Éxodo 15:2 - Bible in Tzeltal de Oxchuc y Tenejapa

² Ja' yu'un ya jc'ajintay te Cajwale, ja' quip soc ja' Jcoltaywanej. Ja' Dios cu'un, cajal yutsil sc'oplal, ja' Dios yu'un te jtate, muc' sc'oplal stuquel.

Bible in Tzeltal Bachajón

² Te Jehová ha quip soc ha c'ayoj cu'un, ha jcolel c'ohemix. Ha te Dios cu'un, ya calbe bayel yutsil sc'oblal; ha te Dios yu'un te jtat, ya calbe muc' sc'oblal.

Éxodo 15:2 Iomraidhean Croise

Génesis 17:7

Soc jc'axel ya jpas trato ta atojol ja'at soc jayeb ats'umbal ta patil. Swenta sbajt'el q'uinal te trato cu'un: te jo'on Dioson awu'un, soc Dioson yu'un jayeb ats'umbal ta patil.

Génesis 49:18

“¡Cajwal, yacon ta smaliyel te bit'il ya quich' coltayel awu'une!

2 Samuel 22:3

Diosat cu'un, ja'at nac'jibal tonat, ja' majq'uilat Cajwal, ya acoltayon ta awu'el. Mero toyol nac'jibalat cu'un, mero toyol anjibalat, Jcoltaywanejat cu'un atuquel. La acoltayon, ma ba c'ot ta jwenta te tulan uts'inele.

2 Samuel 22:47

“¡Viva Cajwaltic, jelawenuc yutsil sc'oplal te jcanantaywanej cu'une! Ac'a toyuc xan yutsil sc'oplal te Dios te ya scoltayon soc te ya scanantayone.

2 Samuel 22:51

Ya awac'bey yaiy tsalaw te ajwalil tsabil awu'une; spisil ora c'ux ta awo'tan te David soc te sts'umbale”, xi' ta c'ayoj te David.

2 Samuel 7:24

Melel jc'axel awalojix te ja' lum awu'un sbajt'el q'uinal te jlumal Israel, soc te ja'at Cajwal te Diosat cu'untique.

2 Samuel 7:5

—Baan c'opona te cabat David, albeya te jo'on Ajwalilon te jich caloj: “Ma ja'ucat te ya apasbon templo te banti ya xnainone.

1 Reyes 8:13

Te jo'one la jpasix templo yu'un ya anain, te banti ya xnainat swenta sbajt'el q'uinal —xi'.

1 Reyes 8:27

“¿Melel bal te ya xnainat ta sba balumilal te Diosate? Melel te ch'ulchan te mero muq'ue, ma ba ya x'ochat a. ¿Ja'uc to balix a jiche te templo la jpasbate?

1 Crónicas 16:14

“Ja' me te Cajwaltic, te Dios cu'untique; Ja' ya xmandalaj ta bayuc ta spamal te q'uinale.

Salmos 109:1

Dios cu'un, te ya calbat bayal awutsil, ma me xquejch'ajat ta c'op.

Salmos 118:14

Ya jc'ajintay te Cajwal, melel ya yac'bon quip; ja' jcoltaywanej cu'un stuquel.

Salmos 118:21

Cajwal, ya calbat wocol, melel la ajac'bon te jc'ope; ja'at Jcoltaywanejat cu'un.

Salmos 118:28

Ya calbat wocol soc ya calbey yutsil sc'oplal te amuc'ule; melel ja'at Diosat cu'un.

Salmos 132:5

ja' to teme la jtabat ta leel ana te Cajwalat, te Yipat yo'tan Jacob”, te xie.

Salmos 140:7

Cajwal, Cajwal, jcoltaywanejat cu'un te bayal awu'el, ja'at me ya acanantaybon jol te c'alal yacon ta guerra”, xoon.

Salmos 145:1

Dios cu'un, ya jtoyesbat sc'oplal te amuc'ule; Muc' Ajwalil cu'un, spisil ora ya calbey yutsil te ach'ul-biile.

Salmos 18:46

¡Viva Cajwaltic, jelawenuc yutsil sc'oplal te jcanantaywanej cu'une! Ac'a toyuc xan yutsil sc'oplal te Dios,

Salmos 22:10

Te c'alal ma to x'ayinon a, canantaybilonix awu'un a; te c'alal ma to x'ayinon yu'un a te jme'e, Diosatix cu'un a.

Salmos 22:3

Te ja'ate, Ch'ul Diosat atuquel; ja'at ya xmandalajat, ya yalbat yutsil ac'oplal te Israel.

