Éxodo 24:1 - Bible in Tzeltal de Oxchuc y Tenejapa

¹ Te Cajwaltic, jich la yalbey te Moisés: —Moan tel soc Aarón, Nadab soc Abiú, soc xan te lajuneb xchanwinic (70) mamaletic ich'bilic ta muc' yu'un te israeletique. Li' xtalex te banti ayon to, ja'uc me to c'ubul me ya x'ainex, soc ya me aquejan abaic.

Bible in Tzeltal Bachajón

¹ Te Jehová hich la yalbe te Moisés: Mohan tal ta stojol Jehová soc te Aarón, Nadab, Abiú, soc lajuneb schanwinic (70) mamaletic yu'un Israel; soc namal to ayex a yac ach'uhuntayic.

Éxodo 24:1 Iomraidhean Croise

1 Crónicas 6:3

Te snich'nab Amram, ja'ic te Aarón, Moisés soc María. Te snich'nab Aarón, ja'ic te Nadab, Abiú, Eleazar soc Itamar.

Éxodo 1:5

Spisil te snich'nab te Jacob soc te smamataque, ay lajuneb xchanwinic (70) ta jtul. Te José tey ayix stuquel a.

Éxodo 19:20

Te Cajwaltic tey coj tel a ta bay slajibal jol wits Sinaí. Albot te Moisés te ya xmo bael tey a ta ba ay te Diose. Jich mo bael te Moisés.

Éxodo 19:24

Te Cajwaltic, jich la yal: —Baan, coan bael, ta patil ya me xtalat soc Aarón. Yan te sacerdoteetic soc te lum ma me xc'axic tel, teme ya xmoic tel ta bay ayone, repente tan ya xbajt'ic cu'un —xi' te Diose.

Éxodo 19:9

Te Cajwaltic la yal: —Ya xtalon ta atojol ta pimil tocal. Jich me ya yaiyic stojol te lum te ya xc'opojotic, jich me ya yich'at ta muc' a —xi' te Diose. Te Moisés la yalbey te Cajwaltic te sc'op te lume.

Éxodo 20:21

Te lum q'uejel la yac' sbaic. Te Moisés la slac' bael te ijc'al tocal te banti ay te Diose.

Éxodo 24:15

C'alal laj yo'tan ta c'op te Moisés, mo bael ta wits. Te witse potsbil yu'un te tocale.

Éxodo 24:2

Ja'at nax me atuquel ya xtalat ta jtojol, ma me xtal stuquel te yantique. Ma me sjoinex moel tel te lume —xi'.

Éxodo 24:9

Te Moisés mo bael ta wits soc Aarón, Nadab, Abiú soc xan te lajuneb xchanwinic (70) mamaletic yu'un te Israele.

Éxodo 28:1

“Ayuc me ta ats'eel spisil ora te Aarón soc te snich'nab, ja' te Nadab, Abiú, Eleazar soc Itamar, yu'un sacerdoteetic ya xc'ot cu'un ta yolil te israeletique.

Éxodo 3:5

Jich yu'un Dios la yalbey: —Ma me xnoptsajat tel. Loq'uesa te axanab, melel te banti ayate, ch'ultesbil te q'uinale —xi' sc'oplal.

Éxodo 34:2

Chajbana me aba ta swenta pajel te ya xmoat tel ta wits Sinaí ta sab. Ya me xtal atejc'an aba ta banti ayon ta mero slajibal sjol te witse.

Éxodo 6:23

Te Aarón nujbin soc Elisabet te yantsil-nich'an Aminadab, ja' xwix te Naasón. Ayin snich'nab Aarón, ja' te Nadab, Abiú, Eleazar soc Itamar.

Ezequiel 8:11

Lajuneb xchanwinic (70) principaletic ich'bilic ta muc' ta Israel te yacalic xch'uunele. Te jtule ja' te snich'an Safán te Jaazanías sbiile. Ta juju-jtul stsacojic xchic'jibal spomic, te yac ta jajch'el moel ta stojolic te loc'ombaetic te jich bit'il tocal te xch'ailel spomique.

Números 11:16

Ja'uc me to, te Cajwaltic la sjac': —Tsoba lajuneb xchanwinic (70) mamal-israeletic, te mach'atic ya ana' te ay yat'elic ta yolilic te lume. Ic'aic tel ta Nailpac' te bay ya quich' c'oponel, ac'a smaliyotic tey a.

San Lucas 10:1

Ta patil te Cajwaltic la stsa xan lajuneb xchanwinic (70) ta jtul winiquetic. Che'cheb la sticun bael ta juju-jpam lum soc ta juju-jsejp q'uinal ta banti ya xc'ax bael ta patile.

San Lucas 10:17

Te lajuneb xchanwinic (70) ta jtule, ay bayal sbujts' yo'tanic te c'alal sujt'ic tele. Jich la yalic: —Cajwal, asta te pucujetic la xch'uunbotic jmandaltic ta swenta abiil —xiic julel.

Deuteronomio 1:15

“Jich la quich' ta wenta ta juju-jchajp awu'unic te winiquetic ay sp'ijilic soc te yilojiquix spisil. La cac'bey swentainic jmil (1000) ta jtul winiquetic, ay yantic la cac'bey swentainic jo'winic (100) ta jtul, ay yantic la swentainic lajuneb yoxwinic (50) ta jtul, ay lajuntul winiquetic la swentainic, soc ay yantic la cac'bey yat'elic ta banti juju-jchajp te alumale.