Éxodo 3:16 - Bible in Tzeltal de Oxchuc y Tenejapa

¹⁶ Baan, tsoba te mamaletic ich'bilic ta muc' yu'un te alumal, albeya yaiyic: “Te Cajwaltic Dios yu'un te antiguo jme'-jtatique, te Dios yu'un Abraham, Isaac soc Jacob, la yac' sba ta ilel ta jtojol. La yalbon te stsacojbeyexix te ac'opique. Yiloj lajix te bila ya spasbeyex te egipcioetique.

Bible in Tzeltal Bachajón

¹⁶ Bahan, tsoba te mamaletic yu'un Israel soc halbeya: Te Jehová te Dios yu'un ame'atatic, te Dios yu'un Abraham, Isaac, soc Jacob la yac' sba ta ilel ta jtojol, hich la yalbon: Ta mero melel la jquilexix soc la jquilix te bin ya xpasbotex ta Egipto.

Éxodo 3:16 Iomraidhean Croise

Génesis 1:7

Jich la xchicnantes moel xyaxal ch'ulchan te Diose, parte la yac' te ja' te ay ta yet'al te xyaxal ch'ulchane, parte la yac' te ja' te ay ta sba.

Génesis 21:1

Te Cajwaltic la sna' te Sara, jich nix pasbot yu'un te bit'il albot yu'une.

Génesis 28:13

Soc la yil te Dios teq'uel ta sts'eel, c'oponot yu'un: —Jo'on Dioson, Dioson yu'un te amam Abraham, Dioson yu'un te atat Isaac. Te lumq'uinal te bay metselate ya me cac'bat aq'uinalin soc ats'umbal.

Génesis 48:15

Jich te mamal Israel la sc'anbey bendición ta stojol José: —Te Dios te jun yo'tan la xch'uunic te jmam Abraham soc te jtat Isaac, ja' te Dios te scanantayejon c'alal ora yo'tic,

Génesis 50:24

Ta patil te José la yalbey yaiy te yermanotaque: —Ya me xlajonix. Ja'uc me to, te Diose puersa me ya scoltayex xan ta patil. Ya me yiq'uex loq'uel li'to ta Egipto, ya me yiq'uex bael ta ba ay te q'uinal yaloj te ya yac'beyex aq'uinalinic ja'ex te sts'umbalex te Abraham, te Isaac, soc te Jacob —xi'.

Salmos 102:21

Jich yu'un ta Sión, ja' te lum Jerusalén, ya me yich' puquel yutsil sc'oplal Cajwaltic

Salmos 33:18

Yan te Cajwaltic spisil ora ya scanantay te mach'atic ya yich'ic ta muc' soc te ja' smuc'ulinej yo'tanic te xc'uxul yo'tane,

Salmos 8:4

ya cal ta co'tan: “¿Bi swentailuc awu'un te ants-winique? ¿Bi swentailuc awu'un te mach'a ch'ich'-baq'uet naxe? ¿Bi yu'un te ay ta na'el awu'un soc te ay sc'oplal ta awo'tane?”

Éxodo 1:8

Ta patil chicnaj yach'il muc' ajwalil ta Egipto te ma'yuc bay la sna'beyix sc'oplal te José. Jich la yalbey te slumale:

Éxodo 13:19

Te Moisés la yich'bey bael sbaquel te José, yu'unix jich la yal jilel ta jamal a te c'alal cuxul to ae. Jich la yal: —Ta mero melel ya sta yorail te ya awich'ic loq'uesel bael yu'un te Diose. Jich yu'un te c'alal ya xc'ot ta pasele, ya me awich'bonic loq'uel te jbaquele, —xi'.

Éxodo 15:14

Te lumetic ya me xnijc' yo'tanic c'alal ya yaiyic stojol; te filisteoetic ya me x'ajc'naj yo'tanic yu'un xc'uxul mel-o'tan.

Éxodo 17:5

Te Cajwaltic la sjac': —C'axan bael ta stojol te lume. Ic'a bael sjoinat cha'oxtuluc te mamaletic ich'bilic ta muc' yu'un Israel. Ich'a bael te abastón te la amaj a te muc'ul ja'e, beenan me jiche.

Éxodo 18:12

Te Jetro te snialmamal Moisés la stsac jcojt' chambalam yu'un ya smil soc ya xchic'bey smajt'anin te Diose, soc yan milbil majt'aniletic la yac'. Te Aarón soc spisil te mamaletic ich'bilic ta muc' yu'un Israel, la sjoinic ta we'el te snialmamal Moisés ta stojol te Diose.