Salmos 27:1

Sacuben q'uinal ta jtojol yu'un te Cajwale, soc ja' Jcoltaywanej cu'un stuquel. ¿Mach'a a te ya jxi'e? ja' ya xc'opoj te Cajwal yu'un te jcuxlejale; ¿mach'a a jiche te ya jxi'e?

Salmos 28:8

Te Cajwal ja' me yipic te lum yu'une; ja' ya scoltay, soc ja' ya xc'opoj yu'un te muc' ajwalil stsaoje.

Salmos 30:1

Cajwal, ya calbat yutsil ac'oplal, melel ja'at la awac'on ta libre; ma xawac' te ya slabanon te jcontrotaque.

Salmos 34:3

Jun nax me ya cac' jbatic ta stoyesel sc'oplal Cajwaltic te stalel ay ta ich'el ta muq'ue.

Salmos 48:14

te jich ay te Dios cu'untique; ja' jtojteswanej cu'untic sbajt'el q'uinal stuquel.

Salmos 59:17

Dios cu'un, ya me jc'ajintay c'ayojetic, melel ja'at te anjibalat, te jcanantaywanejat cu'une; ja'at te Diosat cu'un te c'uxon ta awo'tane.

Salmos 68:20

Te Dios cu'untic ja' nax stuquel te ya xcoltaywan, ya xju' ya scoltayotic ta lajel.

Salmos 99:5

Albeyaic yutsil sc'oplal Cajwaltic te Dios cu'untic, quejana abaic ta stojol. ¡Ja' Ch'ul Dios stuquel!

Salmos 99:9

Albeyaic yutsil sc'oplal te Cajwaltic, ja' te Dios cu'untic; quejana abaic ta stojol ta bay te ch'ul wits yu'une. ¡Te Cajwaltic Dios cu'untic, ja' ch'ul Ajwalil stuquel!

Éxodo 14:13

Te Moisés la sjac': —Ma me xiwex, junuc me awo'tanic. Ya me awilic yo'tic te bit'il ya scoltayotic te Cajwaltique. Ma me ayuc bi ora ya awilic xan te egipcioetic te ya awilic yo'tique.

Éxodo 3:6

Soc la yal xan te Diose: —Jo'on Dioson yu'un te antiguo ame'-atate, Dioson yu'un Abraham, Isaac soc Jacob —xi'. Te Moisés la smac yelaw, yu'un la xi' sc'abuyel te Diose.

Éxodo 4:22

Albeya te faraón: “Jich la yal tel te Cajwale: ‘Te Israel te sba jnich'ane,

Éxodo 40:34

tal ta muquel ta tocal te Nailpac' te bay ya yich' c'oponel te Diose. Te yutsil xojobil te Cajwaltic noj yu'un te ch'ul awilale.

Éxodo 6:7

Ja' mero lum ya xc'oex cu'un, te jo'one ja' me Dioson awu'unic. Jich me ya ana'ic te jo'on Ajwalilon te Dioson awu'unique, te la jcoltayex loq'uel ta tulan at'el te tenbilex ta spasel yu'un te egipcioetique.

Isaías 12:2

Ja' Dios te ya scoltayone, ja' smuc'ulinej co'tan, ma xiwon. Te Cajwale, ja' anjibal cu'un soc ja' me quip, ja' jcoltaywanej cu'un —xaex me.

Isaías 25:1

Cajwal, ja'at Diosat cu'un; ya jtoyesbat ac'oplal soc ya calbey yutsilal te abiile. Melel la apasix te bitic chapal awu'un te jchajbic nax ae, stalel ayic, ma xyanaj te bitic chajbanbil awu'un ta namey q'uinal tele.

Isaías 45:17

Ja'uc me to, te Israel coltayotix yu'un te Cajwaltique, sbajt'el q'uinal te coltayel la yac'beye; mero ma xjilic ta q'uexlal stuquelic, ni ma me peq'ueluc ya xjilic yu'un.

Isaías 49:6

Jich ya yalbon: —Ma tic'uc a te ja' nax cabat yu'un te ya anajc'an xan te jayeb ta jchajp sts'umbal Jacob, soc te ya apas te ya sujt' xan tel te mach'atic cuxulic xan ta Israel. Jo'on ya jpas te ya sacub q'uinal awu'un ta stojol te nacionetique, ja' te ya awich'bon bael te colel cu'un ja' to ta bay c'ubul q'uinal bael yu'un te balumilale —xi'.

Isaías 66:1

Te Cajwaltic ya yal: —Ja' jnactijib te ch'ulchane, te balumilal, ja' scajtijib cacan. ¿Banti ya xju' ya apasbon jna? ¿Banti ya xju' ya apasbon jun awilal yu'un ya jcux co'tan a?

