Éxodo 2:3 - Bible in Tzeltal de Oxchuc y Tenejapa

³ Ja'uc me to, ma ju' yu'unic snaq'uel bayal c'aal. Jich la spas ch'in moch ta jalal. La smac ta lec te bay japajtique, la spac'bey a te bila ay xuch'ile. Tey la yac' ochel a te alale. La st'uman bael ta ja' ta bay jalaletic ta ti'ti'ja' Nilo.

Bible in Tzeltal Bachajón

³ Pero ta scaj te ma ba hu'ix ta naq'uel, la stsac jun moch pasbil ta jalal, la spac' ta chapapote soc xuch', tey la yotses a te alale, soc la yotses ta yohlil jalaliltic te ay ta ti' muc'ul-ha'.

Éxodo 2:3 Iomraidhean Croise

Génesis 11:3

Jich la yalbey sbaic: —Ja' lec jpastic ladrillo, ya jchic'tic ta c'ajc' —xiic. Ja' ton c'ot yu'unic te ladrillo, soc ja' mescla c'ot yu'unic te xuch' te stuquel ya xloc' ta lumq'uinale.

Génesis 14:10

Ta spamlej Sidim ay bayal ta jsejp lumq'uinal te ay xuch' tey a. Loq'uic ta anel te muc' ajwaliletic yu'un lum Sodoma soc yu'un lum Gomorra, tey ts'ajbajic coel ta xuch'. Te jaytul xan muc' ajwaliletic te jilemique, anic bael ta witstiquil.

Génesis 6:14

Yan te ja'ate, pasa jun barco ta te' te ay xuch'ile, tsalaltsal me ya apas te barcoe. Ya me apac' ta xuch' ta yutil soc ta spat, swenta yu'un ma x'och ja' a.

Éxodo 1:22

Te faraón la yalbey mandal spisil te slumale. Jich la yal: —Ch'ojaic bael ta muc'ja' spisil te alalqueremetic te ya x'ayinique. Yan teme ach'ixetique, ma xawuts'inbey xcuxlejal stuquelic —xi'.

Isaías 18:2

te ya sticun abatetic te muc' yat'elic ta bay muc'ja' Nilo, ya xbeenic bael ta ja' soc barcoetic pasbil ta jalal. Baanic, ja'ex te tulan ya xbeenexe, baanic, ijq'uitayaic jilel c'opetic ta stojol te mach'atic jun nax sts'umbalic, te toyol snajt'il, te xch'ululet snujc'ulelique, ja' te mach'atic xi'bilic ta bayuque, te ants-winiquetic te tulanic soc te cajal yac'oj sbaic te nainemic ta q'uinal te bayal beja'etic yu'une.

Isaías 19:6

te beja'etic spasojique ya me xtuub. Te bay ya x'oquin ja' ta Egipto yanyan me ta ts'ujel ya'lel ja' to c'alal ya xtaquej. Te jalaleltic soc aquiltic te ayic ta ja'e, ya me xtaquejic;

Isaías 35:7

Te jochol taquin q'uinale pamal ja' me ya xc'ot; te q'uinal te ma'yuc ya'lele, ay me bayal sloq'uibja'etic ya xc'ot. Ta bay nainemic yo'tic te ja'mal ts'i'etic, ya me xch'iic jalaletic soc tujt'iltic.

San Mateo 2:13

Te c'alal sujt'iquix bael a te p'ijil winiquetique, te José chicnaj la yil ta swaich jtul ch'ul abat yu'un te Cajwaltique. Jich albot yu'un: —Jajch'an, ic'a bael te alale soc te sme'e. Anan bael ta sq'uinal Egipto. Tey me ya x'ainat a ja' to teme ya calbat xane, yu'un te Herodese ya xtal sle smil te alale —xi' te ch'ul abate.

San Mateo 2:16

Te Herodese la sna' ta yo'tan te laj ta lo'layel yu'un te p'ijil winiquetique. C'axem to xan ilin yu'un. La yal mandal te ya xba yich' milel spisil te alalqueremetic te che'cheb ja'wil ya'wilalique soc uuc te ma to xloc' cheb ja'wil yu'unic te ayic ta spamal lum Belén soc ta sjoylejal. Ja' la sna' te bi ora chicnaj te ec' te la yalic te p'ijil winiquetique.

Hechos 7:19

In muc' ajwalil to soc sp'ijil la slo'lay te jlumaltique, soc jajch' yuts'in te antiguo jme'-jtatique. Albotic mandal te ya yich' milel te yal-snich'anic te c'alal ya x'ayinique.