Éxodo 2:11 - Bible in Tzeltal de Oxchuc y Tenejapa

¹¹ C'alal muc'ul winiquix a te Moisés, ay jun buelta loc' yaiy paxeal ta yilel te yermanotaque. Tey la yil a te ay bayal swocolic yu'un te at'ele. Soc tey la yil xan a te ay jtul egipcio yac ta smajel sba soc jtul hebreo.

Bible in Tzeltal Bachajón

¹¹ C'alal muq'uix a te Moisés, ay jun c'ahc'al baht yil te yermanotac. La yil te ayic ta tulan a'tel; soc la yil jtuhl egipcio-winic te yac ta smajel jtuhl hebreo-winic te ha jun sts'umbal soque.

Éxodo 2:11 Iomraidhean Croise

Éxodo 1:11

Jich yu'un te egipcioetic la sleic tulan jwolwanejetic, te ya stenic ta tulan at'el te israeletique. La yac'beyic spas cha'pam lum te Pitón soc Ramsés te sbiilique. Yu'un ay ta yo'tan te faraón, te muc' ajwalil xi' c'oem yu'un Egipto, te ja' sq'uejibal te sbiluque.

Éxodo 3:7

Te Cajwaltic jich la yal xan: —Mero chican ta jsit te bit'il ay swocol te lum cu'un ta Egipto. La caiybeyix stojol sc'opic ta scaj uts'inel yu'un te jwolwanejetic yu'un te tulan at'ele. Jna'ojbey ta lec te swocolique.

Éxodo 5:4

Te ajwalil ta lum Egipto la yal: —Moisés soc Aarón, ¿bistuc ya xtal acombey yat'elic te winiquetique? Baanic me ta bay atareaic —xi'.

Éxodo 5:5

La yal xan te faraón: —Ta ora to ay bayal te israeletic ta spamal lum Egipto. ¿Ja'ex bal tal acombey yat'elic? —xi' sc'oplalic.

Éxodo 5:9

Ac'beyaic xan spas tulan at'el te winiquetique. Ma xawac' stejc'an sbaic. Ma xach'uunbeyic slotil-c'opic —xi'.

Éxodo 6:6

Jich yu'un baan albeya te alumal te Jo'on Ajwalilone. Ya xba jcoltayex loq'uel ta mozoil soc spisil te at'el te tenbilex ta spasel yu'un te egipcioetique. Ya me cac' ta ilel cu'el. Ya me jcoltayex loq'uel a ta swenta te bila muc' ya yich' pasel ta stojolique.

Éxodo 6:7

Ja' mero lum ya xc'oex cu'un, te jo'one ja' me Dioson awu'unic. Jich me ya ana'ic te jo'on Ajwalilon te Dioson awu'unique, te la jcoltayex loq'uel ta tulan at'el te tenbilex ta spasel yu'un te egipcioetique.

Isaías 58:6

Ya calbeyex te ma me ja'uc. Te spasel ayuno te ya smulan co'tane, jich ya sc'an bit'il in to: ja' te ya atuch'bey scadenail te uts'inel, soc te ya acoltay te mach'a chucul ta yugo; ja' te ya awac' ta libre te mach'atic tenbilic ta uts'inele, soc teme ya alajinbey sc'oplal ta spisil te bila ay wocol yu'une;

San Mateo 11:28

La'ic me ta jtojol ta apisilic ja'ex te lubenex yu'un te tulan at'ele soc te ijc'atsile. Jo'on ya cac'beyex acux awo'tanic.

San Lucas 4:18

“Te Espíritu yu'un te Cajwaltique julix ta jtojol, yu'un tsabilon yu'un ta yalel te lec yach'il c'op ta stojol te me'baetique. Ticunbilon tel ta scoltayel te mach'atic ay swocolic ya yaiyic ta yo'tanique, soc te ya calbey yaiyic te bit'il ya xcolic ta libre te mach'atic ayic ta chuquele, soc te ya jambey sitic te ma'sitetique, soc te ya jcoltay ta libre te mach'atic mosoinbilique,