Éxodo 13:5 - Bible in Tzeltal de Oxchuc y Tenejapa

⁵ Jich yu'un ja' ni me te u te ya apasic q'uin yu'un sna'jibal te la yiq'uex bael Cajwaltic ta q'uinal te bay ya ataic te ya x'oquin leche soc chab c'oeme, te bay sq'uinal te cananeoetic, hititaetic, amorreoetic, heveoetic soc te jebuseoetique. Ja' te albil yu'un Cajwaltic te antiguo jme'il-tatiletic te ja' ya xc'otix ta awentaic te ja'exe.

Bible in Tzeltal Bachajón

⁵ Te c'alal Jehová ya yiq'uex ochel ta sq'uinal te cananeo, heteo, amorreo, heveo soc te jebuseohetic, ha te q'uinal te jc'axel yalbeyej ta jamal te antiguo ame'atatic te ya ya'beyex, ha te q'uinal te banti ya x'oquin leche soc chab, ya me apasic te q'uin ta u ini.

Éxodo 13:5 Iomraidhean Croise

Génesis 26:3

Tey me xnainat a te bay q'uinal ayate, ya me joinat, soc ya me cac'bat bendición. Yu'un ya me cac'bat aq'uinalin spisil soc ats'umbal te q'uinale, soc ya me cac' c'otuc ta pasel te bila la calbey te atat Abrahame.

Génesis 50:24

Ta patil te José la yalbey yaiy te yermanotaque: —Ya me xlajonix. Ja'uc me to, te Diose puersa me ya scoltayex xan ta patil. Ya me yiq'uex loq'uel li'to ta Egipto, ya me yiq'uex bael ta ba ay te q'uinal yaloj te ya yac'beyex aq'uinalinic ja'ex te sts'umbalex te Abraham, te Isaac, soc te Jacob —xi'.

1 Crónicas 1:15

te heveoetic, te araceoetic, te sineoetic,

Éxodo 12:24

Ya me awich'ic ta muc' te mandalil soc ta cajalcaj bael te alnich'anetique, melel mandalil me sbajt'el q'uinal.

Éxodo 13:10

Jich yu'un ya me sc'an ya yich' pasulayel swenta jujun ja'wil te bit'il nix te mero sc'aalelale.

Éxodo 13:11

“C'alal ya xc'oex tey a ta bay sq'uinal cananeoetic te ya yac'beyex ta ac'abic te Cajwaltique, te bit'il yalojbeyex sc'oplal soc te antiguo ame'-atatique,

Éxodo 3:17

Soc la yalbon te ya scoltayex loq'uel ta woclajel yu'unic. Ya me yiq'uex bael ta slumal cananeoetic, heveoetic soc te jebuseoetic, ta bay lumq'uinal te banti ya ataic te ya x'oquin leche soc chab c'oeme, xi' te Cajwaltique”, uta me.

Éxodo 3:8

Jich yu'un coon tel ta scoltayel ta sc'ab te egipcioetique. Ya me jloq'ues bael, ya quic' bael ta bay jamal q'uinal ta leque, te banti ya staic te ya x'oquin leche soc chab c'oeme. Ja' te slumalinejic te cananeoetic, hititaetic, amorreoetic, ferezeoetic, heveoetic soc te jebuseoetique.

Éxodo 32:13

Na'a me te abatetic awu'un, ja' te Abraham, Isaac soc Israel. Te melel ja'at nix jamal la awalbey ta stojolic: “Ya cac' esmajuc ta lec te ats'umbale, jich me ya xc'ot te bit'il eq'uetic ta ch'ulchan”, te xaate. Soc la awal xan: “Spisil te q'uinal calojbeyex, ya me cac'beyex, awu'unic me sbajt'el q'uinal”, melel xaat —xi' te Moisés.

Éxodo 33:1

Te Cajwaltic, jich la yalbey te Moisese: —Baan, loc'an bael soc te lum te la aloq'ues tel ta Egipto. Tey xbaex ta bay q'uinal calojbey te Abraham, Isaac soc Jacob, te ja' te ya cac'bey yu'uninic soc ja'ex te sts'umbalexe.

Éxodo 34:11

“Ch'uunaic te jmandal la calbeyex te naxe. Ya me jticunbeyex loq'uel ta atojolic te amorreoetic, cananeoetic, hititaetic, ferezeoetic, heveoetic soc te jebuseoetique.

Éxodo 6:4

La jpas trato soc, ja' te ya cac'bey sq'uinalinic te sq'uinal Canaán. Ja' nix te q'uinal te banti c'axic tel ta neelale.

Éxodo 6:8

Tey ya quiq'uex bael a ta q'uinal te la calbey Abraham, Isaac soc Jacob te ya cac'beye. Jich yu'un ja' me ya xc'ot ta awentaic cu'un. Jo'on te Ajwalilone —xi' te Diose.

