Éxodo 1:11 - Bible in Tzeltal de Oxchuc y Tenejapa

¹¹ Jich yu'un te egipcioetic la sleic tulan jwolwanejetic, te ya stenic ta tulan at'el te israeletique. La yac'beyic spas cha'pam lum te Pitón soc Ramsés te sbiilique. Yu'un ay ta yo'tan te faraón, te muc' ajwalil xi' c'oem yu'un Egipto, te ja' sq'uejibal te sbiluque.

Bible in Tzeltal Bachajón

¹¹ Ha yu'un la yac' jpasawetic ta mandar ta stojol te israeletic scuenta yu'un ya ya'beyic swocolic ta tulan a'tel. La spasbeyic pueblohetic yu'un faraón scuenta sq'uejojibal we'elil, ha te Pitón soc Ramesés.

Éxodo 1:11 Iomraidhean Croise

Génesis 15:13

Jich te Cajwaltic la yalbey: —Na'a me stojol te bit'il ya xc'ax bael ats'umbal ta bay ma slumaluc, soc ya me x'och ta mozoil, soc ya me x'och ta woclajel jbajc' (400) ja'wil.

Génesis 47:11

Jich te José la sle bay lec te q'uinal la yac'bey te stat soc te sbanquiltaque. Ja' la yac'bey sq'uinalinic te Ramsés, jich nix bit'il albot yu'un te faraón.

1 Reyes 9:19

Soc la spas xan spisil te yantic lumetic te banti la stsob te we'elile. Jich nix te yawil te carretaetic yu'un guerra, soc te stsobojibal caballoetic, soc spisil bitic la smulan spasel ta Jerusalén soc ta Líbano, soc ta spisil te q'uinaletic ay ta swenta.

2 Crónicas 16:4

Te Ben-adad la xch'uun te bila albot bael yu'un te muc' ajwalil Asa, la sticun bael jtsobwanejetic yu'un soldadoetic, ba yac'beyic guerra te lumetic yu'un Israel. Jich la yu'unin te lumetic Ijón, Dan, Abel-maim soc spisil te lumetic ta sq'uinal Neftalí, te tuunic ta yawil biluquetique.

2 Crónicas 8:4

Soc la spas xan te lum Tadmor te ay ta jochol taquin q'uinal, soc la spas ta sq'uinal Hamat ta spisil te lumetic ta bay la yac'bey sq'uejibal te we'eliletique.

Salmos 105:13

te c'axic tel ta jujun nación, soc ta stojol juju-jtul muc' ajwalil.

Salmos 129:1

Bayal buelta ay mach'atic la yac'boniquix jwocol, c'alal to ta jqueremil jajch' yac'bonic jwocol, ac'a yalic te israeletique

Salmos 129:2

bayal buelta ay mach'atic la yac'boniquix jwocol, pero ma ba ju'em yu'un stsalbelonic c'alal ora.

Salmos 68:13

pero te ja'exe anac'oj abaic jilel. Xic' stsumut potsbil ta plata, te sc'uc'umale potsbil ta t'ujbil oro.

Salmos 81:6

“La jcojt'esbatix te awijc'ats acuchoje; la cac'atix ta libre yu'un te tulan at'ele.

Éxodo 1:14

La yac'beyic swocol ta tulan at'el ta swots'el ajch'al ta spasel adobe, soc spasel spisil at'el ta q'uinal. Spisil te israeletic bayal xc'uxul la yaiyic te bitic pasbotique.

Éxodo 2:11

C'alal muc'ul winiquix a te Moisés, ay jun buelta loc' yaiy paxeal ta yilel te yermanotaque. Tey la yil a te ay bayal swocolic yu'un te at'ele. Soc tey la yil xan a te ay jtul egipcio yac ta smajel sba soc jtul hebreo.

Éxodo 3:7

Te Cajwaltic jich la yal xan: —Mero chican ta jsit te bit'il ay swocol te lum cu'un ta Egipto. La caiybeyix stojol sc'opic ta scaj uts'inel yu'un te jwolwanejetic yu'un te tulan at'ele. Jna'ojbey ta lec te swocolique.

Éxodo 5:10

Jich bajt'ic te jwolwanejetic soc te jtsobwanejetic yu'un te juju-jtsojbe. Jich c'o yalbeyic te winiquetique: —La yal mandal te faraón te ma x'ac'botexix ac te ya acap soc te adobe.

Éxodo 5:15

Te jtsobwanejetic yu'un te israeletic ba sc'anic parte ta stojol te faraón: —¿Bi yu'un te ayotic ta uts'inel awu'un te jo'otic te awabatotique?

Éxodo 5:8

Sujaic me ta jyalel, jich nix me yajtalul ya spasic te bit'il ta ora to, ni jun ma me sts'uj yajtalul. Yu'un ya sc'anic te jichuc xanix ayic yu'un xch'ajilic. Ja' swentail te yacaliquix ta aw: “Ya xba cac'beytic smajt'an te Dios cu'untique”, te xiique.

Proverbios 27:4

Te ilimba ya yac' wocol, te sc'ajc'al-o'tanil ya xjinawan; pero ma xju' ta comel te paichale.

Números 20:15

Te antiguo me'il-tatil cu'untic bajt'ic ta Egipto, tey nainic bayal ja'wil. Ja'uc me to, te egipcioetic la yuts'inotic soc jich nix la spasbeyic te antiguo me'il-tatiletic cu'untique.

Deuteronomio 26:6

Pero te egipcioetic c'ax to xan la yuts'inotic, la yac'botic bayal jwocoltic, la yac'botic ta jbajtic buen tulan at'el ta mozoil.