Éxodo 24:3 - Bible in Tzeltal de Oxchuc y Tenejapa

³ Te Moisés ba yalbey te lum ta spisil te bila la yal te Cajwaltic soc te mandal la yale. Ta spisilic jun nax la sjaq'uic: —Ya jpastic ta spisil te mandal la yal te Cajwaltique —xiic.

Bible in Tzeltal Bachajón

³ Te Moisés tal yalbe te pueblo spisil te bin la yal te Jehová soc spisil te mandariletic. Ta spisil te pueblo junax la sjaq'uic: Ya jpascotic spisil te bin yalojix te Jehová, xchihic.

Éxodo 24:3 Iomraidhean Croise

2 Crónicas 15:14

Tulan la yalic ta jamal ta aw, soc bin nax yo'tanic ta stojol Cajwaltic, la yoq'uesinic oq'uesetic soc xulubiletic.

2 Crónicas 15:15

Spisilic te yajwal Judá bin nax yo'tanic yu'un, la yalic ta jamal ta spisil yo'tanic. Ta yutsil yo'tanic la sna'ic te Cajwaltic, jich la yac' sba ta na'el yu'unic. Dios ac'bot lamajuc q'uinal yaiyic soc spisil te mach'atic jun smojón soque.

Salmos 50:5

Jich la yal te Cajwaltique: “Tsoba te mach'atic jun yo'tanic ta jtojol, ja' te mach'atic jchapoj jc'op soque; la yac'bonic milbil jmajt'an ta swenta seña te tratoe”, xi'.

Éxodo 19:8

Te israeletic pajal la sjaq'uic: —Ya jpastic spisil te bila mandal yu'un te Cajwaltique —xiic. Te Moisés la yich'bey bael sc'op te lum ta stojol te Cajwaltique.

Éxodo 24:2

Ja'at nax me atuquel ya xtalat ta jtojol, ma me xtal stuquel te yantique. Ma me sjoinex moel tel te lume —xi'.

Éxodo 24:7

La stsacbey slibroil te trato, soc la yawtaybey yaiy ta stojol te lume. Jich la yalic yu'un: —Ya me jpastic spisil te bila ya sc'an te Cajwaltic, ya me jch'uunbeytic te sc'ope —xiic.

Jeremías 11:4

Ja' te trato la jpas ta stojol te antiguo ame'-atatic c'alal la jloq'ues tel ta Egipto, ja' te nación te jich c'oem ta stojolic te bit'il horno yu'un te jten-taq'uine. La calbey: “Ch'uunbonic jc'op, pasaic spisil te bila mandal ya cal, ja'ex me lumex cu'un soc jo'on Dioson awu'unic.

Jeremías 34:13

—Jo'on Ajwalilon, te Dioson yu'un Israel, la jpas trato soc te antiguo ame'-atatic te c'alal la jloq'ues tel ta sq'uinal Egipto, ta bay la yich'ic abatinel ta mosoinele. La calbey mandal:

Hageo 2:5

Jich te bit'il la calbeyex te c'alal loq'uex tel ta Egipto, te ja' ya sjoinex te espíritu cu'une. Ma me xiwex jiche.

Malaquías 2:10

¿Yu'un bal ma junuc nax Jtatic ta jpisiltic, ja' te Dios te la xchicnantesotic ta jpisiltic? ¿Bi yu'un nix a te ya jlo'lay jbatic juju-jtul te yacotic ta jelawel a te trato la spas Dios soc te antiguo jme'-jtatique?

Deuteronomio 11:1

“C'uxuc me ta awo'tanic te Cajwaltic te Dios cu'untique, ch'uunbeyaic spasel te bila ya yale, soc spisil ta jchajp te mandaliletic soc te bitic chapal yu'une.

Deuteronomio 4:1

“Yo'tic, israeletic, aiya me awaiyic te mandaliletic soc te bitic chapal te la cac'beyex anopique, ja' me xapasic bael spisil ora, swenta yu'un jich me ya xnainex soc ya awich'ic a te lumq'uinal te ya yac'beyex te Cajwaltic te Dios yu'un te antiguo jme'-jtatique.

Deuteronomio 4:45

Ja' la yalbey yaiyic spisil ta jchajp te mandaliletic in to soc te bitic chapale, te c'alal loq'uic tel ta Egipto,

Deuteronomio 4:5

Te jo'one la cac'beyexix anopic te mandaliletic soc te bitic chapal, te la yalbon cac'beyex anopic te Cajwal te Dios cu'une, yu'un me ya apasic bael tey ta lumq'uinal te banti ya xc'o awu'uninique.

Deuteronomio 5:1

Te Moisés la stsob spisil te lum Israel, jich la yalbey: —Aiya awaiyic, israeletic, te mandaliletic soc te bila chapal ya calbeyex awaiyic yo'tic, nopaic ta lec, soc jich me xapasic bael ta spisil ora.

Deuteronomio 5:31

Yan te ja'ate ya me xjilotic li'to, ya me calbat awaiy spisil ta jchajp te mandaliletic cu'un soc te bitic chapale, swenta yu'un ya me awac'bey snopic, soc ya me spasic bael spisil ora ta lumq'uinal te ya cac'bey yu'uninique”, xi' te Cajwaltique.

Deuteronomio 6:1

“Ja' spisil ta jchajp te mandaliletic soc te bitic chapal yu'un Cajwaltic te Dios cu'untic te ya sc'an ya cac'beyex anopique, swenta yu'un ya me apasic bael spisil ora ta lumq'uinal te ya yac'beyex awu'uninique.

Josué 24:21

Te lum la sjaq'uic: —Ya caltic te ma xc'ot ta pasel. Te jo'otic ya me cac' jbajtic ta abatinel ta stojol te Cajwaltique —xiic.

Josué 24:22

Jich yu'un te Josué la yal: —Ja'ex me testigoex te ja' la atsaic, te ja' nix ya awac' abaic ta abatinel yu'un te Cajwaltique —xi'. —Jo'otic me abi —xiic te lume.

Josué 24:24

Te lum la sjaq'uic: —Te jo'otic ya me cac' yabatinotic te Cajwaltic te Dios cu'untic, ya me jpastic te bila ya yalbotic —xiic.