Éxodo 3:12 - Bible in Tzeltal de Oxchuc y Tenejapa

¹² La sjac' te Diose: —Ya me joinat te bit'il jo'on ya jticunate. Jich me ya ana' stojol a, te c'alal loq'uix tel ta Egipto awu'un a te lum cu'une, apisilic li' me ya xtal aquejan abaic ta jtojol ta bay wits to —xi'.

Bible in Tzeltal Bachajón

¹² La sjac' te Diose: Ho'on ya joquinat; soc ha seña awu'un ya xc'oht ini te ho'on la jticonat bahel: te c'alal loq'uemix tal awu'un ta Egipto a te pueblo, ya xtal ach'uhuntayonic li' ta wits ini, xchi.

Éxodo 3:12 Iomraidhean Croise

Génesis 15:1

Patil te Abram c'oponot yu'un Dios te chicnaj ta sit yilel, jich albot: —Ma xiwat, Abram, jo'on jcanantaywanejon awu'un, muc' me amajt'an ta bay nax c'alal —xi' sc'oplal.

Génesis 15:8

La yal te Abrame: —Cajwal Dios ¿bit'il ya jna' stojol teme jo'on ya jq'uinalin te q'uinale? —xi'.

Génesis 26:3

Tey me xnainat a te bay q'uinal ayate, ya me joinat, soc ya me cac'bat bendición. Yu'un ya me cac'bat aq'uinalin spisil soc ats'umbal te q'uinale, soc ya me cac' c'otuc ta pasel te bila la calbey te atat Abrahame.

Génesis 31:3

Ja' yu'un albot ta yo'tan yu'un te Cajwaltique: —Sujt'anix bael ta alumal ta bay atat soc awermanotac. Ya me joinat bael —xi' sc'oplal yu'un te Diose.

2 Reyes 19:29

Te Isaías jich la yalbey te Ezequías: —Ja' seña te bitic ya xc'ot ta pasel in to: Te ja'wil in to soc te yan ja'wil ya xtale, ya me awe'ic te trigo te stuquel ya xch'ie, pero ta yoxebal ja'wil, ya xju' ya ats'unic soc ya aset'ic, ya ats'un ats'usubic, soc ya me alo'beyic sit.

1 Crónicas 9:20

Te Finees snich'an Eleazar, ja' neel to ay ta jtsobwanej yu'unic. Ac'a me sjoin te Cajwaltique.

Salmos 86:17

Ac'bon quil prueba te yutsil awo'tan ta jtojole, swenta yu'un ya me xq'uexawic te c'alal ya yilic te mach'atic xut'et slab yo'tanic cu'une. Ja'at Cajwal, ya awac'bon jcoltayel, soc ya awac'bon smuc'ul co'tan.

Éxodo 18:5

Tey spasoj scampamento Moisés ta jochol taquin q'uinal ta bay sts'eel te wits yu'un te Diose. Tey bajt' a te Jetro, sjoinejbey bael te yinam te Moisés soc te cheb alaletic yu'une.

Éxodo 3:1

Te Moisés ya scanantaybey xchij te snialmamal Jetro, te sacerdote yu'unic te madianetique. Ay la yic' c'axel te chijetic ta muc'ul jochol taquin q'uinal. C'ot c'alal ta nopol wits yu'un Dios te Horeb sbiile.

Éxodo 3:13

Te Moisés la sjac': —Te banti chujc'ul ya caiy ta co'tan, ja' teme ya xc'o calbey te jlumal: “Te Dios yu'un te antiguo jme'-jtatique ja' la sticunonix tel”, teme ya xc'o cute, teme ya sjojc'obonic, “¿Bi sbiil?”, teme xiique, ¿Bi ya calbey? —xi'.

Éxodo 33:14

La yal te Cajwaltic: —Jo'onix me ya joinat bael, soc ya me cac'bat te bay ya acux awo'tan —xi'.

Éxodo 4:12

Baan me jiche, ya xc'opojon loq'uel ta awe, ya me calulaybat awaiy te bila ya awale —xi' te Diose.

Éxodo 4:15

Albeya yaiy, cholbeya spisil te bila ya xc'o yale. Ya me xc'opojon loq'uel ta aweic te c'alal ya xc'opojexe. Ya me calbeyex xan ta patil te bila ya apasique.

Éxodo 8:27

Ja'uc me to, ya sc'an xbootic ta muc'ul jochol taquin q'uinal te ay oxeb c'aal ya xbeenotic ochele. Tey ya xba jmilbeytic smajt'an a te Cajwaltic te Dios cu'untique, jich bit'il la yalbotic stuquele —xi'.

Isaías 37:30

Te Isaías la yalbey te Ezequías: —Ja' me señail te bila ya xc'ot ta pasele: ja' in ja'wil to soc te yan ja'wil, ya me awe'elinic ja'ex te trigo te jich nax ya xch'i stuquele. Yan te yoxebal ja'wile, ya me xju' ya ats'unic soc ya aset'ic loq'uel, ya ats'unic ts'usubiltic, soc ya yich' we'elinel te site.

