Éxodo 20:2 - Bible in Tzeltal de Oxchuc y Tenejapa

² —Jo'on Ajwalilon, te Dioson awu'une, te la jloq'uesat ta Egipto ta banti ayat ta mozoile.

Bible in Tzeltal Bachajón

² Ho'on Jehovahon, te Dioson awu'un, te la jloq'uesat tal ta sq'uinal Egipto ta banti nahinat ta mosohil.

Éxodo 20:2 Iomraidhean Croise

1 Reyes 18:39

C'alal la yilic te bi c'ot ta pasel, spisilic te mach'atic tey ayic a, la stinan sbaic coel c'alal ta lum, jich la yalic: —¡Ja' Dios te Cajwaltic, melel ja' nix Dios stuquel a te Cajwaltique! —xiic.

2 Reyes 17:12

La xch'uunic loc'ombaetic te mero jc'axel combilic yu'un Cajwaltic te ma ba ya xch'uunique.

2 Reyes 17:7

Jich c'ot ta pasel, melel ja'ic nix te israeletic te la sle smulic ta stojol Cajwaltic te Dios yu'unique, te ic'otic loq'uel tel ta Egipto yu'un, soc te coltayotic ta sc'ab te muc' ajwalil yu'un Egipto, ja' te faraón. Yu'un och xch'uunic lotil diosetic.

2 Crónicas 28:5

Ja' yu'un te Cajwaltic Dios yu'une la yac'bey ta sc'ab te muc' ajwalil yu'un Siria. Jich yu'un te siriaetic la yaiyic tsalaw ta jyalel, bayal ta jtul la stsaquic ta chuquel, la yiq'uic bael ta lum Damasco. Te Cajwaltic ja' nix jich la yac'bey ta sc'ab te muc' ajwalil yu'un Israel, jich mero muc' a c'ot te tsalel ta swentae.

Salmos 50:7

Jich la yal xan te Cajwaltique: “Aiya awaiy stojol lum Israel cu'un; yo'tic ya xc'opojon ta yalel ta jamal ta atojol. Te jo'one Dioson, jo'on Dioson awu'un.

Salmos 81:10

Jo'on Ajwalilon, te Dioson awu'une, te la jloq'uesat tel ta sq'uinal Egipto; jama awe, jo'on me ya jnojesbat.

Salmos 81:11

“Pero te lum cu'une ma la sc'an la yaiybon te jc'ope; te Israel ma ba la sc'an xch'uunbon jc'op.

Salmos 81:7

Te c'alal ayat ta buen woclajel ae, la awic'on, jich la jcoltayat; la jac'bat ac'op c'alal ta tocal te banti yac ta t'omel chawuc; la jpasat ta prueba ta sts'eel te ja'etic yu'un Meriba.

Éxodo 13:14

Jich bit'il pajel cha'wej, teme ay ya sjojc'obeyex te anich'nabique: “¿Bi swentailuc te jich ya apase?” teme xie, albeya yaiyic: “Ja' me swentail te soc smuc'ul yu'el te Cajwaltic la sloq'uesotic tel ta Egipto te bit'il ayotic ta mozoil tey ae,

Éxodo 13:3

Te Moisés la yalbey te lume: —Na'aic me in c'aal to, te bit'il ta swenta smuc'ul yu'el te Cajwaltic te la sloq'uesex tel ta Egipto ta bay ainex ta mozoile. Ma me xawe'ic te waj yich'oj levadura.

Éxodo 15:13

Soc xc'uxul awo'tan yacat ta stojobtesel bael te lum la acoltaye; soc awu'el yacat ta yiq'uel bael ta bay ch'ultesbil na awu'un.

Éxodo 15:16

Ja'at Cajwal, ac'a xiwuquic, ayuc nijq'uel ta yo'tanic, jichuc me ma stij sbaic bit'il tonetic ta scaj yip te ac'abe, ja' to me c'alal c'axiquix te lum awu'une, ja' te lum la awu'uninixe.

Éxodo 15:26

Jich la yal: —Teme jun awo'tanic ya awaiybonic stojol te bila ya cal te jo'on Ajwalilon te Dioson awu'unique, soc teme ya apasic te bila lec co'tan yu'une, teme ya ach'uunic te mandaliletic cu'une, soc teme ya ac'otes ta pasel te bila ya yal te mandaliletic cu'une, ma'yuc bi ora ya xtal tulan chamel ta atojolic te bit'il la cac'bey te egipcioetique, melel jo'on te Ajwalilon te ya jlamantesbeyex achamelique —xi' te Cajwaltique.

Éxodo 20:1

Dios la yal spisil in mandaliletic to:

Éxodo 29:46

Jich me ya sna'ic te jo'on Ajwalilon te Dioson yu'unique. La jloq'ues tel ta Egipto yu'un ya x'ainon ta yolilic jo'on te Ajwalilon te Dioson yu'unique.

Éxodo 6:6

Jich yu'un baan albeya te alumal te Jo'on Ajwalilone. Ya xba jcoltayex loq'uel ta mozoil soc spisil te at'el te tenbilex ta spasel yu'un te egipcioetique. Ya me cac' ta ilel cu'el. Ya me jcoltayex loq'uel a ta swenta te bila muc' ya yich' pasel ta stojolique.

Isaías 43:3

Melel jo'on Awajwalon, te Jcoltaywanejon awu'une, te Ch'ul Dioson yu'un Israel. Jo'on jmanojat; te atojol te la cac' te la jcoltayat, ja' te Egipto, Etiopía soc Sabá.

Jeremías 16:14

“Ja'uc me to jo'on te Ajwalilon, jich ya cal te ya me xtal sc'aalelal te ma ba ya awaliquix ta jamal: “Ta swenta bit'il cuxul te Cajwaltique, jich la sloq'ues tel ta lum Egipto te israeletique”, te xaexe.

Jeremías 2:6

Ma la anopic ta awo'tanic te ya aleonic, jo'on te la jloq'uesex tel ta Egipto, te la quiq'uex bael ta jochol taquin q'uinal, taquin te q'uinale, soc puro jemeltic, ja' te q'uinal te ma'yuc ja' tey ae, nojel nax yu'un te bitic xiweltic sbae, ja' te lumq'uinal te ma'yuc mach'a ya xnain tey a, ja' te ma'yuc mach'a ya xju' xc'ax tey a.

Jeremías 31:1

Te Cajwaltic jich ya yal: —Ya me sta yorail te jo'on me Dioson yu'un spisil ta jchajp sts'umbal Israel, soc ja'ic me lum cu'un —xi'.

Jeremías 31:33

Ja' in to ja' te trato ya jpas soc Israel c'alal ya sta sc'aalelal: Ya jts'ibubey ta yo'tanic te jmandale, soc ya me cac'bey ta sjolic. Jo'on me Dioson yu'unic, soc ja'ic me lum cu'un. Jo'on Ajwalilon, jich ya cal.

Jeremías 34:13

—Jo'on Ajwalilon, te Dioson yu'un Israel, la jpas trato soc te antiguo ame'-atatic te c'alal la jloq'ues tel ta sq'uinal Egipto, ta bay la yich'ic abatinel ta mosoinele. La calbey mandal:

Ezequiel 20:19

Jich la calbey: “Jo'on Ajwalilon, Dioson awu'unic. Xquechet me xapasbon bael ta spisil te mandaliletic cu'une.

Ezequiel 20:5

Albeya: “Jich ya yal te Cajwaltique: ‘Te c'alal la jtsa Israel, ay bila jc'axel la cal ta jamal ta stojol patil alnich'anetic yu'un, soc la cac' jba ta na'el ta swenta cat'el ta stojolic ta Egipto. Jc'axel la cal ta jamal ta stojolic: “Jo'on Ajwalilon, Dioson awu'unic”, xoon.

Ezequiel 20:7

Ta spisilic la jpas ta mandal, te ya xch'ay ta yo'tanic te bitic ilaybil sba cuybilic ta Dios yu'unique, soc la calbey te ma ba ya sboltes sbaic ta swenta te loc'ombaetic yu'un Egipto, melel jo'on yajwalon soc Dioson yu'unic.

Oseas 12:10

“Jo'on la jc'opon te j'alwanejetique, soc la quesmantesbey yajtalul te bitic la cac'bey yilic, soc ja'ic ta swentaic te c'opojon ta seña-c'opetique.

Oseas 13:4

Ya yal te Cajwaltique: —Jo'on Ajwalilon, Dioson awu'un c'alal ayat to ta Egipto. Ma me ayuc yan mach'a ya acuy ta Dios, jo'on nax me jtuquel; melel jo'on nax me jcoltaywanejon awu'un.

Levítico 11:45

Jo'on te Ajwalilon te la quiq'uex loq'uel tel ta Egipto swenta yu'un Dioson awu'unic jtuquel. Ja' yu'un te ja'exe, ch'ultesbiluquex me, melel ch'ul Dioson te jo'one.” Jich me ya xc'o awalic ta stojolic —xi' te Cajwaltique.

Levítico 19:36

Ya me sc'an te ja' ya atuuntesic te p'isolic te mero ts'acalique. Jo'on Ajwalilon, Dioson awu'unic te la jloq'uesex tel ta Egipto.

Levítico 23:43

swenta yu'un spisil me te patil alnich'anetic awu'unic ya me sna'ic te la cac' nainicuc ta nailwamaletic te israeletic te c'alal bi ora la quic' loq'uel tel ta Egipto. Jo'on te Ajwalilon te Dioson awu'unique”, uta me —xi' te Cajwaltique.

