San Lucas 7:21 - Tzotzil de Huixtán

²¹ Ti Jesuse te yac'oj sba tscolta ep jchameletic c'ot staic. Tslamantasbe xchamel ti much'utic yaloj sba chin ti sbec'talique. Tsloq'uesbe pucujetic ti yo'ntonic yan, tsjambe satic yan.

Tzotzil Zinacantan

²¹ Ti Jesuse jaꞌo la xyaquet ta xetꞌesbe xchamel ep jchameletic ti cꞌalal icꞌotique, xchiꞌuc la ti muchꞌutic ip ta chine. Ta la sloqꞌuesbe pucujetic ta yoꞌon ti crixchanoetique, ta la sjambe sat maꞌsatetic.

Bible in Tzotzil de Chamula

²¹ C'alal oyic xa ti bu taje, ja' o yorail ti Jesuse ta scolesan epal jchameletic ti ep ta tos ti xchamelique, xchi'uc ti buch'u ta x'ilbajinatic yu'un ti pucuje, xchi'uc ta sjambel sat ti ma'satetique.

LEQUIL ACH' C'OP

²¹ Ti Jesuse ja'o xyaquet ta xet'esbe xchamel ep crixchanoetic ja' ti much'utic tsots svocolic tajmeque, ti much'utic ochem pucuj ta yo'onique, xchi'uc ti ma'satetique.

Bible in Tzotzil de Chenalhó with Deuterocanon

²¹ C'alal ic'otique, ja'o la scolta ep jchameletic xchi'uc boch'otic ep svocolic xchi'uc boch'o ochem pucuj ta yo'ntonic, xchi'uc la sjambe sat ep ma'satetic.

Tzotzil San Andres

²¹ Li Jesuse jaꞌ o yacal ta scoltaanbe schamel ep jchamelajeletic li cꞌalal icꞌotique. Ta scolta li buchꞌutic chꞌiem chin ta sbecꞌtalique, ta sloqꞌuesbe pucujetic ta yoꞌonic li buchꞌutic ochem pucuj ta yoꞌonique, ta sjambe sat li buchꞌutic maꞌsatetique.

San Lucas 7:21 Iomraidhean Croise

San Mateo 4:23

Ti Jesuse ixanav batel ti scotol jteclumetic te ti estado Galilea. Te ichanubtasvan ti temploetic yu'un ti jchi'iltique. Laj xcholbe ya'yic ti lequil ach' c'ope, ja' ti chisventaimbucutic co'ntontic ti Diose. Icol yu'un ti Jesuse scotol ti jchameletique.

San Mateo 4:24

Ti scotol slumal Siria ipuc sc'opilal ti Jesuse ti icol yu'un scotol ti jchameletique. Hech laj yiq'uic talel ti stojol ti Jesuse scotol ti jchameletic yu'unique. Ep ti tos ti jchameletique ti italique. Ital ti much'u ip c'ux cha'yique xchi'uc ti much'utic ochem pucuj ti yo'ntonique xchi'uc ti much'utic cha'yic tup' iq'ue xchi'uc ti much'utic sicuben yacanic. Icol yu'un scotol ti Jesuse.

Marcos 3:10

Yu'un ep ti much'utic icol xa yu'un ti Jesuse, hech yu'un scotol ti much'utic oy svocol yu'un oy xchamelique chnet'vanic tal yu'un tsc'an tspiquic ti Jesuse.

Marcos 5:29

Ti ora imac ti ch'ich'e. Laj ya'i ti ichop xa ti sbec'tale.

Marcos 5:34

Ti Jesuse hech laj yalbe: ―Nich'on, colemot xa yu'un laj ach'un ti xu' cu'une. Jun avo'nton batan, j'ech'el ichop xa ti achamele ―x'utat.

San Lucas 7:20

Hech yu'un c'alal italic ti stojol ti Jesuse, hech laj yalbeic: ―Tacbiluntutic tal yu'un ti Juane, ja' ti j'ac' ich'ho'e, yu'un oy c'usi sc'an chasjac'be. ¿Mi ho'ot ono'ox ti Cristoote ti ac'opilal chatale, mi ti jmalatutic yan? xchi ital sc'op ―xchiic.

Hebreos 12:6

Yu'un ti Cajvaltique chac'be acial scotol ti much'utic c'ux ti yo'ntone yu'un ac'o p'ijubuc. Chijyac'bucutic acial jcotoltic, ho'ucutic ti yol snich'onucutique ti laj xa yic'ucutic ti stojole yu'un ac'o tojobucutic, ti xchie.