Éxodo 27:2 - Bible in Tzeltal de Oxchuc y Tenejapa

² Pasbeya chaneb xulubil ta xchanebal xujc'. Tey me ya xloc' ta pasel awu'un a, soc ya me apac' ta potsel ta bronce.

Bible in Tzeltal Bachajón

² Pasbeya chaneb xulub ta schanebal xuhc; junax ya yich' pasel soc te scajtajib ta chiq'uel mahtanil, soc ya me apots ta bronce.

Éxodo 27:2 Iomraidhean Croise

1 Reyes 1:50

Yan stuquel te Adonías ta scaj te la xi' te Salomón, jajch' bael, bajt' ta Nailpac' Templo. Tey c'o sle yanib a, c'o stsacbey te xulub scajtijib smajt'an te Diose.

1 Reyes 2:28

Ta neelal to te Joab jun la yac' sba soc te Adonías, pero ma ba jun la yac' sba soc stuquel te Absalón. Ja' yu'un te c'alal la yaiy te bila yac ta pasele, te Joab bajt' ta anel ta ch'ul Nailpac' Templo yu'un Cajwaltic, c'o scoltay sba ta scajtijib ta chiq'uel milbil smajt'an Dios.

1 Reyes 8:64

Ja' nix ta yorail a, te muc' ajwalil la xch'ultes te yolil te amac' te ay ta sti' te templo yu'un Cajwaltic. Tey la yac'bey te smajt'an Dios te scojt'ol ya yich' chiq'uel, soc te smajt'an harina soc te xepuil te milbil smajt'an swenta lamal-o'tanile. Melel te scajtijib ta chiq'uel smajt'an Dios pasbil ta bronce te ay ta stojol te Cajwaltique, lom ch'in, jich ma ba ya x'och a te chic'bil smajt'an te Diose, te smajt'an harina soc te xepuil te milbil smajt'an Dios swenta lamal-o'tanile.

2 Reyes 16:14

Ja' nix jich te scajtijib ta chiq'uel majt'anil pasbil ta bronce ay ta stojol te templo yu'un Cajwaltic, te Acaz la sloq'ues tey a, la yac' ta xujc' ta stojol norte yu'un te scajtijib ta chiq'uel majt'anile. Tey jilix ta olil yu'un te templo a soc te yach'il scajtijib majt'anile.

2 Crónicas 4:1

Te Salomón la spas jun scajtijib ta chiq'uel milbil majt'anil ta bronce, baluneb metro te snajt'ile, soc baluneb metro te sjamalule, soc chaneb metro soc lajuneb yoxwinic (50) centímetro te stoylejale.

Salmos 118:27

Te Cajwaltic ja' Dios stuquel, ja' ya sacub q'uinal ta jtojolic yu'un. Jajch'uc meix te q'uin, ich'aic bael sc'ab te'etic ja' to c'alal ta xulubil scajtijib smajt'an te Diose.

Éxodo 27:3

Te bitic ya xtuun ta bay scajtijib ta chiq'uel milbil jmajt'an, spisil me pasbil ta bronce, ja' te yawil stanul, te spalail, te muc'ul tazaetic, te trincheetic soc te yawil ac'ale.

Éxodo 29:12

Mula ta sbic'tal ac'ab jtebuc te xch'ich'el toro, jaxbeya ta xulubil scajtijib ta chiq'uel te jmajt'ane. Spisil te ch'ich' ya spas jilel sobra, mala ta yacan te scajtijib jmajt'ane.

Éxodo 38:30

Ja' te bronce te la yich' pasel a te yiptajibic ta sti'il te Nailpac' te bay ya yich' c'oponel te Cajwaltic, te scajtijib ta chiq'uel milbil majt'anil soc srejail, spisil te bitic ya xtuun ta scajtijib te milbil majt'anil,

Ezequiel 43:15

Te jcaj xan sbae, te banti ya yich' chiq'uel te bitic milbile, ay cheb metro stoyolil. Ay chaneb xulubiletic yu'un, jich loq'uemic bael ta toyol.

Levítico 16:18

ya me xloc' bael ta slecubtesel sc'oplal te scajtijib ta chiq'uel majt'anil te ay ta jtojol jo'on te Ajwalilone. Ya me stsac jtebuc te xch'ich'el toro soc te xch'ich'el tat tentsun, ya me xjaxbey ta xchanebal xulubil yu'un te ay ta sjoyobal te scajtijib ta chiq'uel majt'anile.

Levítico 4:18

Ya me xjax ta ch'ich' te xulubiletic yu'un te scajtijib ta chiq'uel pom te ay ta jtojol ta Nailpac' te banti ya quich' c'oponele. Ta spisil te ch'ich' ya xjile, ya me smalbey ta yacan te scajtijib majt'anil, te ay ta stojol yochibal te Nailpac' te banti ya quich' c'oponele.

Levítico 4:25

Jich te sacerdote ya me stsac ta yal sc'ab jtebuc te xch'ich'el chambalam yich'oj milel ta swenta te mulile, ya me xjaxbey ta xulubiletic yu'un te scajtijib majt'anil, patil te ch'ich' ya xjile, ya me smalbey ta yacan te scajtijib ta chiq'uel majt'anile.

Levítico 4:7

Soc ya me xjaxbey jtebuc ch'ich' te xulubiletic yu'un te scajtijib ta chiq'uel pom, te ay ta jtojol ta Nailpac' te banti ya quich' c'oponele. Spisil te xch'ich'el ay to ya xjile, ya me smalbey ta yacan te scajtijib ta chiq'uel majt'anil, te ay ta stojol te yochibal Nailpac' te banti ya quich' c'oponele.

Levítico 8:15

Te Moisés la sbojbey snuc'. Patil la smul ta ch'ich' te sbic'tal sc'ab, la xjaxbey ta xulubiletic yu'un ta sjoyobal te scajtijib ta chiq'uel majt'anil, swenta yu'un jich ya yich' lecubtesel sc'oplal a. Te ch'ich' ay to jile, la smalbey ta yacan te scajtijib majt'anile. Jich la yich' ch'ultesel yu'un Dios a, swenta yu'un tey ya yich' c'anel a te perdón yu'un te muliletique.

Zacarías 9:15

Te Cajwaltic te Spisil ya xju' yu'un, ya me scanantay te mach'atic ay yu'une. Ja'ic me ya spech'ic ta teq'uel te j'ac'jimoch'etic soc te tonetic yu'un jimochile; soc ya me sbiq'uic c'oem te scontroique. Ya me yuch'beyic xch'ich'el jichuc vino, ya me snojes xch'ujt'ic a jich te bit'il ya yich' nojesel muc'ul taza, ya me yuch'ic jich te bit'il xulubil yu'un te scajtijib smajt'an te Diose.

Números 3:31

Te mach'atic pajal sbiilic ja' ay ta swentaic scanantayel te scajonil trato, te mesa, te scajtijib c'ajq'uetic, te cheb scajtijib majt'aniletic soc te bitic ch'ultesbil te ya xtuun ta yorail yich'el ta muc' Dios, te pac' te ya smac ta olilal te ch'ul awilal, soc spisil te sbiluquil te ayic ta tuuntesele.

Hebreos 6:18

Jich ay cheb te bila ma xch'ay sc'oplal, te melel ma xju' ya spas lot stuquel te Diose. Jich ay yip co'tantic te jayebotic te la jtatiquix coltayel yu'un te Diose soc te jun co'tantic yacotic ta smaliyel te bila yaloje.