Éxodo 24:2 - Bible in Tzeltal de Oxchuc y Tenejapa

² Ja'at nax me atuquel ya xtalat ta jtojol, ma me xtal stuquel te yantique. Ma me sjoinex moel tel te lume —xi'.

Bible in Tzeltal Bachajón

² Ha nax te Moisés ya xnohpoj tal ta stojol Jehová; te yantic ma me xnohpojic tal stuquelic soc ma me sjoquinic mohel tal te pueblo, xchi.

Éxodo 24:2 Iomraidhean Croise

Éxodo 19:12

Ya me awac'bey señail te bay ya xcomic ta sjoyobal te witse, te ma xc'axic tel tey a te lume. Albeya, ya me yich'ic ta muc' te bila la awalbeye. Ma me xmoic ta wits, soc ma me xnoptsajic ta sjoyobal, melel spisil mach'atic ya xnoptsajic bael tey a ya me xlajic.

Éxodo 20:21

Te lum q'uejel la yac' sbaic. Te Moisés la slac' bael te ijc'al tocal te banti ay te Diose.

Éxodo 24:1

Te Cajwaltic, jich la yalbey te Moisés: —Moan tel soc Aarón, Nadab soc Abiú, soc xan te lajuneb xchanwinic (70) mamaletic ich'bilic ta muc' yu'un te israeletique. Li' xtalex te banti ayon to, ja'uc me to c'ubul me ya x'ainex, soc ya me aquejan abaic.

Éxodo 24:13

Jich mo bael ta wits te Moisés soc te sjoy ta at'ele, ja' te Josué. Bajt'ic ta bay wits yu'un Dios.

Éxodo 24:15

C'alal laj yo'tan ta c'op te Moisés, mo bael ta wits. Te witse potsbil yu'un te tocale.

Éxodo 24:18

Och bael Moisés ta yolil te tocale, mo xan bael ta wits. Tey jalaj cha'winic c'aal soc cha'winic ajc'ubal a.

Éxodo 24:3

Te Moisés ba yalbey te lum ta spisil te bila la yal te Cajwaltic soc te mandal la yale. Ta spisilic jun nax la sjaq'uic: —Ya jpastic ta spisil te mandal la yal te Cajwaltique —xiic.

Jeremías 30:21

Ya xloc' ta yolilic te jtsobwanej yu'unique; tey nix ya xloc' ta yolilic jtul ajwalil. Ya me cac' te ya xnoptsaj ta jtojol; ¿ay bal mach'a ya xju' xnoptsaj bael ta jtojol? Ja'ic me te lum cu'une, soc jo'on me Dioson yu'unic. Jo'on Ajwalilon, jich ya cal —xi' te Cajwaltique.

Jeremías 49:19

Talon meix a te ya awile, jich bit'il león-choj ya xloc' tel ta pimil ja'mal ta ti'ti'ja' Jordán, te ya yantay bael ta bay unin aquiltic. Tey me ya cac' x'anic loq'uel a te mach'atic ay ta Edom, ya me cac' xmandalaj ta ajwalil tey a te mach'a ya sc'an co'tan ya jtsae. Melel ¿mach'a ya spajon te jo'one? ¿Mach'a ya xju' ya stsalon? ¿Mach'a jcanan-chij c'oem te ya xju' scontroinone?

Números 16:5

jich la yalbey te Coré soc te mach'atic sjoinej: —Pajel ta sab te Cajwaltic ya me yac' ta na'el te mach'a ay ta swenta soc mach'a ch'ultesbil yu'un te ya xju' ya xchic'bey te majt'aniletique. Ja' nax me ya xju' ya xchic'bey majt'anil te mach'a ya stsa stuquele.

Hebreos 9:24

Melel te Cristoe, ma teyuc och bael a ta bay te templo pasbil ta sc'ab ants-winiquetic te ja' seña to nax te mero temploe. Tey och bael stuquel ta bay te ch'ulchane, tey yac'oj sba ta ilel ta stojol Dios cu'untic ta ora to.