Éxodo 2:25

Dios la yilbey swocolic te israeletic, soc la sna'bey yo'bolil sbaic.

Éxodo 24:11

Ma'yuc bila pasbotic yu'un Dios te israeletic te bit'il la yilique. We'ic, uch'ajic ta spisilic.

Éxodo 3:2

Tey chicnaj ta stojol a te ch'ul abat yu'un te Cajwaltique, yac ta tilel c'ajc' ta yolil jpejt' ch'ix. La yil Moisés te yac ta tilel te ch'ixe; ja'uc me to, ma xlaj ta c'ajq'uel la yil.

Éxodo 3:6

Soc la yal xan te Diose: —Jo'on Dioson yu'un te antiguo ame'-atate, Dioson yu'un Abraham, Isaac soc Jacob —xi'. Te Moisés la smac yelaw, yu'un la xi' sc'abuyel te Diose.

Éxodo 4:1

La yal te Moisese: —Ma xch'uunbonic jc'op soc ma xyich'onic ta muc'. Ya niwan yalbonic: “Te Cajwaltic ma ba yac'oj sba ta ilel ta atojol”, ya me yutonic —xi' te Moisés.

Éxodo 4:29

Jich bajt' ta xchebalic. Ba stsobic te mamaletic ich'bilic ta muc' yu'un te israeletique.

Éxodo 4:31

La xch'uun yo'tanic te lume. C'ot ta yo'tanic te yorailix te ya yich'ic coltayele, te na'botix yo'bolil sbaic yu'un te Cajwaltique. La stinan sbaic coel c'alal ta lum, caj yalbeyic bayal wocol te Diose.

Éxodo 4:5

La yal te Diose: —Ja' me tey ya xch'uunic a te yac'ojix sba ta ilel te Ajwalil ta atojole, ja' te Dios yu'un te antiguo ame'-atatique, te Dios yu'un Abraham, Isaac soc Jacob.

San Mateo 26:3

Ja' yorail te la stsob sbaic te jwolwanej-sacerdoteetique soc te jts'ibojometic soc te principaletic yu'un te lume. Tey la stsob sbaic a ta bay yamac'ul sna te muc' sacerdote Caifase.

San Lucas 1:68

—Jelawen yutsil te Cajwaltic te Dios yu'un Israele. Yu'un tal scoltay ta libre te lum yu'une.

San Lucas 19:44

Ya me yich' wuyel c'alal ta lum spisil te naetique. Ya me yich' milel spisil yajwal te alumale. Ni jp'ijuc ton te cajal ya xjil ta sba yan ton. Spisil me jich ya xc'ot ta pasel scaj te ma c'ot ta awo'tan te bi ora tal yilat te Diose —xi' ta yalel te Jesuse.

Hechos 11:30

Te c'alal tsobajix yu'unique, la sticunic bael ta stojol te ancianoetic te ayic ta Jerusalén. Ja' la yac'beyic bael ta sc'ab te Bernabé soc te Sauloe.

Hechos 15:14

Te Simone la yalix caiytic te bit'il jajch' ta at'el Dios ta stojol te jyanlumetique, swenta yu'un ya stsa te mach'a lum ya xc'ot yu'un uuc.

Hechos 20:17

Te c'alal ayotiquix ta lum Mileto, te Pablo la sticun tel ta iq'uel te ancianoetic yu'un te jch'uunjeletic te ayic ta lum Efeso.

1 Pedro 2:12

Jich yu'un ma me amenuc awat'elic ta stojol te jyanlumetique. Melel ya smuquen ayantayex soc scuyojex te amen te awat'elique. Ja'uc me to, manchuc teme amen awat'elic ta sc'opique, tey me ya sna'ic stojol a te bit'il lec te awat'elique, soc tey me ya yalbeyic lec sc'oplal a te Diose te bi ora ya xtal te colele.

1 Pedro 5:1

Ta ora to ya jtac'uy te ancianoetic awu'unique, yu'un pajal ancianoon soc. Soc jo'on la quil ta jsit te bit'il c'ax swocol te Cristoe, soc pajal me ya quil utsilal soc te ancianoetic te c'alal ya xchicnaj tel ta patil te Cristoe.

Rut 1:6

Te Noemí la yaiy stojol te ma'yuquix wi'nal ta slumal, te na'botix yo'bolil sbaic yu'un Dios, ac'botiquix lec swe'elic.