Isaías 41:10

Ma me xiwat, joinejat me; ma me xnijc' awo'tan, melel jo'on te Dioson awu'une. Jo'on ya cac'bat awip, jo'on ya jcoltayat; ja' me jtsacojat ta jc'ab te jtsalwanejone.

Isaías 43:2

Teme ay ya xc'axat ta mar, tey me ayon ta atojol; teme ay ya at'un c'axel muc'ja', ma ba ya ajic'an. Teme ay ya xc'axat ta c'ajc', ma ba ya xc'ajc'at; ma ba ya xchic'at te c'ajq'ue.

Isaías 7:14

Jich yu'un, ja' nix me te Cajwaltic te ya yac'beyex awilic señail: Te ach'ixe yic'ojix yal, ya me x'ayin jtul squerem-al, Emanuel, sbiil ya xc'ot yu'un.

Jeremías 1:8

Ma me ayuc mach'a ya axi' jtuluc, joinejat me, ya me xc'opojon awu'un. Jo'on Ajwalilon te jich ya cale —xi'.

Números 16:28

Te Moisés la yal xan: —Ta ora to ya jpasbeyex prueba awilic te ja' te Cajwaltic la sticunon tel ta spasel spisil te bitic ya jpase, te ma me ja'uc ya jpas te sc'anjel co'tane.

Números 23:21

Ma'yuc mach'a yiloj te ya xlo'laywan soc te ya spas te bila amen te Israel te lum yu'un Jacob. Te Cajwaltic te Dios yu'unique sjoinejic, yacalic ta yalel te ja' muc' ajwalil yu'unique.

San Mateo 28:20

P'ijubtesaic te ya yat'elinic spasel spisil te jmandal calojbeyexe. Ma me xch'ay ta awo'tanic te joinejex spisil ora ja' to c'alal ta slajibal te balumilale —xi' te Jesuse. Jichuc.

San Marcos 16:20

Te jnopojeletique loq'uic bael ta bayuc ta xcholel te lec yach'il c'ope. Ja' coltayotic ta at'el yu'un te Cajwaltique, soc te bila la yalique, ja' la snujp'in sba soc te señailetic te chicnaj ta swentaique. Jichuc.]

Hechos 11:21

At'ej soc yu'el ta stojolic te Cajwaltique, jich tsobol la xch'uunic soc la sujt'es yo'tanic ta stojol te Cajwaltique.

Hechos 7:7

Ja'uc me to, la yal te Diose: “Jo'on me ya cac'bey castigo te lum te ya smosoin te ats'umbale. Patil ya xloq'uic tel tey a, soc ya xtal slajin sbaic ta jtojol li'to”, te xie.

Romanos 8:31

¿Bi ya caltic yu'un in to? Teme ja' ay ta jtojoltic te Diose, ¿ay bal mach'a ya xju' te ya scontroinotique?.

Deuteronomio 31:23

Te Josué te snich'an Nun, ac'bot yu'un Cajwaltic te mandal in to: —Ma me xiwat, ayuc me yip awo'tan. Melel ja'at me te ya awic' ochel te israeletic tey ta lumq'uinal te calojbeye. Jo'on me ya x'ainon ta ats'eel —xi' sc'oplal te Josué.

Hebreos 13:5

Ma me ja'uc xbajt' ta awo'tanic te c'ulejalile. Junuc me awo'tanic yu'un te bila ay awu'unique, melel jich yaloj te Diose: “Xujt' ma ba ya jpijt'esat soc ma ba ya quijq'uitayat”, te xie.

Josué 1:5

Ma'yuc mach'a ya stsalat te jayeb c'aal cuxulate. Jich bit'il la join te Moisés, jich nix ya joinat te ja'ate, ma xquijq'uitayat soc ma ba ya jpijt'esat.

Jueces 6:12

Te ch'ul abat yu'un Cajwaltic la yac' sba ta ilel ta stojol Gedeón, jich la yalbey: —Sjoinejat te Cajwaltique, te tulan winicat soc te ma xiwate —xi'.

Jueces 6:16

Te Cajwaltic la sjac': —Ya xju' awu'un spasel, melel ya joinat. Ya me atsal te madianetic, jich nax me ya xc'ot ta awo'tan te bit'il jtul nax winic —xi' sc'oplal.

Jueces 6:17

Jich te Gedeón la yal: —Teme yu'un lecon ta asit ya awile, ac'bon junuc prueba quil teme melel te ja'at te ya ac'opone.

Jueces 6:21

te ch'ul abat la stij ta sni' sbastón te ti'bal soc te pane, jich loc' tel c'ajc' ta ton, laj ta c'ajq'uel te ti'bal soc te pane. Ora ch'ay ta sit te ch'ul abat yu'un te Cajwaltique.

Jueces 7:11

Aiya awaiy stojol te bi ya yalbey sbaic. Jich jun awo'tan ya xba awochintay —xi'. Jich co bael te Gedeón soc te yabat Fura, c'ot ta bay pujq'uemic ta ti' campamento te jcanantaywanejetic yu'un te madianetique.

1 Samuel 14:10

Pero teme ya yalbotic te ya xmootic baele, ya me xmootic bael, melel ja' me seña te bit'il ya yac'otic ta tsalaw te Cajwaltique —xi' ta stojol te yabate.