Éxodo 13:12 - Bible in Tzeltal de Oxchuc y Tenejapa

¹² ya me awac'beyic Cajwaltic te sbabial aquerem-nich'anique. Jich nix me te c'alal ya x'ayin yalatac te achambalamic, ja' me yu'un te Cajwaltique.

Bible in Tzeltal Bachajón

¹² ya me awa'be te Jehová spisil te ba-alal queremetic; soc ha nix hich spisil te sba-quelmal te achanabahlamic, ha me yu'un Jehová.

Éxodo 13:12 Iomraidhean Croise

Nehemías 10:36

Soc la jna'tic xan te ya quic'tic bael ta templo yu'un Dios te ba alaletic cu'untic, sba yal wacaxetic, sba yal chijetic cu'untic, jich te bit'il ts'ibubil ta mandaliletique. Ja' ya quic'beytic bael ta stojolic te sacerdoteetic ayic ta abatinel ta templo.

Nehemías 10:37

Soc ja' nix jich la jna'tic te ya quich'tic bael ta stsobjibal biluquetic ta templo yu'un Dios cu'untic te sbabial harina, vino, aceite, soc te sba sit spisil te te'etique, swenta jpatantic te ja' yu'un te sacerdoteetique. Soc la jna'tic xan te ya quich'beytic bael levitaetic te jun ta slajunebal te bitic ya xloc' cu'untique, melel ja'ic nix a te ya stsobic te jun ta slajunebal ta spisil te bitic ya xloc' ta jq'uinaltique.

Éxodo 13:1

Te Cajwaltic, jich la yalbey te Moisés:

Éxodo 13:2

—Ac'bonic spisil te sba anich'anic, melel spisil sba snich'nab te israeletic, ja' me cu'un. Ja' ni me jich spisil te sba yalatac te xchamsbalamique —xi' te Diose.

Éxodo 22:28

“Xujt' ma me xabolc'optay te Diose, soc ma me xaboltesbey sc'oplal te mach'a ya xmandalaj ta alumale.

Éxodo 22:29

“Ma me wocoluc ya awich'bonic tel jmajt'anin sba sit te awawal soc te sba ya'lel te ats'usube. “Ya me awac'bonic te sba anich'anique.

Éxodo 34:19

“Spisil te sba querem anich'anic, ja' me cu'un. Ja' nix jich te sba yalatac te awacaxic, achijic soc te atentsunic, ja' me te puro state.

Éxodo 34:20

Te sba yal me' burra ya me awac'bey sjelolin jcojt' chij, o teme jcojt' tentsun. Teme ma jichuc ya awaq'uique, ya me amilic ta c'asbeyel snuc' te ch'in burroe. Yan te sba anich'anic, lebeyaic me sjelol te ja' ya awac'bonic jmajt'anine. Ma me ayuc mach'a ya xtal yilon teme ma'yuc bila ya yich'bonic tel jmajt'anin.

Ezequiel 16:20

“La awic' bael te queremetic soc te ach'ixetic cu'untique, te ja'ic cal-jnich'nabtic ayinic te c'alal la quic'ate, yu'un ja' la awac'bey ta milbil smajt'an swenta swe'elic te loc'ombaetic awu'une. Ma tic'uc la awaiy a te ochat ta spasel te mulile,

Ezequiel 44:30

Te sacerdoteetique ja' me ya xc'ot ta swentaic te mero yutsil te sba sit te awalts'unubiletique, soc ta spisil te jmajt'ane. Te c'alal ya achajbanic ta wots'el te harina yu'un waje, ya me awac'beyic uuc, pero ja' me ya awac'beyic te mero slequile. Jich me xapasic, swenta yu'un jich me ya xc'ot bendición cu'un ta yutil anaic.

Levítico 27:26

“Pero te sba yal te chambalametique, ja' nix cu'un a, ma me ayuc mach'a ya xju' ya yac'bon stuquel. Manchuc me ch'in wacax, o ch'in chij, ja' cu'un.

Números 18:15

“Spisil te sba yal israel-antsetic, soc te sba yal te xchamsbalamic ya yac'bonic, ja' me awu'un. Ja'uc me to, te sba yal israel-antsetic, soc te sba yal chambalametic te ma lecuc sc'oplal, ya me ac'anbey te ya yac'bon taq'uin ta swenta.

Números 3:12

—Te levitaetic la jtsa loq'uel ta yolilic te israeletic, ja' sjelol c'oemic te sba snich'anic te juju-jchajp nae. Cu'un me ta spisilic,

Números 3:13

melel jo'on cu'un te ba-nich'aniletique. C'alal la cac' lajuc spisilic te sba snich'anic te egipcioetic, la jc'uxtay jilel, yu'un ya cu'unin te sba snich'anic te israeletic, soc te sba yalatac te xchamsbalamique. Jich yu'un jo'on me cu'un te Ajwalilone —xi'.

Números 8:17

melel ja' me cu'un spisil sba snich'anic te israeletique. Jich nix te sba yalatac te xchamsbalamique. C'alal la cac' lajuc te sba snich'anic egipcioetic, ja' la jtsa te sba snich'anic israeletique.

San Lucas 2:23

Jich c'o spasic te bit'il ts'ibubil jilel ta mandalil yu'un te Cajwaltique: “Spisil sba alalquerem te ya x'ayine, ja' me yu'un te Cajwaltique”, te xie.

Deuteronomio 15:19

“Spisil te stat te sba yal awacax, soc te sba yal te achije ya xtojq'ue, ya me awac'bey yu'unin te Cajwaltic te Dios cu'untique. “Ma me xawac' at'ejuc te sba yal te wacaxetic awu'une, soc ma me xaloq'uesbeyic stsotsil te ch'in sba yal te chijetic awu'unique.