Jeremías 11:5

Teme ya awich'onic ta muq'ue, ya jc'otes ta pasel te bi la calbey ta jamal te antiguo ame'-atatique, ya cac'beyex aq'uinalinic jsejp q'uinal, ja' me te awich'ojic ta ora to te ja'exe, te bay ya x'oquin te leche soc chab c'oem”, xoon ta stojolic —la yuton. La jac'bey te sc'ope: —Melel, Cajwal —la cut.

Jeremías 32:22

La awac'bey israeletic in lumq'uinal to, te bay ya x'oquin leche soc chab c'oeme, jich nix bit'il awalojbey sc'oplal te antiguo sme'-statique.

Ezequiel 20:6

Ja' nix ta yorail a, la cal jba ta jamal te ya quic' loq'uel tel ta sq'uinal Egipto, te ya quic' bael ta lumq'uinal te jo'on jleoje, tey ta q'uinal te banti ya x'oquin leche soc chab c'oeme. Ja' te buen t'ujbil lumq'uinal, te ma'yuc yan pajal soque.

Levítico 20:24

Jo'on ya calbeyex ta jamal, te ja'ex awu'unic ya xc'ot te slum-sq'uinalique. Jo'on nix me ya cac'beyex awu'uninic te lumq'uinal te banti ya x'oquin leche soc chab c'oeme. “Jo'on Ajwalilon Dioson awu'unic, yan me awilelic cu'un te bit'il yantic lumetique.

Números 11:12

¿Yu'un bal jo'on staton, o sme'on bal te ya ac'anbon te ya jpet bael c'oem, jich bit'il alaletic te ayic ta chu'e? ¿Yu'un bal jich ya sc'an te ya jpet bael c'alal ta lumq'uinal te awalojbey sc'oplal te antiguo jme'-jtat soque?

Números 13:27

La yalbeyic te Moisés: —Xc'otucotic ta yilel te q'uinal te la aticunotic bael yu'une. Melel nix a, ja' te lumq'uinal ta bay ya x'oquin leche soc chab c'oem, soc ja' me sit awalts'unubil in to te ya yac' tey ae.

Números 14:16

“Te Yajwalique, ma ju' yu'un te ya yac' ochel bael ta q'uinal te yalojbey ta jamal te ya yac'beye. Ja' swentail te la smil jilel ta jochol taquin q'uinal”, xiic me.

Números 14:30

Ja' nax cuxul ya xjil stuquel te Caleb soc te Josué, ni jtuluc te ja'ex ya x'ochex ta q'uinal te c'an ba aq'uinalinic te jichuque.

Números 32:11

“Te mach'atic loq'uic tel ta Egipto te ayic ta jtab ya'wilalic baele, ma me x'ac'bot yilic te q'uinal te mero muc' sc'oplal calojbey te Abraham, Isaac soc Jacob, melel ma junuc yo'tanic la xch'uunbonic jc'op.

Deuteronomio 12:29

“Te c'alal ya slajinix a te nacionetic te Cajwaltic te Dios cu'untique, te ja'exe ya me awich'beyic te sq'uinalic, nainanic tey a. Pero tsajtaya me abaic, ma me xat'unbeyic te stalelic te nacionetique. Soc ma me xba awilbeyic te diosetic yu'unique, te ja' ya xba awilic yu'un te ya ach'uunique.

Deuteronomio 19:1

“Te c'alal la slajinix a te nacionetic te Cajwaltic te Dios cu'untique, te c'alal la yac'beyexix awu'uninic te lumq'uinal te yu'unic ta ora in to, te c'alal awu'uniquix a te lumetic soc te snaique,

Deuteronomio 26:1

“Te c'alal ochematix tey ta lumq'uinal te ya yac'bat awu'unin te Cajwaltic te Dios cu'untique, teme nainematix tey a,

Deuteronomio 7:1

“Te Cajwaltic te Dios awu'unique ya me yiq'uex ochel ta lumq'uinal te ya yac'beyex awu'uninique. Ya xch'ojbeyex loq'uel ta asitic jucpam nacionetic te mero muq'uic soc te bayal yipique, te c'axem jich yipic a te bit'il ja'exe. Ja'ic te hititaetic, gergeseoetic, amorreoetic, cananeoetic, ferezeoetic, heveoetic soc te jebuseoetique.

Josué 24:11

Patil c'axex bael ta muc'ja' Jordán, c'oex c'alal ta Jericó. Te mach'atic nainemic ta Jericó soc te amorreoetic, ferezeoetic, cananeoetic, hititaetic, gergeseoetic, heveoetic, soc te jebuseoetique la yac'beyex guerra; ja'uc me to, la cac'beyex ta ac'abic.