Éxodo 10:2 - Bible in Tzeltal de Oxchuc y Tenejapa

² swenta yu'un jich me ya awalbey te anich'nabic soc te amamataque. Melel ma la cac' slabanon te egipcioetic te la jpas muc' jchajp señailetic ta stojolic. Jich me ya ana'ic te jo'on Ajwalilon —xi'.

Bible in Tzeltal Bachajón

² soc yu'un yac awalbe te awal-anich'anic soc te amamataquic te bin la jpas ta Egipto soc sc'oblal te jchahp a'teliletic la jpas ta yohlilic; hich yac ana'ic a te ho'on Jehovahon, xchi.

Éxodo 10:2 Iomraidhean Croise

2 Samuel 7:22

Ja' yu'un, Cajwal cu'un, mero muc'at, ma'yuc mach'a yan jich. Ma'yuc yan Dios ay, ja'at nax Diosat atuquel, jich nix te bit'il caiyojtique.

Salmos 44:1

Dios cu'untic, caiyojtic te bila yaloj te jme'il-tatiletique, te bila la apasbey ta stojolic te c'alal cuxajtic ta q'uinal ae, ja' te bila la apas ta nameye.

Salmos 44:2

Ja'at yat'el ac'ab te la aloq'ues bael te mach'atic ma ba xch'uunejate, la awac'bey castigo te nacionetique, ja'at la anajc'an ta sq'uinalic te me'il-tatiletique.

Salmos 58:11

Ja' yu'un jich me ya yal: “Mero jich nix ya sc'an a te jun co'tantic ta stojol Dios ya x'ainotique, melel ay Dios te mero stojil ya xchajbanwan ta q'uinale”, xi' me.

Salmos 71:18

Dios cu'un, ma me xapijt'eson, manchuc me mamalonix soc te saquix jole; ma me xapijt'eson, melel ya to me calbey yaiyic te smuc'ul awu'el te mach'atic ayic ta balumilal soc te mach'atic ya to xc'axic ta balumilale.

Salmos 78:3

Caiyojtic soc jna'ojtic soc la yal caiytic te jme'-jtatic;

Éxodo 13:14

Jich bit'il pajel cha'wej, teme ay ya sjojc'obeyex te anich'nabique: “¿Bi swentailuc te jich ya apase?” teme xie, albeya yaiyic: “Ja' me swentail te soc smuc'ul yu'el te Cajwaltic la sloq'uesotic tel ta Egipto te bit'il ayotic ta mozoil tey ae,

Éxodo 14:18

C'alal la cac'beyix yil cu'el a te faraón soc te soldadoetic yu'une te ay ta scarretaic soc scaballoic, jich me ya sna'ic te jo'on Ajwalilone —xi' te Cajwaltique.

Éxodo 14:4

Ja'uc me to, ya jtulantesbey yo'tan te faraón swenta yu'un ya me snutsex. Jich me ya cac'bey xan yil cu'el, soc spisil te soldadoetic yu'une. Tey me ya sna'ic a te egipcioetic te jo'on Ajwalilone —xi' te Cajwaltique. Te israeletic jich la spasic te bit'il albotique.

Éxodo 7:17

Jich yu'un tey me ya ana' yo'tic a te ja' mero Ajwalil stuquele: Te ya jmaj ta muc'ja' soc te jbastón jtsacoj ta jc'abe, ya me xc'atp'uj ta ch'ich' te ja'e.

Éxodo 7:5

Te bit'il ya cac' ta ilel cu'el ta Egipto, soc te bit'il ya xloc' bael cu'un te israeletique, te egipcioetic jich me ya sna'ic te jo'on Ajwalilone —xi' te Diose.

Éxodo 8:6

Jich yu'un te Aarón la stoy bael te sbastone ta stojol te ja'etique. Jich loq'uic tel te xch'uch'etique. Noj yu'unic ta spamal Egipto.

Isaías 38:19

Ja' nax mach'atic cuxajtic ya xju' ya yalbat lec ac'oplal, jich bit'il jo'on ya jpas ta ora to. Te me'il-tatiletic ya yalbeyic snich'nabic te yutsil xc'uxul awo'tane.

Ezequiel 20:26

Ma'yuc bila la calix ta stojolic, la cac' te ya sta smulic ta yac'beyel smajt'an loc'ombaetic, soc la smilic ta c'ajc' te sba snich'anique. Te bit'il jich la jpase, swenta yu'un la cac' ochuc xiwel ta yo'tanic a, soc swenta yu'un jich ya sna'ic a te jo'on Ajwalilon’, xi' te Cajwaltic”, uta me.

Ezequiel 20:28

Te c'alal la cac' ochel ta lumq'uinal te la cal ta jamal te ya cac'beye, yacalic to nax ta yilel a te toyol tselelique soc te muc'ul te' te bayal yabenale, tey la yaq'uic a te milbil majt'anil yu'unic, te mero ilaybil cu'une. Tey la yaq'uic bitic bujts'an yic', soc tey la smalic a te majt'anil vino yu'unique.

Joel 1:3

Albeya me yaiy awal-anich'nabic, soc ac'a me yalbey yaiy yal-snich'nabic, jichic uuc ac'a me yalbeyic te mach'atic ya to x'ayin yu'unique.

Efesios 6:4

Ja'ex te sme'-statexe, ma me xawac' te ya x'ilin yo'tan awu'unic te awal-anich'anique. Ja' ya sc'an te lec ya ach'ijtesic, soc te lec ya ap'ijubtesic ta yalalil to, soc te ya atac'uyic ta swenta te Cajwaltique.

Deuteronomio 4:9

Ja' yu'un mero tsajtaya me abaic, ma me xach'ay ta awo'tanic te bitic awilojique, soc ma me ayuc bi ora ya xch'ay ta ajolic. Ya me sc'an te ya awalbeyic yaiyic te awal-anich'anic soc te amamataquique.