Éxodo 11:3 - Bible in Tzeltal de Oxchuc y Tenejapa

³ Melel te Cajwaltic la yac'bey ta yo'tanic egipcioetic te ayuc sc'oplal ta yo'tanic te israeletique. Te sjo'tac ta ajwalil te faraón, jich c'oemix ta yo'tanic te ay bila bayal ya xju' yu'un te Moisés soc jich me c'oemix ta yo'tanic spisil te egipcioetique.

Bible in Tzeltal Bachajón

³ Te Jehová la yac' te lec sc'oblal c'oht te pueblo ta stojol te egipciohetique. Soc te Moisés bayel sc'oblal c'oht ta sq'uinal Egipto, ta stojol te a'batetic yu'un faraón soc ta stojol te pueblo.

Éxodo 11:3 Iomraidhean Croise

Génesis 12:2

Muc'ul lum ya xc'oat cu'un, soc ya me cac'bat bendición, soc muc' ya xc'ot ac'oplal cu'un, soc ay me bendición ta stojol yantic ta awenta.

Génesis 39:21

Ja'uc me to, sjoinej Cajwaltic te José, c'uxtaybil yu'un tey a, soc la yac' ta c'uxtayel yu'un te jcanan-chucjibale.

2 Samuel 7:9

Joinejat ta bayuc baat, la jlajinix te acontro loc' tel ta atojole. Bayal yutsil ac'oplal c'oat cu'un ta stojol spisil ants-winiquetic, jich te bit'il ay yu'un te winiquetic te bayal sc'oplalic ta balumilale.

Ester 9:4

Melel te Mardoqueo mero muc' sc'oplal ta spalacio te muc' ajwalile, soc pujc' ta alel sc'oplal ta spisil ta jpam q'uinal. Jujun c'aal yac ta toyel xan yip.

Salmos 106:46

Asta te jtsalawetic yu'unic, la yac'bey yilic yutsil yo'tanic ta stojolic.

Éxodo 12:35

La sc'anbeyic bael egipcioetic te oro soc plata soc c'u'iletic jich bit'il pasotic ta mandal yu'un Moisés.

Éxodo 12:36

Te Cajwaltic la yac'bey ta yo'tanic te egipcioetic te spasemal yo'tanic ya yac'beyic bael israeletic te bila ya sc'anbeyic baele. Jich ay bayal te bila la spojbeyic loq'uel te egipcioetique.

Éxodo 3:21

Soc ya me cac' te ayuc sc'oplal ta yo'tanic te egipcioetic te alumale, swenta yu'un te c'alal ya xloq'uic baele, ma me jocholuc sc'abic ya xbajt'ic.

Isaías 60:14

Te snich'nab te mach'atic la stenex ta uts'inele, ya me xtalic ta bic'tajel ta atojol; soc spisil mach'atic la yilayat ta yo'tanic, ya me xtal squejan sbaic ta awacan. Ya me yalbeyex: “Lum yu'un te Cajwaltique”, xi' me ac'oplal, soc: “Sión yu'un te Ch'ul Dios yu'un Israel”, xiic me.

Hechos 7:22

Soc la yich' p'ijubtesel ta lec te Moisese. Spisil la snopbey sp'ijil yo'tanic te egiptoetique. Ay bayal yip te sc'ope soc te yat'ele.

Deuteronomio 34:10

Pero ma'yuquix yan jich j'alwanej yu'un Dios chicnaj ta Israel te bit'il Moisés, te mero ta ye nix c'opoj soc te Cajwaltique,

Deuteronomio 34:11

soc te la spas te bila yaloj te Cajwaltic, soc te jelawen yutsil jchajp señailetic ac'bot spas ta Egipto ta stojol faraón soc te sjo'tac ta at'ele, soc ta stojol spisil te slumale.

Josué 4:14

Ja' jich c'aal a te jajch' ta muc'ubel sc'oplal yu'un Cajwaltic te Josué, jich jajch' yich'ic ta muc' spisil te israeletic, jich bit'il la yich'ic ta muc' Moisés te jayeb c'aal cuxine.

Apocalipsis 3:9

Jich me ya cac' te ya xtal squejan sbaic ta atojol te mach'atic nainem ta yo'tanic te Satanase soc te mach'atic scuyoj sbaic ta judioe, ja'uc me to, ma ja'uquic, ja' nax jpas-lotetic. Jo'on me ya cac' taluc te ya squejan sbaic ta atojol, jich me ya sna'ic te bit'il c'uxat ta co'tane.