Éxodo 3:2 - Bible in Tzeltal de Oxchuc y Tenejapa

² Tey chicnaj ta stojol a te ch'ul abat yu'un te Cajwaltique, yac ta tilel c'ajc' ta yolil jpejt' ch'ix. La yil Moisés te yac ta tilel te ch'ixe; ja'uc me to, ma xlaj ta c'ajq'uel la yil.

Bible in Tzeltal Bachajón

² Tey chicnaj ta stojol a te ch'ul a'bat yu'un Jehová ta c'ahc' te yac ta tihlel ta yohlil jpeht ch'ix. La yil te yac ta tihlel te ch'ix, pero ma xlaj ta c'ahq'uel.

Éxodo 3:2 Iomraidhean Croise

Génesis 21:17

Ja'uc me to, Dios la yaiybey yoq'uel. Jich te ch'ul abat yu'un Dios la yawtay te Agar c'alal ta ch'ulchan: —¿Bi la apas, Agar? Ma xamel awo'tan, Dios la yaiybeyix sc'op te quereme.

Génesis 22:11

Ja'uc me to, c'opoj te ch'ul abat yu'un te Cajwaltic ta ch'ulchan: —¡Abraham! ¡Abraham! —xi' sc'oplal. La sjac' te Abraham: —Li' ayon to, Cajwal —xi'.

Génesis 48:16

ja' te Ch'ul Abat te ya scoltayon yu'un ma ba ya yac'on a spisil te bitic ma lecuque, ac'a yac'bey bendición te queremetique. Ac'a yich'bonic jilel jbiil soc sbiil te jmam Abraham soc te jtat Isaac, ac'a esmajuc, soc bayaluc me sts'umbalic ta balumilal —xi'.

Salmos 66:12

Mach'auc xanix a te la awac' spech'otic ta teq'uele; c'axotiquix ta swenta ja' soc ta swenta c'ajc', pero la sta yorail la awac' quich'tic ic'.

Éxodo 19:18

Spisil ta swolol te wits Sinaí loc' ch'ail tey a, melel te Cajwaltic jich a coj tel te bit'il c'ajc'. Te ch'aile xtomet nax yac ta moel jichuc xch'ailel horno. Ta sjoyobal te witse tulan a jajch' ta nijq'uel.

Éxodo 23:20

“Aiya awaiy stojol ya jticunbat ch'ul abat cu'un ta atojol, swenta yu'un ya scanantayat ta be. Ja' me ya yic'at bael ta q'uinal te chajbanbilix cu'une.

Éxodo 24:17

Te xojobil Cajwaltic jul ta stojolic te israeletique. Jich chicnaj tel ta sitic ta bay mero slajibal sjol te wits jich bit'il c'ajc' te ya xlajinwan te yipe.

Éxodo 3:16

Baan, tsoba te mamaletic ich'bilic ta muc' yu'un te alumal, albeya yaiyic: “Te Cajwaltic Dios yu'un te antiguo jme'-jtatique, te Dios yu'un Abraham, Isaac soc Jacob, la yac' sba ta ilel ta jtojol. La yalbon te stsacojbeyexix te ac'opique. Yiloj lajix te bila ya spasbeyex te egipcioetique.

Isaías 43:2

Teme ay ya xc'axat ta mar, tey me ayon ta atojol; teme ay ya at'un c'axel muc'ja', ma ba ya ajic'an. Teme ay ya xc'axat ta c'ajc', ma ba ya xc'ajc'at; ma ba ya xchic'at te c'ajq'ue.

Isaías 63:9

yu'un spisil te swocolique. Ma yu'unuc yan mach'a la sticun tel te tal ta coltaywaneje; ja' nix tal stuquel te Cajwaltique. Ta swenta xc'uxul yo'tan la yac' ta libre soc yutsil yo'tan, la sjach, la stsac ta sc'ab. Jich la spas spisil ora.

