Éxodo 20:3 - Bible in Tzeltal de Oxchuc y Tenejapa

³ “Ma me ayuc yan diosetic awu'un, melel jo'on nax me jtuquel te Dioson awu'une.

Bible in Tzeltal Bachajón

³ Ma me ayuc yantic diosetic awu'un ta jtojol.

Éxodo 20:3 Iomraidhean Croise

1 Reyes 11:4

Te c'alal mamalix a, te antsetic yu'un la syantesbeyic yo'tan te Salomón ta stojol te diosetic yu'unique, melel ma spisiluc yo'tan la yac' sba ta stojol te Cajwaltic te Dios yu'une. Ma jichuc la spas te bit'il la spas te state, ja' te David.

Salmos 29:2

Albeyaic yutsilal sbiil; quejana abaic ta stojol ta bay t'ujbil ch'ul templo yu'un.

Salmos 73:25

¿Mach'a ay cu'un ta ch'ulchan? Ja'at nax atuquel. Te c'alal ja'at joinejatix ae, ma'yuc bi ya jc'anix ta balumilal.

Salmos 81:10

Jo'on Ajwalilon, te Dioson awu'une, te la jloq'uesat tel ta sq'uinal Egipto; jama awe, jo'on me ya jnojesbat.

Salmos 81:9

Ma me x'adiosinbeyic te diosetic yu'un jyanlumetic; ma me xach'uunic diosetic teme ma ja'uc ya awil te Dios awu'une.

Éxodo 15:11

Ja'at Cajwal, ma'yuc yan diosetic ya spajat. Ma'yuc yan mach'a ya spajbat awutsilal soc amuc'ul te ja'ate. ¡Jchajp nax bitic ya apas soc xiweltic sba! ¡Awu'un c'ajintayel!

Éxodo 20:23

Jich yu'un ma me xapasic loc'ombaetic ta oro soc ta plata te ya ach'uunique.

Éxodo 22:19

“Te mach'a ya sta sba soc chambalam, jc'axel me ya yich' chajbanel sc'oplal ta milel.

Éxodo 23:24

Ma me xac'ainbey stalelic. Ma me xaquejan abaic ta stojol te diosetic yu'unique, ma me xach'uunic. Ya me ajin ta spisil te loc'ombaetic yu'unic soc te ch'ul balal tonetic tejc'ajtic yu'unique.

Éxodo 32:8

Ora nax la yijq'uitayic jilel te be c'oem te la calbey mandal te ya st'unique. La spasbeyic sloc'ombail jcojt' alal toro ta oro ultesbil ta c'ajc'. Yacaliquix ta xch'uunel soc la yac'beyiquix smajt'an. Jich yacalic ta yalel: “¡Jlumal, ilawil, ja' dios cu'untic te la sloq'uesotic tel ta Egipto!” xiic me —la yut.

Éxodo 34:14

“Ma me xach'uunic yantic diosetic, melel jo'on Ajwalilon, mero ma sc'an co'tan. Jich ay te jbiile: “Jo'on Dioson te ya x'ilinon yu'un teme q'uejel ya xbajt' yo'tan te lum cu'une”, te xie. Jich c'oem te jbiile.

Isaías 26:4

Ja'uc me smuc'ul awo'tanic spisil ora te Cajwaltique, melel ja' anjibal sbajt'el q'uinal stuquel.

Isaías 42:8

Jo'on Ajwalilon, ja' me jbiil abi, soc ma me xju' te ya cac' yutsilalin yan te cutsilale; jo'on nax me jtuquel ya x'ich'oton ta muc', ma me ja'uc te loc'ombaetique.

Isaías 43:10

Te Cajwaltic ya yal: —Ja'ex testigoex cu'un, te abatetic te la jtsa jtuquele, swenta yu'un ya me sna'bonic jba soc ya me smuc'ulinon yo'tanic, soc te ya xc'ot ta yo'tanic te mach'aon a. Ma'yuc bay yan dios te neel chicnajem cu'un a; ma'yuc bay ya xchicnaj xan tel yan ta patil te bit'ilone.

Isaías 44:8

Ja'uc me to, muc'ubuc awo'tanic, ma me xiwex. Te jo'one jich la calbey sc'oplal c'alal to ta namey q'uinal, soc te ja'exe testigoex cu'un. ¿Ay bal yan dios jich te bit'ilone? Ma'yuc yan anjibal; ma'yuc yan quiloj —xi' te Cajwaltique.

Isaías 46:9

na'aic me te bitic c'oemic ta pasel ta namey q'uinale. Jo'on nax Dioson, ma'yuc yan; Dioson jtuquel, ma'yuc yan pajalon soc.

Jeremías 25:6

Ma xbaex ta stojol lotil diosetic; ma xach'uunic, soc ma xaquejan abaic ta stojol. Ma xawac' x'ilin yo'tan Cajwaltic ta scaj xch'uunel awu'unic te diosetic te apasojic ta ac'abic te ja'exe, jich ma'yuc bila amen ya xtal ta atojolic yu'un”, xiic ta yalel.

