Éxodo 24:4 - Bible in Tzeltal de Oxchuc y Tenejapa

⁴ Te Moisés la sts'ibuy spisil te bila la yal te Cajwaltique. Ta yan c'aal ta buen sab jajch' ta spasel scajtijib ta chiq'uel te milbil smajt'an Dios ta yet'al wits. La slats lajchayeb tonetic te ch'ultesbilique, jujun ta swenta juju-jchajp sts'umbal te israeletique.

Bible in Tzeltal Bachajón

⁴ Te Moisés la sts'ihbay spisil te bin la yal te Jehová. C'alal hahch ta sab, la spas scajtajib smahtan Dios ta ye'tal wits soc la stehc'an lahchayeb bahlal tonetic hich te bin ut'il te lahchaychahp sts'umbal Israel.

Éxodo 24:4 Iomraidhean Croise

Génesis 12:7

Te Cajwaltic la yac' sba ta ilel ta stojol Abram, jich la yalbey: —Ya me cac'bey sq'uinalin ats'umbal te q'uinale —xi' sc'oplal yu'un te Cajwaltique. Jich te Abram la spasbey scajtijib ta chiq'uel smajt'an tey a te Cajwaltic te bit'il tey la yac' sba ta ilel ta stojol a.

Génesis 28:18

C'alal sacub q'uinal, jajch' te Jacob. Te ton la sts'anjolin, la stejc'an tey a swenta señail soc la xch'ultes, la smal ta aceite, melel tey c'oponot yu'un a te Diose.

Génesis 28:22

Soc te ton te la jtejc'anixe, ja' sna Dios ya xc'ot cu'un. Soc spisil te bila ya yac'bon te Diose, ya me cac'bey jun ta slajunebal smajt'anin”, xi'.

Génesis 31:45

Jich yu'un te Jacob la sq'uech tel muc'ul ton, la stejc'an ta swenta seña.

1 Reyes 11:30

La stsac te yach'il tsots smucoj sba a te Ahías, la sjats, lajchayeb la sloq'ues a.

1 Reyes 18:31

La stsac lajchayeb tonetic jich te bit'il yajtalul te jayeb ta jchajp te snich'nab Jacob, te la yal te Cajwaltic te Israel sbiil ya xc'ote.

Esdras 6:17

Ta yorail in to, la yac'beyic milbil smajt'an Dios jo'winic (100) ch'in toroetic, lajunwinic (200) chijetic, jbajc' (400) ch'in alal chijetic soc lajchayeb tentsunetic, juju-jcojt' yu'un te juju-jchajp sts'umbal israeletique, swenta smajt'an Dios te la yaq'uic yu'un te smul spisil Israele.

Nehemías 10:1

Te jayebotic te la cac' jfirmatic ta june, jo'otic in to: Jo'on Nehemías snich'anon Hacalías, te ayon ta ajwalil; Sedequías,

Éxodo 17:14

Te Cajwaltic la yalbey te Moisés: —Ts'ibuya ta libro swenta yu'un ya me yich' na'el. Albeya te Josué, ya me jtup'bey ta jc'axel sna'jibal te amalequetique —xi'.

Éxodo 17:15

Te Moisés la spasbey scajtijib smajt'an Dios. Jich la yac'bey sbiilin: “Ja' bandera cu'un te Cajwale”, xi'.

Éxodo 21:1

Soc jich la yal xan te Cajwaltique: —Ja' me mandaliletic ya awac'bey ta stojolic in to:

Éxodo 24:7

La stsacbey slibroil te trato, soc la yawtaybey yaiy ta stojol te lume. Jich la yalic yu'un: —Ya me jpastic spisil te bila ya sc'an te Cajwaltic, ya me jch'uunbeytic te sc'ope —xiic.

Éxodo 28:21

Lajchayeb me ta jp'ij te tonetic, melel lajchayeb ta jchajp sbiil te israeletique. Te juju-jp'ij ton ya me yich' najc'anel sbiil tey a te jchajp israele. Jich me ya yich' pasel te bit'il sello te ya yich' ch'ojtilayel ta bojel, te ya x'och sbiilic tey a te lajchaychajp israeletique.

Éxodo 34:27

Te Cajwaltic, jich la yalbey te Moisese: —Ts'ibuya te c'opetic te ja' mero yiptajib te trato ya jchaptic ja'at soc te israeletique —xi'.

Isaías 19:19

Te bi c'aalil jich ya xc'ot ta pasele, ay me scajtijib majt'anil ac'bil ta stojol Cajwaltic ta yolil Egipto, soc ta nopol smojonil sq'uinal ya yich' aq'uel ton swenta yich'jibal ta muc' te Cajwaltique.

Levítico 24:5

“Tsaca mero lequil harina, tac'ajtesa lajchaypejch' waj, olil yo'eb kilo te juju-jpejch'e.

Números 17:2

—Albeya mandal te israeletic, te juju-jtul jtsobwanej yu'unic ta juju-jchajp, ac'a yich'ic tel sbastonic, lajchayeb bastonil ta spisil. Te ja'at ya me ats'ibubey sbiilic ta sbastonic juju-jtul.

San Lucas 22:30

Jich me ya xwe'ex soc ya x'uch'ajex ta jmesa te c'alal ayonix ta ajwalinel te jo'one. Ya me xnajc'ajex ta bay muc'ul nactijibaletic ta chajbanwanej ta stojol te lajchaychajp israeletique.

Gálatas 2:9

Te bit'il la sna'iquix stojol te bit'il Dios la yac'bonix ta jwenta in at'el to, jich la stsacbon jc'ab soc te Bernabé ta swa'el sc'abic te ja'ic te yiptajibic c'oem te jch'uunjeletique. Jich la spasic swenta seña te bit'il joy jbajtic ta at'el soque, swenta yu'un ya me xba at'ejucotic ta bay te jyanlumetique. Yan stuquelic, ya me xba at'ejuquic ta bay te mach'a yich'ojic te circuncisione.

Deuteronomio 31:9

Te Moisés jich la sts'ibuy ta jun te mandaliletic, la yac'bey ta sc'abic te sacerdote-levitaetique, ja'ic te mach'atic ay ta swentaic yich'el bael te cajón yu'un trato yu'un te Cajwaltique, soc ta spisil mamaletic te yich'oj yat'elic yu'un Israel.

Josué 4:20

Te Josué tey la stejc'an a te lajchayeb tonetic te la yich'ic loq'uel tel ta bay taquej te Jordán.

Josué 4:5

Jich la yalbey: —Ochanic bael ta yolil te taquin yoc Jordán, ta stojol te scajonil trato yu'un te Cajwaltic te Dios cu'untique. Ta juju-jtulex tsacaic juju-jp'ij ton, cajanaic tel ta anejq'uelic, juju-jp'ij me ta swenta juju-jchajp te jlumaltic Israel. Ts'acal me lajchayeb ya xc'ot ta spisil.

Apocalipsis 21:14

Ay lajchayeb ton yiptajib te sts'ajc'ul te lume ta bay ts'ibubil sbiilic te lajchaytul jpuc-c'opetic yu'un te Alalchije.