San Lucas 8:34 - Tzotzil de Huixtán

³⁴ C'alal laj yil ti jchabiejchitometique ti hech ic'ot ti pasele, ijatavic batel. Oy i'ochic batel ti jteclum, oy ibatic ti vits. Scotol ba xcholic ti c'u che'el ilecub ti vinique, ti c'u che'el icham ti xchitomique.

Tzotzil Zinacantan

³⁴ Ti jchabichitometique, ti cꞌalal iyilic ti xꞌelan ispas ti chitometique, ixiꞌic la tajmec. Ora la ba yalic ta jteclum xchiꞌuc ta parajeletic.

Bible in Tzotzil de Chamula

³⁴ C'alal laj yilic ti jq'uel-chitometic jech ic'ot ta pasele, ta jatvil xa loq'uic batel ta anil. Ba yal slo'ilic ta jteclum xchi'uc ta sjoylej ti yosilalique.

LEQUIL ACH' C'OP

³⁴ Ti jchabichitometique, c'alal iyilic ti x'elan ic'ot ta pasele ijatavic ech'el, ora ba yalic ta jteclum xchi'uc ta stentejaltic.

Bible in Tzotzil de Chenalhó with Deuterocanon

³⁴ C'alal laj yilic c'usi ic'ot ta pasel li jchabichitometique, ijatovic batel ta anil. Bat yalic ta lum xchi'uc ta tsobtsobnaetic.

Tzotzil San Andres

³⁴ Li jchabiejchitometique, cꞌalal iyilic li cꞌusi ispas li chitometique, ixiꞌic. Ibatic ta anil ta jteclum schiꞌuc ibatic ta coloniaetic, ba yalic ti icham scotol li chitometique schiꞌuc ti icol xa ta schamel li vinic li ochem toꞌox pucujetic ta yoꞌone.

San Lucas 8:34 Iomraidhean Croise

San Mateo 28:11

C'alal ibatic ti antsetique, ic'otic xa uc ti jteclum cha'vo' oxvo' ti jchabiejch'enetique. C'ot yalbeic ti totil paleetique scotol ti c'usi ic'ot ti pasele.

San Mateo 8:33

Ijatav batel ti jchabiejchitometique. I'ochic batel ti jteclum. Scotol ba xcholic ti c'u che'el icham ti chitometique xchi'uc ti c'u che'el icol ti jchi'iltique ti oy ono'ox pucuj ti yo'ntonique.

Marcos 5:14

Ibatic ti anil ti jchabiejchitometique. Ba yalbeic ti much'utic te oy ti jteclum, ti much'utic te nacajtic ti vits. Scotolic ba yalbeic ti c'usi ic'ot ti pasele. Hech yu'un scotol ti jchi'iltaque tal sq'uelic mi melel ti hech ic'ot ti pasele.

San Lucas 8:33

Ti pucujetique hech iloq'uic tal ti yo'nton ti vinique. Hech ba stic' sbaic ti yo'nton ti chitometique. Ti chitometique scotolic anil ba sten sbaic yalel ti ch'en hech i'ochic ti nab. Te laj sjiq'uic ho'. Te icham o scotol.

San Lucas 8:35

Hech yu'un scotol ti judioetique tal sq'uelic ti c'usi ic'ot ti pasele. Te italic ti yo' bu oy ti Jesuse. Te laj yilic ti xchi'ile ti iloq'uesbat ep pucuj ti yo'ntone, te xa nacal ti bu nopol yacan ti Jesuse, slapoj xa sc'u' spoc', tsna' xa balumil. Ixi'ic yu'un.