Éxodo 17:3 - Bible in Tzeltal de Oxchuc y Tenejapa

³ Te israeletique ay taquinti'il la yaiyic. Jajch'ic ch'inlajanel ta c'op ta stojol Moisés yu'un, jich la yalbeyic: —¿Bistuc la aloq'uesotic tel ta Egipto? ¿Bistuc te tal amilotic ta taquinti'il soc te cal-jnich'antique soc te jchambalamtique? —xiic.

Bible in Tzeltal Bachajón

³ Te snich'nab Israel ay taquinti'il la ya'iyic tey a, hich hahch stijic ta c'op te Moisés, hich la yalbeyic: ¿Bin yu'un la aloq'uesotcotic tal ta Egipto yu'un yac amilotcotic ta taquinti'il soc cal-jnich'ancotic soc te jchambahlamcotic? la yutic.

Éxodo 17:3 Iomraidhean Croise

Nehemías 9:15

Soc la awac'bey swe'el coem tel ta ch'ulchan, swenta yu'un la snojes xch'ujt'ic a, soc la awac'bey yajts'es yo'tanic ta ya'lel mero muc'ul ton. La awalbey te ya x'ochic ta yu'uninel te lumq'uinal awalojbey te ya awac'beye.

Nehemías 9:20

Soc xan, la awac'bey te buen lequil espíritu awu'un swenta yu'un ya xp'ijubtesotic yu'un. Ma'yuc bi ora com ta we'el yu'unic te maná, spisil ora la aticunbey, spisil ora la swe'ic. Soc la awac'bey ja' yuch'ic, swenta yu'un jich lamaj staquinti'ilic a.

Salmos 107:5

Ay swi'nalic soc ay staquinti'ilic, jteb xanix ma lajic yu'un wi'nal.

Éxodo 12:38

Ay nix bayal ta jchajp yantic ants-winiquetic bajt'ic soc. Mero bayal te chijetic soc te wacaxetic.

Éxodo 14:11

Soc jich la yalbeyic te Moisés: —¿Yu'un bal ma wejt'ix muquenaletic ta Egipto te la aloq'uesotic tel tey a, te tal awac' lajucotic ta muc'ul jochol taquin q'uinale? ¿Bistuc jich la apasbotic? ¿Bistuc la aloq'uesotic tel ta Egipto?

Éxodo 15:24

Te lum jajch'ic ta sbolc'optayel te Moisés, jich la yalbeyic: —¿Bi ya cuch'tic? —xiic.

Números 14:22

Jich yu'un te jo'on ya cal te ma jtuluc te mach'atic yilojbonic yutsilal jxojobil, soc te jchajp señailetic la jpas ta Egipto soc ta jochol taquin q'uinal, te ja' nax la spason ta prueba yilic bayal buelta ta jochol taquin q'uinal, te yu'un ma sc'an xch'uunbonic te jmandale,

Números 20:4

¿Bistuc la awiq'uic tel te lum yu'un Cajwaltic ta jochol taquin q'uinal? ¿Yu'un bal ya ac'an te ya xlajotic, soc te chambalametic cu'untique?