Jeremías 35:15

Spisil ora la jticunbeyex ta atojolic spisil j'alwanejetic te abatetic cu'une, swenta yu'un ya yalbeyex te yacuc awijq'uitayic te amen awo'tanic soc te amen at'eliletique. Soc te manchuc ya xbaex ta stojol te lotil diosetique, te ma xaquejan abaic ta stojole, te jich ya xju' xcuxinex bael ta bay lumq'uinal te cac'ojbeyex soc te antiguo ame'-atatique. Ja'uc me to, te ja'exe ma la awich'ic ta muc', ni ma la ach'uunic.

Jeremías 7:9

Ya awaiyic elec', milaw, mulwej, soc ya awalic lotil c'op, soc ya awac'bey pom te lotil dios Baal, soc ya ach'uunic diosetic te ma'yuc swentaile.

Daniel 3:18

Manchuc teme ma scoltayotic te Diose, pero na'a me, muc' ajwalil, te ma'yuc bi ora ya jch'uuntic te diosetic awu'une, soc ni ma'yuc bi ora ya jquejan jbajtic ta stojol te loc'omba pasbil ta oro —xiic.

Oseas 13:4

Ya yal te Cajwaltique: —Jo'on Ajwalilon, Dioson awu'un c'alal ayat to ta Egipto. Ma me ayuc yan mach'a ya acuy ta Dios, jo'on nax me jtuquel; melel jo'on nax me jcoltaywanejon awu'un.

San Mateo 4:10

Jesús la yalbey: —Baan, q'ueja aba, Satanás. Melel jich ts'ibubil ta Sjun Dios: “Ja' nax me x'awich' ta muc' te Cajwaltic te Diose, soc ja' nax me ya awac' aba ta abatinel ta stojol stuquel”, te xie —xi'.

1 Corintios 8:4

Jich yu'un te bit'il ay sc'oplal te we'elil yu'un te milbil majt'anil yu'un te loc'ombaetique, jna'ojtic stojol te tojol ay ta balumilal te loc'ombaetique, te melel jun nax te Diose, ma'yuc yan.

1 Corintios 8:6

ja'uc me to, te jo'otique, jun nax Dios ay cu'untic, ja' te Tatile. Ja' la spas spisil te bitic aye soc ja' yu'unotic uuc. Soc jun nax te mach'a cajwalinejtique, ja' te Jesucristoe. Ja' ta swenta te ay spisil te bitic aye; soc uuc te jo'otique, ja' cuxulotic ta swenta uuc.

Efesios 5:5

Melel ana'ojic stojol te bit'il ya xc'ot te mach'a ya xyal ta mulile, soc spisil ta jchajp chijil-o'tanil soc te bic'tal-o'tanil yu'un taq'uin te ja' pajal soc te xch'uunel loc'ombaetique. Ma xju' te ya xc'o ainuquic tey a ta banti ay ta ajwalinel te Cristoe soc te Diose.

Deuteronomio 5:7

“Ma me ayuc yan diosetic awu'un, melel jo'on nax me jtuquel te Dioson awu'une.

Deuteronomio 6:14

Ma me xat'unic yantic diosetic te xch'uunejic te yantic lumetic te nopol ayex soque,

Deuteronomio 6:5

“Te Cajwaltic te Dios cu'untique, c'ux me x'awaiy ta awo'tan, ta spisil awo'tan, ta spisil acuxlejal, soc ta spisil awip.

Filipenses 3:19

Te c'alal ya xlajique, ch'ayel me ya xbajt'ic. Melel ja' dios yu'unic te sbaal xch'ujt'ique, soc ja' yutsilal ya yaiyic te bila swenta q'uexlale, soc ja' baem ta yo'tanic te bitic swenta nax te balumilale.

Colosenses 2:18

Ma me xawaq'uic ta pojel te amajt'anic yu'un te mach'atic te jowil nax peq'uel ya yac' sbaic ta c'axem to xan, soc te ya slajin sbaic ta stojol te ch'ul abatetique. Scuyoj sbaic te ay bila ac'botix yil ta swaichic ta sc'opique. Muc' yac'oj sbaic yu'un te bila snopojic ta swenta nax te sbaq'uetalique.

Apocalipsis 19:10

La jpajc'an jba ta yacan te ch'ul abate, yu'un c'an jlajin jba ta stojol. Ja'uc me to, jich la yalbon: —Ma me xapas jich. Melel te jo'one, yabaton uuc te Diose, jich te bit'ilate soc spisil awermanotac te jun yo'tanic ta xch'uunel te testigo-c'op la yal te Jesuse. Ja' me x'alajin aba ta stojol te Diose —la yuton. Melel te testigo-c'op la yal te Jesuse, ja'ix te ya x'at'ej ta yo'tanic te mach'atic j'alwanejetic yu'un te Diose.

Apocalipsis 22:9

Ja'uc me to, la yalbon: —Ma me xapas jich. Melel te jo'one, yabaton uuc te Diose jich te bit'ilat soc spisil te awermanotac te j'alwanejetique soc spisil te mach'a ya yac' ta yo'tanic te bila ts'ibubil li' ta bay in jun to. Ja' me xalajin aba ta stojol te Diose —la yuton.

Jueces 6:10

Soc la calbeyex te jo'on Awajwalonic te Dioson awu'unique. La calbeyex te manchuc ya awich'ic ta muc' te diosetic yu'un te amorreoetic te ainemexix ta sq'uinalique; ja'uc me to, ma la awich'bonic ta muc' te jc'ope”, xi' te Cajwaltic —xi' te j'alwaneje.