Éxodo 3:6 - Bible in Tzeltal de Oxchuc y Tenejapa

⁶ Soc la yal xan te Diose: —Jo'on Dioson yu'un te antiguo ame'-atate, Dioson yu'un Abraham, Isaac soc Jacob —xi'. Te Moisés la smac yelaw, yu'un la xi' sc'abuyel te Diose.

Bible in Tzeltal Bachajón

⁶ Soc hich la yal xan: Ho'on Dioson yu'un te atate, ha te Dios yu'un Abraham, te Dios yu'un Isaac, soc te Dios yu'un Jacob, xchi. Ha yu'un te Moisés la smuc yelaw, yu'un la xi' ya yil te Diose.

Éxodo 3:6 Iomraidhean Croise

Génesis 12:1

Te Cajwaltic la yalbey te Abram: —Loc'an tel ta alumal soc ta sna atat, ijq'uitaya jilel te mach'atic ay awu'une, baan ta q'uinal te ya cac'bat awile.

Génesis 12:7

Te Cajwaltic la yac' sba ta ilel ta stojol Abram, jich la yalbey: —Ya me cac'bey sq'uinalin ats'umbal te q'uinale —xi' sc'oplal yu'un te Cajwaltique. Jich te Abram la spasbey scajtijib ta chiq'uel smajt'an tey a te Cajwaltic te bit'il tey la yac' sba ta ilel ta stojol a.

Génesis 17:3

Jich te Abram la stinan sba coel c'alal ta lum ta stojol Dios, jich c'oponot xan yu'un:

Génesis 24:12

La sc'opon Dios te abat: —Cajwaltic, te Diosat yu'un te cajwal Abrahame, ya calbat wocol te yacuc acoltayon yo'tic soc yacuc ac'uxtaybon te cajwal Abrahame.

Génesis 26:24

C'alal c'ot ta Beerseba, Dios la yac' sba ta ilel ta ajc'ubal ta stojol, jich la yalbey: —Jo'on Dioson yu'un te atat Abraham. Ma me xiwat, joinejat spisil ora. Ta swenta bit'il c'ux ta co'tan te cabat Abraham, ya me cac'bat bendición, ya me cac' esmajuc ats'umbal —xi'.

Génesis 28:13

Soc la yil te Dios teq'uel ta sts'eel, c'oponot yu'un: —Jo'on Dioson, Dioson yu'un te amam Abraham, Dioson yu'un te atat Isaac. Te lumq'uinal te bay metselate ya me cac'bat aq'uinalin soc ats'umbal.

Génesis 28:17

Xiw yo'tan yu'un, soc la yal: “Ch'ultesbil in awilal to, melel li' ay sna te Diose, soc ja' yochibal ch'ulchan”, xi' sc'oplal yu'un.

Génesis 31:42

Te manchuc ja'uc joinej te Dios yu'un te Abraham te ich'bil ta muc' yu'un te Isaac, jich nix ma'yuc bila la awac'bon quich' sujt'el te jichuque. Pero Dios la sna'bon jwocol, soc la yil bit'il bayal at'ejon, jich yu'un la scomat ta ajc'ubal te naxe —la yut.

Génesis 32:9

Soc la sc'opon Dios te Jacob, jich la yal: —Cajwal, te Diosat yu'un te jmam Abraham, soc te Diosat yu'un te jtat Isaac, soc ja'at te la awalbon: “Sujt'an bael ta alumal, ta bay awermanotac, ya me jcoltayat”, te la awutone.

1 Reyes 18:36

C'alal la sta yorail te ya yich' aq'uel te chic'bil majt'anile, te j'alwanej Elías noptsaj bael, jich la yal: —Cajwal, Dios yu'un Abraham, Isaac soc Israel, ac'a ta na'el yo'tic te ja'at Diosat atuquel soc te jo'on awabaton, soc ac'a ta na'el te ja'at nix aticunejon ta spasel te bitic yacalon ta spasele.

1 Reyes 19:13

C'alal la yaiy te Elías, la smac sit ta smeyil pac'. Loc' tel ta sti'il te nailch'ene. Jich ora jul c'op ta stojol, te jich la yal: —¿Bi ya apas, Elías? —xi'.

Nehemías 9:9

Ja'at la awil bit'il c'ax swocolic ta Egipto te antiguo jme'-jtatique, soc la awaiybey yoq'uelic ta sti'il te Mar Rojo.

Ester 3:4

Ta spisil ora ta jujun c'aal jich ya sjojc'obeyic, pero ma'yuc sc'oplal ta yo'tan ya yaiy. Ja' yu'un ba yalbeyic yaiy te Amán, swenta yu'un ya me yilic teme ma ba ya sut sc'op te Mardoqueo, melel albotiquix yu'un a te judio-winic stuquele.

Éxodo 15:2

Ja' yu'un ya jc'ajintay te Cajwale, ja' quip soc ja' Jcoltaywanej. Ja' Dios cu'un, cajal yutsil sc'oplal, ja' Dios yu'un te jtate, muc' sc'oplal stuquel.

Éxodo 29:45

Tey me ya x'ainon ta yolilic te israeletic, jo'on me Dioson yu'unic.

Éxodo 3:16

Baan, tsoba te mamaletic ich'bilic ta muc' yu'un te alumal, albeya yaiyic: “Te Cajwaltic Dios yu'un te antiguo jme'-jtatique, te Dios yu'un Abraham, Isaac soc Jacob, la yac' sba ta ilel ta jtojol. La yalbon te stsacojbeyexix te ac'opique. Yiloj lajix te bila ya spasbeyex te egipcioetique.

