soc ilawilic te ja' mero lec stuquel. Bin nax yutsil te mach'a ya smuc'ulin yo'tane.

Salmos 91:15

Te c'alal ya sc'oponon, ya me caiybey sc'op; C'alal ay swocol ya me xtalon ta sts'eel. Ya me cac' ta libre; ya me cac'bey yutsilal ta ich'el ta muc'.

Éxodo 12:41

Te c'alal nax a ts'aquej te lajuneb xcha'winic xcha'bajc' (430) ja'wile, jich a loq'uic spisil ta Egipto te swinictac te Cajwaltique.

Éxodo 12:51

Ja' me jich c'aalil a te loq'uesot ta Egipto yu'un Cajwaltic ta stsojbol te israeletique.

Éxodo 13:5

Jich yu'un ja' ni me te u te ya apasic q'uin yu'un sna'jibal te la yiq'uex bael Cajwaltic ta q'uinal te bay ya ataic te ya x'oquin leche soc chab c'oeme, te bay sq'uinal te cananeoetic, hititaetic, amorreoetic, heveoetic soc te jebuseoetique. Ja' te albil yu'un Cajwaltic te antiguo jme'il-tatiletic te ja' ya xc'otix ta awentaic te ja'exe.

Éxodo 3:17

Soc la yalbon te ya scoltayex loq'uel ta woclajel yu'unic. Ya me yiq'uex bael ta slumal cananeoetic, heveoetic soc te jebuseoetic, ta bay lumq'uinal te banti ya ataic te ya x'oquin leche soc chab c'oeme, xi' te Cajwaltique”, uta me.

Éxodo 34:11

“Ch'uunaic te jmandal la calbeyex te naxe. Ya me jticunbeyex loq'uel ta atojolic te amorreoetic, cananeoetic, hititaetic, ferezeoetic, heveoetic soc te jebuseoetique.

Éxodo 5:23

Ja' to c'alal la jcholbey ac'oplal te faraón te la stoyesbey yuts'inel te lume. Ma'yuc bay acoltayej jtebuc —xi'.

Isaías 36:17

Ta patil ya yiq'uex bael ta yan q'uinal te pajal nix soc te alumalique, ja' te q'uinal te ya yac' ta lec te trigo soc ts'usubiltic ta swenta spasel pan soc vino.

Isaías 64:1

Ayuc laj bit'il ya ach'i' te ch'ulchan yu'un ya xcoat tel a, swenta yu'un tey me ayat to ta syuquel te witstiquile.

Jeremías 11:5

Teme ya awich'onic ta muq'ue, ya jc'otes ta pasel te bi la calbey ta jamal te antiguo ame'-atatique, ya cac'beyex aq'uinalinic jsejp q'uinal, ja' me te awich'ojic ta ora to te ja'exe, te bay ya x'oquin te leche soc chab c'oem”, xoon ta stojolic —la yuton. La jac'bey te sc'ope: —Melel, Cajwal —la cut.

Jeremías 2:7

Jo'on la quiq'uex tel li' ta lequil q'uinal to, swenta yu'un ya alo'beyic sit te awalts'unubil soc te mero lec te bila ya yac' tey a. Ja'uc me to, ja' tal aboltesbonic sc'oplal te lumq'uinal te ja'exe, la awac'bonic woclajuc co'tan yu'un yilayel te lumq'uinal cu'une.

Jeremías 32:22

La awac'bey israeletic in lumq'uinal to, te bay ya x'oquin leche soc chab c'oeme, jich nix bit'il awalojbey sc'oplal te antiguo sme'-statique.

Ezequiel 20:6

Ja' nix ta yorail a, la cal jba ta jamal te ya quic' loq'uel tel ta sq'uinal Egipto, te ya quic' bael ta lumq'uinal te jo'on jleoje, tey ta q'uinal te banti ya x'oquin leche soc chab c'oeme. Ja' te buen t'ujbil lumq'uinal, te ma'yuc yan pajal soque.

Levítico 20:24

Jo'on ya calbeyex ta jamal, te ja'ex awu'unic ya xc'ot te slum-sq'uinalique. Jo'on nix me ya cac'beyex awu'uninic te lumq'uinal te banti ya x'oquin leche soc chab c'oeme. “Jo'on Ajwalilon Dioson awu'unic, yan me awilelic cu'un te bit'il yantic lumetique.

Amós 2:10

“Ja'uc me to, la jloq'uesex tel ta Egipto, soc la quiq'uex ta beel cha'winic (40) ja'wil ta jochol taquin q'uinal swenta yu'un ja' ya cac'beyex te sq'uinal amorreoetique.

