Ester 2:3 - Bible in Tzeltal de Oxchuc y Tenejapa

³ Ac'a yich' tsael abatetic ta juju-jpam q'uinal te swentainej te muc' ajwalile, ac'a sleic ach'ixetic ta banti ayique, swenta yu'un ya me x'och ta swentaic yiq'uel tel te ach'ixetique. Ya me xjul yaq'uic ta spisilic ta sna antsetic yu'un te muc' ajwalil te ay ta joyob ts'ajc'ubil centro yu'un te lum Susa, ac'a ochuc ta swenta scanantayel te Hegai, ja' te winic te jun yo'tan ta stojol te muc' ajwalil, soc te ay ta swenta scanantayel te antsetic yu'une. Te Hegai ac'a yac'bey te bitic ya xchajban st'ujbilalic ta lec a te ach'ixetique.

Bible in Tzeltal Bachajón

³ Te ajwalil ac'a sle winiquetic ta jujusehp q'uinal te ban c'alal scuentahinej te ya yiq'uic tal spisil te t'ujbil ach'ixetic ta sna antsetic ta Susa, banti nahinem te ajwalil. Ac'a yich'ic cuentahinel yu'un Hegai te eunuco-winic yu'un te ajwalil te ya scanantay te antsetic, soc ac'a ya'be te bintic ya spoxtay sbahic a scuenta st'ujbilalic.

Ester 2:3 Iomraidhean Croise

Ester 2:19

Te jayeb c'aal yac ta iq'uel bael ta yan na yu'un antsetic a te ach'ixetique, te Mardoqueo spisil c'aal la snajc'an sba ta yochibal spalacio te muc' ajwalile.

Ester 2:4

Te mach'a ach'ixil te mero ya smulan te muc' ajwalile, ac'a ochuc ta antsil-ajwalil. Ja' ac'a ochuc sjelolin te Vasti —xiic. Te bila la yich' alele, la smulan te muc' ajwalile. Jich nix la yich' pasel a.

Ester 2:5

Ta joyob ts'ajc'ubil centro yu'un lum Susa tey nainem jtul judio-winic a, Mardoqueo sbiil te winique, snich'an Jair. Ja' sts'umbal te Simei soc Cis, te ja' sts'umbalic te Benjamín.