Éxodo 12:3 - Bible in Tzeltal de Oxchuc y Tenejapa

³ Albeya ta stsojbol alumal israeletic: “Ta slajunebal c'aal yu'un te u, juju-jtul ta apisilic ya me atsaquic juju-jcojt' chij o tentsun ta chajbalchajp na.

Bible in Tzeltal Bachajón

³ C'opona spisil te pueblo Israel, hich me xawalbe: Ta slajunebal c'ahc'al yu'un te u ini, jujutuhl ya stsac jcoht jcolel tuminchij, ha chican jaytuhl te mach'atic ay yu'un ta sna, jujucoht ta jujun na.

Éxodo 12:3 Iomraidhean Croise

Génesis 22:8

La sjac' te Abraham: —Jnich'an, Dios ya slebotic te chij ya xtuun cu'untic ta spasel te smajt'ane —la yut. Pajal yacalic ta beel bael xchebalic.

Génesis 4:4

Yan te Abel ja' la yac' te sba yalatac xchij te buen jujp'ene. Te Dios lec yo'tan yu'un te Abel soc te majt'anil la yaq'ue.

2 Crónicas 35:7

Te Josías la yac'bey spisil te yajwal lum te tey ayic a te xchamsbalam ta swenta te Q'uin Pascua, chijetic soc tentsunetic, ay lajuneb xcha'winic ta jmil (30,000) ta spisil, soc oxmil (3,000) toroetic.

Éxodo 12:2

—Ja' in u to muc' me sc'oplal ya xc'ot awu'unic te ja' sbabial u yu'un te ja'wile.

Éxodo 12:21

Te Moisés la sticun ta iq'uel spisil te mamaletic ich'bilic ta muc' yu'un Israel. Jich la yalbey: —Tsacaic jcojt' chij o tentsun, juju-jcojt' ta swenta juju-jchajp na. Milaic, ya xtuun yu'un te ya yich' pasel a te Pascua.

Éxodo 12:4

Teme ma'yuc lec yajwal te jchajp na, te ma xlaj ta ti'el yu'un te chambalame, ya me yic' tel te mach'a nopol ay sna soque, ja' me ya sjoin sba ta sti'el soc. Ya me spucbey sbaic chican jayeb ta jtul ay, soc te jich yipal ya xju' yu'unic sti'ele.

Éxodo 12:6

Ya to me scanantayic ja' to me ta xchanlajunebal sc'aalelal te ue. Jich ora ta spisilic juju-jtul israel ya me smilic te chambalam ta mal c'aalil.

Éxodo 14:15

Te Cajwaltic, jich la yalbey te Moisés: —¿Bi yu'un te ya ac'anbon te coltayele? Pasa ta mandal te israeletique, ac'a beenuquic bael.

Éxodo 20:19

Jich la yalbeyic te Moisés: —Ja'at xac'oponotic atuquel, ya me jch'uuntic. Ma xju' cu'untic te ya sc'oponotic te Diose, repente ya xlajotic yu'un te sc'ope —xiic.

Éxodo 4:30

Te Aarón la xcholbey spisil ta stojolic te bitic albil yu'un Dios te Moisés. Soc la spasbey ta sitic te lum te señailetic yu'el Dios te albilic mandal te ya spasique.

Éxodo 6:6

Jich yu'un baan albeya te alumal te Jo'on Ajwalilone. Ya xba jcoltayex loq'uel ta mozoil soc spisil te at'el te tenbilex ta spasel yu'un te egipcioetique. Ya me cac' ta ilel cu'el. Ya me jcoltayex loq'uel a ta swenta te bila muc' ya yich' pasel ta stojolique.

Ezequiel 40:1

Ta slajunebal c'aal a te u, ja' sc'aalelal a te ach' ja'wile, te Cajwaltic la yac' tel sc'ab ta jtojol. Ta swenta nax yu'el la yic'on bael ta slum-sq'uinal Israel la caiy. Ya xloq'uix jo'eb xcha'winic (25) ja'wil a te ic'ototic bael ta Babilonia, chanlajuneb ja'wil a te c'alal la yich' jinel Jerusalén. Ta slum-sq'uinal Israel te Cajwaltic la yac'on ta sba muc'ul toyol wits la caiy. Te c'alal tey ayon a, la quil bael ta stojol sur, tey ayic bayal nanatic a, pajal soc jpam muc'ul lum yilel.

Levítico 1:2

—C'opojan soc te israeletic, albeya: “Te c'alal ay mach'a ya yich'bon tel jmajt'anin chambalam, ya me sc'an te ja' ya stsac tel jcojt'uc xwacax, o xchij, o ja' te stentsune.

Levítico 5:6

soc ya me yac'bon ta jtojol jo'on te Ajwalilon jcojt' sme' chambalam, swenta milbil jmajt'an yu'un te mulil la stae; teme me' chij, o teme me' tentsune, pero ta swenta nax te milbil majt'anile, te sacerdote ya me stabey perdón yu'un smul te mach'a la sta smule.

Números 15:11

Ja' me jich ya yich' pasel ta swenta juju-jcojt' toro, juju-jcojt' tat chij, juju-jcojt' chij, o teme juju-jcojt' tentsun te ya yich' aq'uele.

San Juan 1:29

Ta yan c'aal te Juan la yil te yac ta noptsajel tel Jesús tey a te banti aye. Jich caj yal yu'un: —Ilawilic in to. Ja' te mero Alalchij yu'un Dios, te ya xch'aybey smul spisil te mach'atic ayic ta balumilale.

San Juan 1:36

La yil yac ta c'axel bael te Jesuse. Jich la yal te Juane: —¡Ilawilic in to. Ja' te mero Alalchij yu'un te Diose! —xi'.

San Juan 12:1

Waqueb xan c'aal sc'an sta a te q'uin Pascuae, te Jesús bajt' ta lum Betania ta banti ay te Lázaro te la yich' cha'cuxesel tel ta bay animaetique.

San Juan 12:12

Ta yan c'aal ay bayal ants-winiquetic talemic ta yilel q'uin Pascua ta bay Jerusalén. La yaiyiquix stojol te ya xtal ta Jerusalén te Jesuse.

1 Corintios 5:7

Loq'uesaic me te pocol levadurae, swenta yu'un jich me yach'il wots'bil harina ya xc'oex, te ma ba yich'oj levadurae. Melel te Pascua cu'untique, ja'ix te Cristo te la yich' milel ta jwentatique.

Josué 7:14

Te pajel apisilic me ya atejc'an abaic ta jtojol ta chajbalchajp ats'umbalic. Te jchajp ya cac' ta ilele, ya me stejc'an sbaic ta jtojol te xchajbal te sts'umbale. Te jchajp xan te ya cac' ta ilele, ya me stejc'an sbaic ta jtojol ta chajbalchajp na. Te jchajp na ya cac' ta ilele, ya me xtal stejc'an sba ta jtojol te winic soc te snich'nabe.

Apocalipsis 13:8

Spisil te mach'atic nainemic ta balumilale la slajin sbaic ta stojol te muc'ul chambalame, ja' te mach'atic ma nacaluc sbiilic ta lista swenta cuxinel te yich'oj te Alalchij te laje, te la yich' ts'ibuyel c'alal to te bi ora pastaj te ch'ulchan balumilale.

1 Samuel 7:9

Te Samuel la stsac jcojt' alal chij, scojt'ol la yac'bey ta chic'bil smajt'an Cajwaltic, soc jajch' sc'oponbey Dios ta stojol te israeletique. Aiybot yu'un Cajwaltic te sc'ope.