Éxodo 23:2 - Bible in Tzeltal de Oxchuc y Tenejapa

² “Ma me xajoin te bayal ta jtul ta spasel te bila ma lecuque. “Te c'alal ay testigo-c'op ya awal ta stojol te jchajbanwanejetic, ma me xawac' aba ta yalel lotil c'op soc te tsobol ta jtule, te jich ya stsac awo'tan te bila ma tojuc ta pasele.

Bible in Tzeltal Bachajón

² Ma xat'un te tsobol mach'atic ya spasic te bin chopol, soc ma xawal lotil testigo te jun yac awac' aba soc, yu'un hich ya xjihn a te chahpanele.

Éxodo 23:2 Iomraidhean Croise

Génesis 19:4

Ma to ya xwayic a, te yajwal lum Sodoma muc'-biq'uit tal sjoytayic te nae. Spisil te yajwal lum la stsob sbaic tel.

Génesis 6:12

melel bolobenix spisil te ants-winiquetique. Te bit'il la yil te Diose,

Génesis 7:1

Te Cajwaltic la yalbey te Noé: —Ochan ta barco soc spisil mach'a ay awu'un, melel ta spisil te mach'atic ay ta q'uinal, ja'at nax atuquel te ya apasbon sc'anjel co'tan ya quile.

1 Reyes 19:10

La sjac' te Elías: —Mero bayal ac'oplal ya caiy ta co'tan, Cajwal Dios te Spisil ya xju' awu'une. Melel te jlumal israeletic la xch'ayix ta yo'tanic te bila achapoj soque. La sbusq'uiniquix ta jinel te scajtijib amajt'an te banti ya yich' chiq'uele, soc la smilic ta puñal te j'alwanejetic awu'une. Jtuquel xanix jilemon, pero ya sleonic yu'un ya slajinbonic jcuxlejal uuc —xi' te Elías.

Job 31:34

ta scaj xi'el te ants-winiquetique. Ma'yuc bi ora ma ba c'opojon, soc ma'yuc bi ora la jmac jba ta na ta scaj xi'el ilayel yu'un te ants-winiquetique.

Salmos 72:2

swenta yu'un yich'oj me swentail ta lec soc mero stojil me ya swentainbat te lum awu'un soc te me'baetic awu'une.

Proverbios 1:15

anan ta stojolic, jnich'an, ma me xba at'un te be te amen st'unojique.

Proverbios 18:5

Te juecetic ma lecuc teme ja' ya xc'uxtayic te mach'a ay smule, soc teme ja' ya xch'aybeyic sderecho te mach'a ma'yuc smule.

Proverbios 4:14

Ma me xat'un bael te mach'atic amen yo'tanique, ma me xat'unbey te bila amen ya spasique.

Jeremías 37:15

Ja'ic ilin yo'tanic ta stojol Jeremías, soc la yalic mandal ta majel, soc la yaq'uic ta chuquel ta sna Jonatán te cronista, te ja' c'atp'ujem ta chucjibal te snae.

Jeremías 37:21

Jich yu'un te muc' ajwalil Sedequías la yal mandal te ac'a yich' maquel te Jeremías ta yamac'ul te chucjibale, soc te jujun c'aal ac'a yich' ac'beyel jpejch' waj pasbil ta calle yu'un te jpas-wajetique. Jich la yich' pasel ja' to c'alal ma'yuquix we'elil ta spamal lum. Jich a jil ta bay amac' yu'un soldadoetic te Jeremiase.

Jeremías 38:9

—Muc' ajwalil cu'un, te bila la spasbeyic Jeremías te winiquetique, milel ta jyalel. La yaq'uic coel ta pozo, tey yac ta lajel ta wi'nal a, melel ma'yuquix we'elil ta spamal lum —xi'.

Ezequiel 9:9

La sjac'bon te Cajwaltic, jich la yal: —Te smul te lum Israel soc te Judá, mero muc'. Te lumq'uinal nojel ta miltomba soc nojel tey a te bila ma stojiluc ta pasel. Ya scuyic te la quijq'uitayix jilel te lumq'uinale, soc te ma ba ya quil te bitic yacalic ta spasele.

Levítico 19:15

“Stojil me xachajban yu'un smul te mach'a ya atabey smule, ma me ja'uc ya ana'bey yo'bolil sba te mach'a ma'yuc yipe, soc ma me xbic'tajat ta stojol te mach'a bayal yipe. Ja' me xat'un ta pasel te bila stojil te c'alal ya awac'bey castigo yu'un smul te mach'a ya atabey smule.

