Éxodo 27:1 - Bible in Tzeltal de Oxchuc y Tenejapa

¹ “Pasbon scajtijib ta chiq'uel milbil jmajt'an ta acacia. Pajal me sp'isol ta xchanxujc'ul, cheb metro soc jo'eb xcha'winic centímetro (2.25) te jujun xujc', jun metro soc jo'eb xcha'winic centímetro (1.25) te stoylejale.

Bible in Tzeltal Bachajón

¹ Ya me apas scajtajib ta chiq'uel mahtanil ta acacia-te', ho'eb xuhc'ubil snahtil soc ho'eb xuhc'ubil sjamalil, pajal sp'isol te jujun xuhc, soc oxeb xuhc'ubil te stoyolile.

Éxodo 27:1 Iomraidhean Croise

2 Samuel 24:18

Ja' nix ta yorail a, te Gad ba yil te David. C'o yalbey te ya spasbey scajtijib ta chiq'uel milbil smajt'an Cajwaltic, tey ta banti yac ta sloq'uesel spat strigo te Arauna te jebuseo-winique.

2 Reyes 16:14

Ja' nix jich te scajtijib ta chiq'uel majt'anil pasbil ta bronce ay ta stojol te templo yu'un Cajwaltic, te Acaz la sloq'ues tey a, la yac' ta xujc' ta stojol norte yu'un te scajtijib ta chiq'uel majt'anile. Tey jilix ta olil yu'un te templo a soc te yach'il scajtijib majt'anile.

1 Crónicas 6:49

Te Aarón soc te sts'umbale, ja'ic te la xchiq'uic te smajt'an Dios ta scajtijib, soc la xchiq'uic pom ta scajtijib. Jich nix la spasic spisil te abatinel ta Mero Ch'ul Awilal, soc te bit'il ya staic perdón yu'un smulic te israeletique, jich nix te bit'il yaloj mandal Moisés, te yabat Diose.

2 Crónicas 4:1

Te Salomón la spas jun scajtijib ta chiq'uel milbil majt'anil ta bronce, baluneb metro te snajt'ile, soc baluneb metro te sjamalule, soc chaneb metro soc lajuneb yoxwinic (50) centímetro te stoylejale.

Esdras 3:2

Te Josué snich'an Josadac soc te sjo'tac sacerdoteetique, soc nix te Zorobabel snich'an Salatiel soc te xchapomale, jajch' spasic te scajtijib smajt'an te Dios yu'un Israel, swenta yu'un ya me xchic'beyic tey a te smajt'an te Diose, te ya yal ta mandalil yu'un Moisés, te swinic te Diose.

Éxodo 17:15

Te Moisés la spasbey scajtijib smajt'an Dios. Jich la yac'bey sbiilin: “Ja' bandera cu'un te Cajwale”, xi'.

Éxodo 24:4

Te Moisés la sts'ibuy spisil te bila la yal te Cajwaltique. Ta yan c'aal ta buen sab jajch' ta spasel scajtijib ta chiq'uel te milbil smajt'an Dios ta yet'al wits. La slats lajchayeb tonetic te ch'ultesbilique, jujun ta swenta juju-jchajp sts'umbal te israeletique.

Éxodo 31:9

te scajtijib ta chiq'uel scojt'ol te milbil jmajt'an soc te bitic ya xtuun yu'une, te yawil ja' soc te snactijibe,

Éxodo 35:16

te scajtijib ta chiq'uel milbil majt'anil, te reja yu'un te pasbil ta bronce soc te sq'uechjibal soc spisil te bitic ya xtuun yu'une, te yawil ja' soc te yiptajibe,

Éxodo 39:39

te scajtijib ta chiq'uel milbil majt'anil pac'bil ta potsel ta bronce soc srejail, te sq'uechjibal soc spisil te bitic ya xtuun yu'un; te yawil ja' soc te scajtijib;

Éxodo 40:10

Te scajtijib ta chiq'uel milbil jmajt'an balanbeya aceite uuc swenta ch'ultesel soc spisil te bitic ay yu'une. Jich me ya cu'unin soc mero xch'ul scajtijib ta chiq'uel milbil jmajt'an ya xc'ot.

Éxodo 40:29

La yac' te scajtijib ta chiq'uel milbil majt'anil ta yelaw te Nailpac' te bay ya yich' c'oponel te Diose. La xchic' majt'anil chambalametic tey a soc harina, jich bit'il yaloj mandal te Cajwaltique.

Éxodo 40:6

Ac'a te scajtijib ta chiq'uel milbil majt'anil ta nopol yochibal ch'ul awilal, ja' te Nailpac' te bay ya quich' c'oponele.

Números 3:31

Te mach'atic pajal sbiilic ja' ay ta swentaic scanantayel te scajonil trato, te mesa, te scajtijib c'ajq'uetic, te cheb scajtijib majt'aniletic soc te bitic ch'ultesbil te ya xtuun ta yorail yich'el ta muc' Dios, te pac' te ya smac ta olilal te ch'ul awilal, soc spisil te sbiluquil te ayic ta tuuntesele.

Números 4:13

Te scajtijib chic'bil majt'anil ya me sc'an ya yich' cusel loq'uel te stanul soc xepuil te majt'anile, soc ya me sc'an ya yich' muquel ta púrpura pac'.

Números 4:14

Ta sba te scajtijib ya me yich' aq'uel spisil te bitic ay ta tuuntesel ta swenta xch'uunel te Diose: ja'ic te yawil ac'al, trincheetic, palaetic, muc'ul tazaetic, ja' spisil sbiluquil te ya xtuun ta scajtijib chic'bil majt'anil. Ta spisilic ya me yich'ic potsel bael ta t'ujbil nujc'uletic, soc ya me yac' ochel te ste'el ya yich' q'uechel bael a.

Hebreos 13:10

Te jo'otique ay milbil smajt'an Dios cu'untic te ma xju' ya sti' te sacerdoteetic te swentainejic te nailpac' temploe.