Daniel 3:27

Ta spisilic te mach'atic yich'oj yat'elic yu'un te nacione, te jayebic tey ayic ae, talic noptsajic tel ta stojolic te oxeb winiquetique. La yilic ta lec te mero ma'yuc chic'bot sbaq'uetalic yu'un te c'ajq'ue, ni jxujt'uc tsacbot ta c'ajc' te stsotsil sjolique, soc ni ayuc bila la spas jxujt'uc te sc'u'-spaq'ue, soc ni ayuc chican ta aiyel yic' bila c'ajq'uem yu'unic.

Zacarías 13:7

Te Cajwaltic te Spisil ya xju' yu'un jich ya yal: —Puñal, jajch'an ta swenta scontroinel te jcanan cu'une, swenta scontroinel te abat cu'une. Mila te jcanane, te chijetic ya me xpujq'uic bael, te jo'one ya me x'ochon ta scontroinel te alal chijetique.

Malaquías 3:1

Te Cajwaltic te Spisil ya xju' yu'un ya yal: —Ya me jticun tel j'alwanej cu'un swenta yu'un ya xchajbanbon jbe. Te Ajwalil te yacalex ta sleel te ja'exe, ora me ya x'ochix bael ta templo yu'un. Julelix tel te j'alwanej yu'un te tratoe, ja' te mach'a maliybil awu'unique —xi' te Cajwaltique.

San Marcos 12:26

Te bit'il ya xcha'cuxic tel te animaetique, ¿yu'un bal ma ba awilojic te bila ts'ibubil jilel yu'un Moisés ta bay c'oponot yu'un Dios ta bay jpejt' ch'ix te yac ta tilele? Jich la yal tey a te Diose: “Jo'on Dioson yu'un te Abrahame, te Isaaque, te Jacobe”, te xie.

San Lucas 20:37

“Te mach'atic lajemique, ya me xcha'cuxic. Jich la yal uuc te Moisés te c'alal la xcholbey sc'oplal te pejt' ch'ix te yac ta tilele. Tey la yal a te Diose, te ja' Dios yu'un te Abraham, te Isaac soc te Jacobe.

San Juan 1:14

Te C'opile la yich' sbaq'uetal, soc nain ta coliltic. (La quilbeytic te yutsilale, ja' te yutsilal te jip jtul Snich'an te Jtatic Diose). Nojel te yutsil yo'tane soc te bila melele.

Romanos 8:3

Melel ma ju' yu'un te la scoltayotic te mandalile, ta scaj te ma'yuc yip te jbaq'uetaltique. Jich yu'un Dios la sticun tel te Snich'ane, jich bit'il milbil majt'anil yu'un mulil. Pajal sbaq'uetal c'ot soc te jmulawil ch'ich'-baq'uete. Jich ta swenta sbaq'uetal ju' yu'un te la yac' ta lajel te mulil te ay ta jbaq'uetaltique.

Deuteronomio 33:16

soc te yutsil te sit ya snojes a te lumq'uinale, soc ta swenta te yutsil yo'tan te mach'a nainem ta bay ch'ix te yac ta tilele. Ta spisil, ac'a taluc ta stojol José, te la yich' tsael ta yolil te yermanotaque.

Deuteronomio 4:20

Te ja'exe la stsobex loq'uel tel ta Egipto te Cajwaltique, ta yutil horno yu'un yultesel taq'uin c'oem. Jich la yaq'uex te bit'il ayex ta ora in to: Ja'ex lumex yu'un stuquel.

2 Tesalonicenses 1:7

Yan te ja'ex, te awich'ojic controinele, ya me yac'beyex awich'ic lewa yu'un awocolic, soc uuc te jo'otic, te bi ora ya xchicnaj tel ta ch'ulchan te Cajwaltic Jesuse. Joytaybil ta yat c'ajc' ya xtal soc te ch'ul abatetic yu'une te ay bayal yipique.

Jueces 13:13

Te ch'ul abat yu'un te Cajwaltic la sjac': —Te awiname, ac'a spas spisil te bitic calojbeyixe: