Éxodo 2:7 - Bible in Tzeltal de Oxchuc y Tenejapa

⁷ Te xwix te alal la yalbey te yantsil-nich'an faraón: —¿Bi xaat yu'un teme ya xba quic'bat tel jtuluc hebrea-ants te ya xchu'untesbat te alale? —la yut.

Bible in Tzeltal Bachajón

⁷ Hich te swix te alal la yalbe te yantsil-nich'an faraón: ¿Ya bal quic'bat tal jtuhl jcanan-alal hebrea-ants yu'un ya schu'untesbat te alal ini? xchi.

Éxodo 2:7 Iomraidhean Croise

Éxodo 15:20

Jich yu'un te María, ja' te j'alwanej te xwix te Aarón, la stsac te pandereta yu'une. T'unot yu'un spisil te antsetique, ajc'otajic ta stijel te spanderetaique.

Éxodo 2:4

Ay xwix te alale. Q'uejel to ba stejc'an sba ta yilel te bila ya xc'ot ta pasel ta stojol te alale.

Éxodo 2:6

La sjam te moche. La yil ay alal yac ta oq'uel tey a. Te yantsil-nich'an faraón c'ux la yaiy ta yo'tan, jich la yal: —Ja' ch'in alal yu'un te hebreoetique —xi'.

Éxodo 2:8

—Baan ic'bon tel —xi' te yantsil-nich'an faraón. Bajt' te ach'ixe, ja' nix ba yic'bey tel te sme' te alale.

Números 12:1

Te María soc Aarón jajch' slabanic Moisés, yu'un nujbinem soc etiope-ants.

Números 26:59

Te Amram nujbin soc jtul yantsil-nich'an Leví, Jocabed te sbiile, ayin c'alal ay ta Egipto a te Leví. Te Amram soc Jocabed ja'ic te sme'-stat Aarón, Moisés soc María.