Hageo 1:4

¿Ja'ex nax bal c'otix yorail te ya xju' ya xnainexix ta buen t'ujbil naetique, manchuc me ja' jinem to stuquel te templo cu'une?

San Marcos 15:15

Jich yu'un te Pilato ja' la scoltay bael te Barrabase, yu'un la sc'an yo'tan te lecuc yo'tanic te lum yu'une. Soc la yac' ochuc ta majel te Jesuse, swenta yu'un ya xba yich' jijp'anel ta cruz stuquel.

San Lucas 23:51

Ja'uc me to, ma la yac' sba a te bi la snopic soc te bi la spasique, soc yac ta smaliyel te ya xjajch' ta ajwalinel te Diose.

Hechos 24:27

Cheb ja'wil jich la spasulay te Felixe. Jich loc' ta ajwalil. Ja' la sjelolin jilel ta ajwalil te Porcio Festo. Te Félix la sc'an yo'tan te lecuc yo'tan ya xjilic yu'un te judioetique, jich la yijq'uitay ta chucjibal te Pabloe.

Hechos 25:9

Ja'uc me to, te Festo la sc'an yo'tan te ya spasbey te bila lec yo'tanic yu'un te judioetique. Jich la sjojc'obey yaiy te Pabloe: —¿Ya bal ac'an xmoat bael ta Jerusalén, swenta yu'un ya awich' chajbanel cu'un tey a? —xi' te Festoe.

Romanos 1:32

Te mach'atic jich yat'elique, sna'ojic stojol ta lec te bit'il ay ich'el ta c'op yu'un te mulile. Soc sna'ojic stojol teme ya spasic in mulil to, ja' ya stojic ta lajel yu'un. Ja'uc me to, jich yacalic ta spasel spisil ora, soc bin nax yo'tanic yu'un te jich nix yacalic spasel uuc te yantique.

Deuteronomio 1:17

Te c'alal ya awaiyic chajbanwanej, ma me x'awaiyic tsaojel ta stojolic: pajal xachajbanic te mach'atic me'baetic soc te mach'atic jc'ulejetique, ma me ayuc mach'a x'axi'ic, melel te chajbanwanej ja' yu'un te Diose. Teme ay bila chujc'ul ya ataic ta stojolique, ticunbonic tel ta jtojol, swenta yu'un jo'on me ya jchajban”, xoon ta atojolic.

Deuteronomio 16:19

Ma me xajowtesic te bila stojil aye, pajal nax me xachajbanic te lume. Ma me x'atsaquic taq'uin ta swenta yuts'inel yantic, melel te stsaquel taq'uin swenta uts'inwaneje ya stup'bey sit te mach'atic p'ijique soc ya yixlanbey te sc'opic te mach'atic toj yo'tanique.

Deuteronomio 24:17

“Ma me xapasic te bila ma stojiluc ta stojolic te jyanlumetic soc te me'ba alaletique, soc ma me x'awich'beyic ta prendal sc'u' te me'ba antsetique.

Josué 24:15

Teme ma x'ac'an ya awac' abaic ta abatinel ta stojol te Cajwaltic, nopa awaiyic mach'a ya awac' abaic ta abatinel ta stojol: teme ja' te diosetic la yac' sbaic ta abatinel yu'un te antiguo ame'-atatic ta ti'ti'ja' Éufrates, o teme ja' te diosetic yu'unic te amorreoetic te nainemic ta q'uinal to. Te jo'on soc te mach'atic ay cu'un ta jna, ya cac' jbajtic ta abatinel ta stojol te Cajwaltique —xi'.

1 Samuel 15:24

Patil te Saúl la yalbey te Samuel: —Melel nix a, la jta jmul. Melel la jc'axintaybey te smandal te Cajwaltic soc nix te ac'ope. Scaj te ja' la jxi' stuquel te winiquetique, ja' yu'un la quich'bey ta wenta te sc'opique.

1 Samuel 15:9

Pero te Saúl soc te soldadoetic yu'un ma ba la smilic te Agag, soc ma ba la smilic te t'ujbil chijetic, wacaxetic soc te bic'tal wacaxetic te buen jujp'enique, soc bic'tal chijetic. Ma ba la slajinbeyic te biluc yu'unic bayal stojole, ja' nax la slajinbeyic te banti amenic, soc te banti ma ba toyol stojole.