Números 13:18

P'ijanic me yu'un te bi yilel te q'uinal soc te yajwal te ayic tey a, teme tulanic o peq'uelic, soc teme jteb nax yajwal o bayalic.

Números 13:19

Ya me awilic te lumetic, teme ja' nax spasoj scampamentoic o teme yich'ojic ts'ajc' ta sjoylejal, soc teme lequil lumq'uinal ta bay nainemic o teme ma lecuc,

Números 13:27

La yalbeyic te Moisés: —Xc'otucotic ta yilel te q'uinal te la aticunotic bael yu'une. Melel nix a, ja' te lumq'uinal ta bay ya x'oquin leche soc chab c'oem, soc ja' me sit awalts'unubil in to te ya yac' tey ae.

San Juan 3:13

“Ma'yuc mach'a moem bael ta ch'ulchan. Ja' nax stuquel te mach'a coem tel ta ch'ulchane, ja' te Nich'anil te talem ta ch'ulchane.

San Juan 6:38

Melel te bit'il coemon tel ta ch'ulchane, ja' tal jpasbey sc'anjel yo'tan te mach'a la sticunon tele. Ma ja'uc tal jpas te bila ya sc'an co'tan jtuquele.

Deuteronomio 1:25

La yich'botic tel te sit ts'unubil te ay ta lumq'uinale. Jich la yalbeyic sc'oplal: “Mero lec te q'uinal ya yac'botic te Dios cu'untique”, xiic.

Deuteronomio 1:7

Tsoba abiluquic, baanic ta witsetic yu'un amorreoetic soc ta spisil q'uinaletic te slac'oj sba soque: ja'ic te suclej Arabá, te toyol witstiquil, te peq'uel witstiquil, te sq'uinal Néguev, te sti'il mar, te slum-sq'uinal cananeoetic, te Líbano soc c'alal ta muc'ja' Éufrates.

Deuteronomio 27:3

swenta yu'un ya yich' ts'ibuyel tey a te mandaliletic la cac'beyexe. Pasaic me, teme ochex bael tey ta q'uinal te banti ya x'oquin leche soc chab c'oem, te ya yac'beyex te Cajwaltic te Dios cu'untique.

Deuteronomio 28:11

Te Cajwaltic ya me yac'bat awilbey yutsil yo'tan: Ja' me te ya yac'bat bayal awal-anich'nab, soc ya me xtojc' bayal yalatac te chambalametic awu'une, soc ya me x'esmaj sit awawal-ats'unub tey ta q'uinal te banti jc'axel la yalbey te antiguo ame'-atat te ya yac'bate.

Deuteronomio 6:3

Ja' yu'un, israeletic, pasaic me bael. Jich me lec ya x'ainex, soc jich me muc'ul lum ya xc'oex, ta lumq'uinal te banti ya x'oquin leche soc chab c'oem, jich nix te bit'il yaloj te Cajwaltic te Dios yu'un te antiguo jme'-jtatique, te ya x'ac'bot yu'uninique. Jich ay:

Deuteronomio 7:1

“Te Cajwaltic te Dios awu'unique ya me yiq'uex ochel ta lumq'uinal te ya yac'beyex awu'uninique. Ya xch'ojbeyex loq'uel ta asitic jucpam nacionetic te mero muq'uic soc te bayal yipique, te c'axem jich yipic a te bit'il ja'exe. Ja'ic te hititaetic, gergeseoetic, amorreoetic, cananeoetic, ferezeoetic, heveoetic soc te jebuseoetique.

Josué 5:6

Melel te israeletic beenic cha'winic (40) ja'wil ta muc'ul jochol taquin q'uinal. Lajemiquix jilel stuquelic a te mach'atic staojiquix lec ya'wilalic te loq'uic tel ta Egipto, ja' te winiquetic te ma la xch'uunbeyic smandal te Cajwaltique. Ja' swentail te la yal ta jamal te ma xyac'bey yilic te q'uinal te albil yaiy te antiguo sme'-statique, ja' te q'uinal ta bay ya x'oquin leche soc chab c'oeme.

Josué 9:1

Te ajwaliletic yu'un te hititaetic, amorreoetic, cananeoetic, ferezeoetic, heveoetic soc te jebuseoetique, la yaiyic stojol te bila c'oem ta pasele. (Tey nainemic ta stojol smalib c'aal yu'un te muc'ja' Jordán: ta bay witstiquil, ta bay alan q'uinal bael yu'une, soc ta spamlej bael ta ti'ti' muc'ul Mar Mediterráneo, ja' to ta sq'uinal Líbano.)

Josué 9:7

Te israeletic la sjac'beyic sc'op te heveoetique: —Teme repente nopol nax ayex, ¿bit'il ya jchaptiquix jc'optic a? —xiic.