San Lucas 9:7 - Tzotzil de Huixtán

⁷ Ti gobernador te ti Galileae, ja' ti Herodese, laj ya'i ti c'usi yac'oj sba spas ti Jesuse. Ep ilo'laj yo'nton yu'un oy much'u laj yalic: ―Ja' ti Juane icha'cuxi loq'uel ti ch'en ―xchiic.

Tzotzil Zinacantan

⁷ Ti covierno Erodese iyaꞌi la ti ep cꞌusitic tspas ti Jesuse. Mu xa la snaꞌ lec cꞌusi tsnop yuꞌun la oy jlom iyalic ti jaꞌ ichaꞌcuxi ti Juan jꞌacꞌ-ichꞌvoꞌe.

Bible in Tzotzil de Chamula

⁷ Scotol c'usi ta spas ti Jesuse, laj ya'i ti ajvalil Herodese. Mu stac' a'yeluc ta xa'i c'usi xu' ta snop. Yu'un oy jlom ta xalic ja' cha'cuxi ti Juan ti chame.

LEQUIL ACH' C'OP

⁷ Ti rey Erodese iya'i ti ep c'usitic tspas ti Jesuse; mu xa a'yibaj c'usi tsnop, yu'un oy jlom iyalic ti ja' icha'cuxi ti Juan j'ac'-ich'vo'e,

Bible in Tzotzil de Chenalhó with Deuterocanon

⁷ Li ajvalil Herodese laj ya'ay c'usi tspas li Jesuse. Ep ilo'ilaj yo'nton, yu'un oy boch'o laj yalic ti ja' icha'cuxi li Juan j'ac'vanej ta vo'e.

Tzotzil San Andres

⁷ Li ajvalil ta Galilea balumile, jaꞌ li Herodese, iyaꞌi li cꞌustic tspas li Jesuse. Iyal yoꞌon yuꞌun oy buchꞌu iyalic ti jaꞌ ichaꞌcuxi li Juan li iyacꞌ ta ichꞌel joꞌe.

San Lucas 9:7 Iomraidhean Croise

San Mateo 11:2

C'alal tiq'uil ti chuquel ti Juane, laj ya'i ti c'usi abtelal laj spas ti Cristoe. Laj stac talel cha'vo' oxvo' ti yajchanc'opetic yu'une.

Marcos 8:28

Hech itac'avic: ―Oy chalic ti ho'ot Juanot, ja' ti laj yac' ich'ho'e. Oy chalic ti ho'ot Elíasot, oy chalic ti ho'ot yan j'alc'opot yu'un ti Diose ―xchiic.

San Lucas 13:31

Ti ora italic cha'vo' oxvo' ti fariseoetique. Hech tal yalbeic ti Jesuse: ―Batan, loc'an batel yu'un tsc'an chasmilot ti Herodese ―xchiic.

San Lucas 21:25

’Te ti vinajel chjel ti c'u che'el ono'ox ch-abtejic ti c'ac'ale, ti ue, ti c'analetique. Ja' no'ox hech uc li' ti balumile chjel ti c'u che'el ono'ox ch-abtej ti nabe. Más tsots chc'opoj ti nabe, más tsots tsyuques sba ti jyalel hech yu'un chi'ic scotol ti crixchanoetic li' ti balumile.

San Lucas 23:7

C'alal laj ya'i ti liquem tal ti Galilea ti Jesuse, hech laj sna' ti Pilatoe ti ja' oy ti sventa ti Herodese. Hech yu'un laj stac batel ti stojol ti Herodese yu'un tal ya'i paxyal te ti Jerusalén ti Herodese.

San Lucas 3:1

Yo'lajunebal xa habil yochel ti mero totil ajvalile te ti jteclum Roma, ja' ti Tiberio César sbie. Ja'uc te ti estado Judea ja' ochem ti gobernador yu'un ti Poncio Pilatoe. Ja'uc te ti estado Galilea ja' ochem ti gobernador yu'un ti Herodese. Ja'uc te ti balumil Iturea xchi'uc ti balumil Traconite ja' ochem ti ajvalil yu'un ti yits'in ti Herodese. Ja' Felipe sbi ti yits'ine. Ja'uc te ti balumil Abilinia ja' ochem ti ajvalil yu'un ti Lisaniase.

San Lucas 9:19

Hech itac'avic: ―Oy chalic ti ho'ot Juanot, ja' ti laj yac' ich'ho'e. Oy chalic ti Elíasot. Oy chalic ti ho'ot j'alc'opot ti vo'one ti icha'cuxi xae ―xchiic.