Levítico 25:38

Jo'on te Ajwalilon, Dioson awu'unic te la jloq'uesex tel ta Egipto swenta yu'un ya cac'beyex te slum-sq'uinal Canaán, soc swenta yu'un jo'on Dioson awu'unic.

Levítico 25:42

Melel jo'on abatetic cu'un te la jloq'ues tel ta Egipto, ja' yu'un ma xju' teme ya yich'ic chonel ta abatil.

Levítico 25:55

Melel te israeletic abatetic cu'un, mero abatetic cu'un; jo'on la jloq'ues tel ta Egipto. Jo'on Ajwalilon soc Dioson yu'unic jtuquel.

Levítico 26:1

“Ma me xapas awajcananic soc ma me xapas loc'ombaetic, ma me xawaq'uic chicnajuc ta alum-aq'uinalic ch'ultesbil tonetic soc loc'ombaetic te loc'taybilic ta tone. Ma me xapajc'an abaic ta stojolic, melel jo'on te Ajwalilon te Dioson awu'unique.

Levítico 26:13

Jo'on me te Ajwalilon te Dioson awu'unic, te la quiq'uex loq'uel tel ta Egipto, te ja' la quiq'uex loq'uel tel yu'un te ma ba ya smozoinexix a te egipcioetique. Jo'on la jin te yugo te ay awocolic yu'une, buen atoyoj ajolic ya xbeenex cu'un.

Amós 2:10

“Ja'uc me to, la jloq'uesex tel ta Egipto, soc la quiq'uex ta beel cha'winic (40) ja'wil ta jochol taquin q'uinal swenta yu'un ja' ya cac'beyex te sq'uinal amorreoetique.

Romanos 10:12

Melel pajal sc'oplal te judioetic soc te jyanlumetique. Jun nax Yajwalic ta spisilic, melel pajal ya yac'bey bendición spisil te mach'atic ya yalbey wocol ta stojole.

Romanos 3:29

Melel te Diose ¿Ja' nax bal Dios yu'un te judioetique? ¿Ma bal ja'uc Dios yu'un uuc te jyanlumetique? Ja' na'ax Dios yu'unic uuc te jyanlumetique.

Deuteronomio 13:10

Ch'oja ta ton ja' to teme laje, melel ya sc'an yac'batix awijq'uitay ta awo'tan te Cajwaltic te Dios cu'untique, ja' te la sloq'uesat tel ta Egipto te banti ayat ta mozoile.

Deuteronomio 15:15

Ma me xch'ay ta awo'tan te ochat ta mozoil ta Egipto, te ja' la scoltayat loq'uel te Cajwaltic te Dios cu'untique. Ja' yu'un la calbat mandal.

Deuteronomio 20:1

“Teme ya xloq'uex ta spasel guerra soc te acontroique, teme ya awilic ay bayal caballoetic soc carretaetic yu'un guerra yich'ojic, soc teme ja' mero bayal te soldadoetic yu'unique, teme c'axem jichic a te bit'il ja'ex, ma me x'axi'ic, melel te ja'exe ja' sjoinejex te Cajwaltic te Dios cu'untique. Ja' te la sloq'uesex tel ta sq'uinal Egipto.

Deuteronomio 5:15

Na'a me te ja' nix jich c'axat ta mozoil ta Egipto, te tey la jloq'uesat tel a te Ajwalilon te Dioson awu'un ta swenta smuc'ul yip cu'el. Ja' yu'un te Ajwalilon te Dioson awu'une ya jpasat ta mandal te ya acanantay te sc'aalelal cux-o'tane.

Deuteronomio 5:6

“Jo'on Ajwalilon te Dioson awu'une te la jloq'uesat tel ta Egipto ta banti ayat ta mozoile.

Deuteronomio 7:8

Te Cajwaltic la sloq'uesex tel ta sq'uinal Egipto te banti ayex ta mozoile. Ta swenta smuc'ul yip yu'el la scoltayex loq'uel tel ta sc'ab faraón ta swenta nax te c'uxex ta yo'tan, soc jich la yac' c'otuc ta pasel a te bila chapal yu'un soc te antiguo jme'-jtatique.

Jueces 2:1

Te ch'ul abat yu'un Cajwaltic loc' ta Gilgal, bajt' ta Boquim. Jich la yalbey te israeletic: —Jo'on la jloq'uesex tel ta Egipto, la quiq'uex tel ta bay in q'uinal to te la calbey te antiguo ame'-atatique: “Ma'yuc bi ora ya jlajinbey sc'oplal te trato cu'un ta atojolic te ja'exe”, xoon.

Jueces 6:10

Soc la calbeyex te jo'on Awajwalonic te Dioson awu'unique. La calbeyex te manchuc ya awich'ic ta muc' te diosetic yu'un te amorreoetic te ainemexix ta sq'uinalique; ja'uc me to, ma la awich'bonic ta muc' te jc'ope”, xi' te Cajwaltic —xi' te j'alwaneje.