Jeremías 3:23

Ma'yuc bila la jtatic a te ya xbootic ta ch'in witstiquil, o te ya x'awunotic ta sba witstiquil; ja' nax ta swenta Cajwaltic te Dios cu'untic te ya jtatic jcoleltic, jo'otic te israelotique.

Jeremías 31:33

Ja' in to ja' te trato ya jpas soc Israel c'alal ya sta sc'aalelal: Ya jts'ibubey ta yo'tanic te jmandale, soc ya me cac'bey ta sjolic. Jo'on me Dioson yu'unic, soc ja'ic me lum cu'un. Jo'on Ajwalilon, jich ya cal.

Jeremías 32:38

Ja'ic me lum cu'un ya xc'ot, soc jo'on me Dioson yu'unic.

Habacuc 3:13

Te ja'ate loc'atix ta scoltayel te lum awu'un, soc te muc' ajwalil te ja'at nix atsaoj atuquel. La ajinbeyix smujq'uil sna te mach'a amen yo'tane; la achicnantesbeyix te tonetic te ipajem ae.

San Lucas 1:77

Ya me awac'bey sna'ic stojol te lum yu'une te bit'il ya spasbotic perdón yu'un te smulique, te jich me ya sta scolelic sbajt'el q'uinal.

San Lucas 2:30

La quilix ta jsit te bit'il ay te jcolel awu'une,

San Juan 4:22

Te ja'exe ma x'ana'ic te mach'a ya alajin abaic ta stojole. Yan te jo'otique ya jna'tic te mach'a ya jlajin jbatic ta stojole, melel ta swenta nax judioetic te ya xchicnaj colele.

San Juan 5:23

swenta yu'un ya me yich'ic ta muc' te Nich'anile, jich nix te bit'il ay ta ich'el ta muc' te Tatile. Te mach'a ma xyich' ta muc' te Nich'anile, ja' ma xyich' ta muc' uuc te Tatil te ticunwan tele.

Hechos 4:12

Ma'yuc yan te mach'a ay colel ta swenta, melel ma'yuc yan ta spamal balumilal te yac'ojbotic sbiil te Diose te ya xju' ya xcolotic ta swentae —xi' te Pedroe.

2 Corintios 5:19

Ja' bi, ja' te Dios ya yac' te ya xjunaj yo'tan sbaic soc te mach'atic ayic ta balumilal ta swenta Cristo. Ma ba ya sna'bey smulic te ants-winiquetique. Soc ja' yac'ojbotiquix cat'eltic ta xcholel te bit'il ya xjunaj yo'tan sbaic soque.

Efesios 2:22

Jich ta swenta nax Cristo te pajal yacalex ta ts'ajc'uyel soc te yantique, swenta yu'un ya xnain tey a te Dios ta swenta te Espíritu yu'une.

Deuteronomio 10:21

Ja' nax stuquel ya xju' ya awalbeyic yutsilal sc'oplal. Ja' Dios awu'unic te ja'exe, te spasojbeyex ta atojolic te jchajp señailetic te awilojiquixe.

Filipenses 2:11

Spisilic ya me yalic ta jamal te ja' Ajwalil stuquel te Jesucristoe. Jich me jelawen yutsil sc'oplal ya xc'ot te Jtatic Dios yu'une.

Filipenses 4:13

Spisil ya xju' cu'un ta swenta Cristo te ya yac'bon yip co'tane.

Colosenses 2:9

Melel te Cristoe ts'acal yich'ojbey stalel te Diose.

Apocalipsis 15:3

Soc yacalic ta sc'ajintayel sc'ayoj Moisés te abat yu'un te Diose soc sc'ayoj te Alalchij te jich yacalic ta yalele: “Cajwaltic Dios te spisil ya xju' awu'un, c'ax muc' spisil te awat'ele soc jelawen yutsil spisil te bila ya apase. Ja'at Muc' Ajwalilat yu'un spisil ta jchajp te nacionetique. Toj awo'tan atuquel soc smelelil stuquel te be awu'une.

Apocalipsis 19:1

Patil la caiy stojol te ay tsobol ants-winiquetic te tulan yacalic ta c'op ta bay te ch'ulchane, te jich la yalique: “¡Ay yutsilal! Stuquel nax ay colel ta swenta te Dios cu'untique. Ay bayal yu'el soc jelawen yutsilal.

Jueces 5:21

te yocja', ja' te yocja' namey q'uinal, ja' te ja' Cisón, la smes bael spisilic. Te ja'at ya apech'bey ta teq'uel snuc' te mach'atic ay yipique.