Éxodo 33:20

Ja'uc me to, jamal ya calbat, ma xju' ya awilbon te quelawe. Ma'yuc jtuluc winic ya xju' ya yilbon jsit te stalel cuxul ya xjile —xi'.

Éxodo 4:5

La yal te Diose: —Ja' me tey ya xch'uunic a te yac'ojix sba ta ilel te Ajwalil ta atojole, ja' te Dios yu'un te antiguo ame'-atatique, te Dios yu'un Abraham, Isaac soc Jacob.

Jeremías 24:7

Ya cac'bey sna'ic q'uinal ta lec, swenta yu'un ya me sna'bonic jba te jo'on Ajwalilon. Ja'ic me te lum cu'un, soc jo'on me Dioson yu'unic; melel ya me sujt'es yo'tanic ta jtojol ta spisil yo'tanic.

Jeremías 31:33

Ja' in to ja' te trato ya jpas soc Israel c'alal ya sta sc'aalelal: Ya jts'ibubey ta yo'tanic te jmandale, soc ya me cac'bey ta sjolic. Jo'on me Dioson yu'unic, soc ja'ic me lum cu'un. Jo'on Ajwalilon, jich ya cal.

Jeremías 32:38

Ja'ic me lum cu'un ya xc'ot, soc jo'on me Dioson yu'unic.

Ezequiel 11:20

Jich me ya xju'ix yu'unic a te ya xch'uunbonic te mandaliletic cu'une, soc te bitic chapal cu'une. Jich me ya spasiquix bael spisil ora. Ja'ic me lum cu'un, soc jo'on me Dioson yu'unic.

Zacarías 8:8

Ya me quic' tel ta Jerusalén swenta yu'un ya xnainic tey a. Ja'ic me lum cu'un ya xc'ot; soc jo'on me Dioson yu'unic ya xc'oon. Mero jun me co'tan, soc mero stojil me ya xmandalteswanon ta stojolic —xi' te Cajwaltique.

San Mateo 17:6

Te c'alal la yaiyic stojol te jnopojeletique, bayal xiw yo'tanic yu'un, soc la stinan sbaic coel c'alal ta lum.

San Mateo 22:32

“Jo'on Dioson yu'un te Abrahame te Isaaque te Jacobe”, te xie. Te Diose, ma ja'uc Dios yu'un te mach'atic lajemique. Ja' Dios yu'un te mach'atic cuxulique —xi' te Jesuse.

San Marcos 12:26

Te bit'il ya xcha'cuxic tel te animaetique, ¿yu'un bal ma ba awilojic te bila ts'ibubil jilel yu'un Moisés ta bay c'oponot yu'un Dios ta bay jpejt' ch'ix te yac ta tilele? Jich la yal tey a te Diose: “Jo'on Dioson yu'un te Abrahame, te Isaaque, te Jacobe”, te xie.

San Lucas 20:37

“Te mach'atic lajemique, ya me xcha'cuxic. Jich la yal uuc te Moisés te c'alal la xcholbey sc'oplal te pejt' ch'ix te yac ta tilele. Tey la yal a te Diose, te ja' Dios yu'un te Abraham, te Isaac soc te Jacobe.

San Lucas 5:8

C'alal la yil te Simón Pedro te jich c'ot ta pasele, la squejan sba ta stojol te Jesuse: —Cajwal, ma spas te ya joinate yu'un jmulawilon —xi'.

Hechos 7:32

“Jo'on Dioson yu'un te antiguo ame'-atatique, jo'on Dioson yu'un te Abrahame, Dioson yu'un te Isaaque, Dioson yu'un te Jacobe”, xi' la yaiy. Te Moisés jajch' ta nijq'uel yu'un. La xi' yilel.

Hechos 7:34

Quiloj te bit'il ay ta woclajel ta Egipto te lum cu'une. Caiyojbey stojol te yajc'anique. Jich coon tel ta scoltayel. Ta ora to, la' me, yu'un ya jticunat bael ta Egipto”, xi' sc'oplal te Moisese.

Deuteronomio 6:3

Ja' yu'un, israeletic, pasaic me bael. Jich me lec ya x'ainex, soc jich me muc'ul lum ya xc'oex, ta lumq'uinal te banti ya x'oquin leche soc chab c'oem, jich nix te bit'il yaloj te Cajwaltic te Dios yu'un te antiguo jme'-jtatique, te ya x'ac'bot yu'uninique. Jich ay:

Hebreos 11:16

Ja'uc me to, ja' yantayejic te slumalic te c'axem to xan ay yutsilal stuquele, ja' bi ja' te ch'ulchane. Ja' swentail te ma xq'uexaw Dios yu'un te ja' Dios yu'unique, melel xchajbanejbey muc'ul lum te ya yac'bey slumalinique.

Hebreos 12:21

Xiweltic sba te bila chicnaj la yilique, melel jich la yal yu'un te Moisese: “Ya xiwon soc ya xnijc' co'tan yu'un”, te xie.

Apocalipsis 1:17

Te c'alal la quile, t'uxajon coel ta yacan. Jich c'oon te bit'il animae. Ja'uc me to, la scajanbon swa'el sc'ab ta jol. Jich la yalbon: —Ma me xiwat. Jo'on ayon ta xjajch'ibal soc ta slajibal.

Jueces 13:22

Te Manoa jich la yalbey te yiname: —Ta mero melel ya xlajotic, melel la quiltic te Diose —xi'.