San Lucas 5:3 - Tzotzil de Huixtán

³ Ti Jesuse laj stic' sba ochel ti yut jun barco, ja' ti sbarco ti Simone. Laj yal mantal ti ac'o batuc jutuc ti ba ho' ti barcoe. Ti Jesuse te laj snacan sba ti yut barco. Hech lic xchanubtas ti crixchanoetique ti te stsoboj sbaic te ti ti'ti'nab.

Tzotzil Zinacantan

³ Ti Jesuse iꞌoch la ta jcot canova, jaꞌ la scanova li Simone. ―Xanubtaso loqꞌuel jsetꞌuc lacanovae ―xꞌutat la li Simone. Ti Jesuse ichoti la ta yut canova, jaꞌo la lic xchanubtas li crixchanoetic tey lamal ta tiꞌnabe.

Bible in Tzotzil de Chamula

³ Ti Jesuse och batel ta jun barco, ti ja' yu'un ti Simone, ti laj sc'an ti xujicuc batel jutuc ta yut nabe. Chot xi ta barco, lic xchanubtas talel ti jnaclejetic ti bu taje.

LEQUIL ACH' C'OP

³ Ti Jesuse i'och ta jcot canova, ja' scanova ti Simone, iyalbe ti ac'u xuj ochel jset'uc li scanovae. Ti Jesuse ichoti ta yut canova, ja'o lic xchanubtas li crixchanoetique.

Bible in Tzotzil de Chenalhó with Deuterocanon

³ Li Jesuse i'och ta jun canova; ja' scanova li Simone. Laj yalbe ti ac'o xlechu jutuc ochel ta nab li scanovae. Li Jesuse ichoti ta yut canova; te lic xchanubtas li epal cristianoetique.

Tzotzil San Andres

³ Li Jesuse iꞌoch ta jun canava, jaꞌ scanava li Simón Pedroe. Laj yalbe Pedro ti acꞌo xanubtas batel jutuc ta nab li scanavae. Li Jesuse te ichoti ta yut li canavae, la schanubtas scotol li crixchanoetic li te tsobolic ta tiꞌnabe.

San Lucas 5:3 Iomraidhean Croise

San Mateo 4:18

Ti Jesuse ixanav batel ti ti'ti'nab te ti estado Galilea. Te laj yil cha'vo' jchi'iltic. Yermano sbaic. Simón sbi ti june. Ja' chib ti sbie. Ja' Pedro x'utat. Andrés sbi ti yits'ine. Yac'oj sba tstenic ochel slebic ti ho' yu'un tstsaquic choy. Ja' yabtelic o.

Marcos 3:10

Yu'un ep ti much'utic icol xa yu'un ti Jesuse, hech yu'un scotol ti much'utic oy svocol yu'un oy xchamelique chnet'vanic tal yu'un tsc'an tspiquic ti Jesuse.

Marcos 3:9

Ti Jesuse hech laj yalbe ti yajchanc'opetique: ―Ja' lec chachuquic jun barco li'i hech xu' chi'och ti barco mi ep chnet'van tal ti crixchanoetique ―xut.

San Lucas 5:2

Ti Jesuse laj yil te oy chib barcoetic nopol ti'nab. Loq'uemic ti yajval barcoe, ja' ti jtsacchoyetique. Yac'oj sba tsapilanic ti slebique ti jtsacchoyetique.

San Juan 8:2

Hech yu'un ti sob ic'luman ti yoc'omal nisututic tal xchi'uc ti Jesuse, ni'ochtutic ti yut templo te ti Jerusalén yan vuelta. Ep crixchanoetic italic ti stojol ti Jesuse. Hech yu'un laj snacan sba ti Jesuse, te lic chanubtasvanuc.