Éxodo 11:8 - Bible in Tzeltal de Oxchuc y Tenejapa

⁸ Te ajo'tac ta ajwalile ya laj me xtal squejan sbaic ta jtojol ta sc'anel te ya quic' loq'uel ta ora spisil te jlumale. Ja' to me ya xboon abi —xi' te Moisese. Bayal ilinem loq'uel Moisés ta stojol faraón.

Bible in Tzeltal Bachajón

⁸ Spisil te a'batetic awu'un ya me xtal squejan sbahic ta jtojol, hich me ya yalbonic: Bahan me, ha'at soc spisil te pueblo te ay ta acuenta, ya me yutonic. Patil ya xloc'on bahel, xchi. Hich bayel ilinem a loc' bahel ta stojol faraón te Moisés.

Éxodo 11:8 Iomraidhean Croise

1 Reyes 20:10

Te Ben-adad la sticunbey ta alel te Acab: —Ac'a yac'bon tulan castigo te diosetic, teme ay to ya xjil sts'ubil a te Samaria, te ya cac'bey juju-jojp te mach'atic jayeb st'unojone —xi'.

2 Reyes 3:9

Jich ta yoxebal te muc' ajwaliletic, ja' te muc' ajwalil yu'un Israel, te yu'un Judá soc te yu'un Edom, jajch'ic ta beel. Ta scaj te jalajic juqueb c'aal ta beel ta yaq'uel buelta, laj te ja' ya xtuun yu'un te soldadoetic, soc te ya yuch' te chambalametic yu'unique.

Nehemías 5:6

C'alal la caiybey te swocolique, soc te bila la yalique, bayal ilinon yu'un.

Salmos 6:1

Cajwal, ma me socuc awilimba ya acomon, ma me xawac'bon castigo soc awilimba.

Éxodo 10:29

Te Moisés la sjac': —Mero smelelil te bi la awale. Ma'yuc bi ora ya xtal quilat xan —xi' te Moisese.

Isaías 49:23

Te muc' ajwaliletic jich me ya xc'otic te bit'il atatique, soc te yantsil-nich'nabique jmon-alal me awu'unic. Ya me spajc'an sbaic ta lum ta atojolic; ya me slec'beyic stanil te awacanique. Jich me ya ana'ic te jo'on Ajwalilon; soc te mach'atic ya yac' smuc'ul yo'tanic ta jtojol jich ma ba ya staic q'uexlal —xi' te Cajwaltique.

Isaías 49:26

Ya me jsuj te j'uts'inwanejetic awu'un te ya xjajch' sti'ic te sbaq'uetalique; soc ja' ya cac' te ya xyacubic soc te xch'ich'elique, jich me ta yo'tanic te bit'il trago. Jich me ya sna'ic spisil te ants-winiquetic ta balumilal te jo'on Ajwalilon te Jcoltaywanejon awu'une; te jo'one, ja' Yipon Jacob, jo'on J'ac'wanejon ta libre awu'un —xi' te Cajwaltique.

Ezequiel 3:14

Te yip yu'el te Dios la sjachon jajch'el, la sloq'ueson tey a. Pero yacon ta mel-o'tan bael, soc jchajp la caiy a te co'tane, pero te Cajwaltic tulan la stsacon ta sc'ab.

Daniel 3:19

Te c'alal la yaiy te Nabucodonosor te bila la yalique, tsajub yelaw yu'un slab yo'tan ta stojol te oxeb queremetique. Ja' yu'un la yal xan tulan mandal te ya yich' xan toyesel juqueb buelta yip te c'ajc' ta hornoe.

Números 12:3

Ta mero melel te Moisés peq'uel yac'oj sba, c'ax jich te bit'il spisil a te yantic te ayic ta q'uinale.

San Marcos 3:5

Te Jesús la yil ta sjoyobal te ants-winiquetic. Ilin yu'un soc la smel yo'tan yu'un te bit'il tulan te yo'tanique. La yalbey ts'iin te winique: —Toya jajch'el te ac'abe —la yut. La stoy jajch'el sc'ab te winique. Jich lecub te sc'abe.

Deuteronomio 29:24

“Ja' yu'un, spisil ants-winiquetic jich me ya sjojc'oyic: “¿Bi yu'un te jich pasbot yu'un Yajwal te lumq'uinal in to? ¿Bi yu'un te bayal til jajch'el sc'ajc'al yo'tan ta stojole?” xiic me.

Deuteronomio 32:24

Ya me xlajic yu'un wi'nal, ya me xlajic yu'un lajinwanej c'ajc' soc tulan chamel. Ya me jticun ta stojolic jti'awal ja'mal chambalametic, soc ya me xlajinot yu'un svenenoil ye chanetic.

Hebreos 11:27

Ta swenta xch'uunjel yo'tan la yijq'uitay jilel te sq'uinal Egiptoe. Ma ba xiw yo'tan yu'un te yilimba te muc' ajwalile, melel ja' smuc'ulinej yo'tan te Dios te yac ta yilel ta site, manchuc teme ma chicanuc ta ilele.

Apocalipsis 3:9

Jich me ya cac' te ya xtal squejan sbaic ta atojol te mach'atic nainem ta yo'tanic te Satanase soc te mach'atic scuyoj sbaic ta judioe, ja'uc me to, ma ja'uquic, ja' nax jpas-lotetic. Jo'on me ya cac' taluc te ya squejan sbaic ta atojol, jich me ya sna'ic te bit'il c'uxat ta co'tane.

Jueces 4:10

Te Barac tey la yic' a te sts'umbal Zabulón soc te sts'umbal Neftalí. Ju' yu'un stsobel lajunmil (10,000) ta jtul winiquetic. Te Débora bajt' soc.

Jueces 8:5

Ta Sucot ay bi la sc'an te Gedeón ta stojolic te mach'atic ainemic tey a: —Wocoluc a, ac'bon jtebuc swe'elic te mach'atic sjoinejonic tel, mero lubeniquix ta jyalel. Ja' yacotic ta snutsel bael te ajwalil-madianetic, ja' te Zeba soc Zalmuna —xi'.