Éxodo 2:16 - Bible in Tzeltal de Oxchuc y Tenejapa

¹⁶ Te Reuel, sacerdote yu'un te madianetic, ay juctul yantsil-nich'nab. Bajt'ic ta sloq'uesel ja' ta bay pozo. Ja' ba snojesic ta bay ya yuch'ic ja' te chijetique, jich ya yac'beyic ja' yuch'.

Bible in Tzeltal Bachajón

¹⁶ Te sacerdote yu'un Madián ay huctuhl yantsil-nich'nab, tal sloq'uesic ha' yu'un ya snojesic te yawil ha', ya yac'ticlambe yuch'ic ha' te tuminchijetic yu'un te statique.

Éxodo 2:16 Iomraidhean Croise

Génesis 14:18

Te muc' ajwalil yu'un Salem, te Melquisedec sbiile, ja' te mach'a yich'oj yat'el ta sacerdoteil yu'un te Dios te toyol ay stuquele, la sloq'ues waj soc vino.

Génesis 24:11

C'alal c'ot ta ti'lum, tey c'o yac'bey xcux yo'tanic a te camello ta bay pozo. Malix c'aal a, yorail te bit'il ya xtalic ta yich'el ja' te antsetique.

Génesis 24:13

Te bit'il ayonix ta pozo ta banti ya xtalic ta yich'el ja' te ach'ixetic li' ta lum to,

Génesis 29:2

Ja'uc me to, la yil te ay pozo tey a, soc ay oxtsojp chijetic tey pacajtic a, melel ya yuch'beyic ya'lel. Macal ta muc'ul ton te sti' pozoe.

Génesis 41:45

Te faraón la yac'bey yan sbiil te José: Zafnat-panea xi' ta egipcio-c'op. Soc la yac'bey yinam, ja' te Asenat sbiil te yantsil-nich'an te Potifera, te yich'oj yat'el ta sacerdoteil yu'un lum On. Jich a och ta swenta José spamal sq'uinal Egipto.

Éxodo 18:1

Te Jetro te sacerdote yu'un te madianetique, te snialmamal te Moisés, la yaiy stojol spisil te bitic la spas Dios soc Moisés soc te lum Israel te bit'il la yich' loq'uesel tel ta Egipto yu'un te Cajwaltique.

Éxodo 18:12

Te Jetro te snialmamal Moisés la stsac jcojt' chambalam yu'un ya smil soc ya xchic'bey smajt'anin te Diose, soc yan milbil majt'aniletic la yac'. Te Aarón soc spisil te mamaletic ich'bilic ta muc' yu'un Israel, la sjoinic ta we'el te snialmamal Moisés ta stojol te Diose.

Éxodo 3:1

Te Moisés ya scanantaybey xchij te snialmamal Jetro, te sacerdote yu'unic te madianetique. Ay la yic' c'axel te chijetic ta muc'ul jochol taquin q'uinal. C'ot c'alal ta nopol wits yu'un Dios te Horeb sbiile.

1 Samuel 9:11

Te c'alal yacalic ta moel ta stojol bael te lum, la staic ach'ixetic te yacalic ta beel ta sliquel tel ya'alic. La sjojc'obeyic: —¿Tey bal ay te mach'a ay bi ya sna' yalele? —la yutic.